ನಾಲ್ಕು ರಾಜ್ಯಗಳಿಂದ 256 ಶ್ರಮಿಕ್​​ ರೈಲು ರದ್ದು​: ರೈಲ್ವೆ ಇಲಾಖೆ

ಅನ್ಯ ರಾಜ್ಯಗಳಲ್ಲಿ ಸಿಲುಕಿದ್ದ ವಲಸೆ ಕಾರ್ಮಿಕರನ್ನು ತವರಿಗೆ ಕರೆ ತರಲು ಶ್ರಮಿಕ್​ ರೈಲಿನ ವ್ಯವಸ್ಥೆಯನ್ನು ಕೇಂದ್ರ ಸರ್ಕಾರ ಮಾಡಿದೆ. ಆದರೆ ಮೇ 1ರಿಂದ ಕರ್ನಾಟಕ ಸೇರಿದಂತೆ ಇನ್ನಿತರ ಮೂರು ರಾಜ್ಯಗಳು 256 ರೈಲುಗಳ ಸಂಚಾರವನ್ನು ಸ್ಥಗಿತಗೊಳಿಸಿವೆ.

ನವದೆಹಲಿ: ಕೊರೊನಾ ಪ್ರೇರಿತ ಲಾಕ್​ಡೌನ್​ನಿಂದಾಗಿ ಹೊರ ರಾಜ್ಯಗಳಲ್ಲಿ ಸಿಲುಕಿದ್ದ ವಲಸಿಗರನ್ನು ಕರೆತರಲು 4,040 ಶ್ರಮಿಕ್​ ವಿಶೇಷ ರೈಲಗಳು ಸಂಚಾರ ನಡೆಸಿವೆ. ಈ ಪೈಕಿ 256 ರೈಲುಗಳ ಸಂಚಾರವನ್ನು ನಾಲ್ಕು ರಾಜ್ಯಗಳು ಸ್ಥಗಿತಗೊಳಿಸಿವೆ ಎಂದು ರೈಲ್ವೆ ಇಲಾಖೆ ತಿಳಿಸಿದೆ.

ಮೇ 1ರಿಂದ ಮಹಾರಾಷ್ಟ್ರ, ಗುಜರಾತ್, ಕರ್ನಾಟಕ, ಉತ್ತರ ಪ್ರದೇಶ ಸರ್ಕಾರಗಳು ವಿಶೇಷ ಶ್ರಮಿಕ್​ ರೈಲುಗಳ ಸಂಚಾರವನ್ನು ಸ್ಥಗಿತಗೊಳಿಸಿವೆ ಎಂದು ರೈಲ್ವೆ ಇಲಾಖೆ ಸ್ಪಷ್ಟಪಡಿಸಿದೆ. ಮಹಾರಾಷ್ಟ್ರ 105 ರೈಲುಗಳು, ಗುಜರಾತ್ 47, ಕರ್ನಾಟಕ 38 ಮತ್ತು ಉತ್ತರ ಪ್ರದೇಶ 30 ರೈಲುಗಳನ್ನು ರದ್ದುಪಡಿಸಿವೆ ಎಂದು ರೈಲ್ವೆ ಇಲಾಖೆ ತಿಳಿಸಿದೆ.