ಕೊಳವೆ ಬಾವಿಗೆ ಬಿದ್ದ 3 ವರ್ಷದ ಮಗು... ಬೋರ್​ವೆಲ್ ತೆಗೆದ ಅರ್ಧ ಗಂಟೆಯಲ್ಲೇ ದುರ್ಘಟನೆ!

ಮೂರು ವರ್ಷದ ಮಗುವೊಂದು ಕೊಳವೆ ಬಾವಿಗೆ ಬಿದ್ದ ಘಟನೆ ತೆಲಂಗಾಣದ ಮೇದಕ್ ಜಿಲ್ಲೆಯಲ್ಲಿ ನಡೆದಿದ್ದು, ಕೊಳವೆ ಬಾವಿ ಕೊರೆದ ಅರ್ಧ ಗಂಟೆಯಲ್ಲೇ ಈ ದುರ್ಘಟನೆ ಸಂಭವಿಸಿದೆ.

ಮೇದಕ್(ತೆಲಂಗಾಣ): ಮೂರು ವರ್ಷದ ಮಗುವೊಂದು ಕೊಳವೆ ಬಾವಿಗೆ ಬಿದ್ದಿರುವ ಘಟನೆ ಮೇದಕ್ ಜಿಲ್ಲೆಯ ಪಾಪಣ್ಣಪೇಟೆ ಮಂಡಲದ ಪೊಡಚನಪಲ್ಲಿ ಗ್ರಾಮದಲ್ಲಿ ನಡೆದಿದೆ.

ಕೊಳವೆ ಬಾವಿಯನ್ನು ಕೊರೆದ ಅರ್ಧ ಗಂಟೆಯಲ್ಲೇ ಸಾಯಿ ವರ್ಧನ್​ ಎಂಬ ಮಗು ಬೋರ್​ವೆಲ್ ಒಳಗೆ ಬಿದ್ದಿದೆ. ಕೃಷಿ ಕಾರ್ಯಕ್ಕಾಗಿ ಇಂದು ಹೊಸದಾಗಿ ಬೋರ್​ವೆಲ್ ತೋಡಿಸಲಾಗಿತ್ತು.

ಕೊಳವೆಬಾವಿ ಕೊರೆಸಿದ ನಂತರ ಅದನ್ನು ಮುಚ್ಚಿರಲಿಲ್ಲ. ಪೋಷಕರು ಬೇರೆ ಕೆಲಸಲ್ಲಿ ತೊಡಗಿಕೊಂಡಿದ್ದಾಗ, ಬಾಲಕ ಕೊಳವೆ ಬಾವಿಯೊಳಗೆ ಬಿದ್ದಿದ್ದಾನೆ. ಘಟನಾ ಸ್ಥಳಕ್ಕೆ ಕಂದಾಯ ಅಭಿವೃದ್ಧಿ ಅಧಿಕಾರಿ ಸಾಯಿರಾಂ ಮತ್ತು ಪಾಪಣ್ಣಪೇಟೆ ಪೊಲೀಸರು ದೌಡಾಯಿಸಿದ್ದು, ರಕ್ಷಣಾ ಕಾರ್ಯಾಚರಣೆ ಪ್ರಗತಿಯಲ್ಲಿದೆ.