ಜೈಪುರ ಸರಣಿ ಬಾಂಬ್ ಸ್ಫೋಟ ಪ್ರಕರಣ: ನಾಲ್ವರು ಆರೋಪಿಗಳು ದೋಷಿ ,ಓರ್ವ ಖುಲಾಸೆ

2008ರ ಜೈಪುರ​​ ಸರಣಿ ಬಾಂಬ್​​ ಸ್ಪೋಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿಶೇಷ ನ್ಯಾಯಾಲಯ ತೀರ್ಪು ನೀಡಿದೆ.

ಜೈಪುರ್​​​: 2008ರಲ್ಲಿ ರಾಜಸ್ಥಾನದ ಜೈಪುರ​​​ದಲ್ಲಿ ನಡೆದ ಸರಣಿ ಬಾಂಬ್​​ ಸ್ಪೋಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿಶೇಷ ನ್ಯಾಯಾಲಯ ತೀರ್ಪು ಪ್ರಕಟಿಸಿದ್ದು, ಐವರು ಆರೋಪಿಗಳ ಪೈಕಿ ನಾಲ್ವರು ದೋಷಿ ಹಾಗೂ ಓರ್ವ ಆರೋಪಿಯನ್ನು ಖುಲಾಸೆಗೊಳಿಸಿ ಆದೇಶ ನೀಡಿದೆ.

ಘಟನೆಯ ಬಳಿಕ ಮುಜಾಹಿದ್ದೀನ್​​​​ ಉಗ್ರವಾದಿ ಸಂಘಟನೆ ಸ್ಪೋಟದ ಹೊಣೆ ಹೊತ್ತುಕೊಂಡಿತ್ತು. ಪ್ರಕರಣದಲ್ಲಿ ಭಾಗಿಯಾಗಿದ್ದ ಆರೋಪದಲ್ಲಿ ಬಂಧಿತನಾಗಿದ್ದ ಶಹಬಾಜ್ ಹುಸೇನ್ ಅಲಿಯಾಸ್ ಶಹಬಾಜ್ ಅಹ್ಮದ್ ಅಲಿಯಾಸ್ ಶಾನು ಖುಲಾಸೆಗೊಂಡಿದ್ದಾನೆ.

ಕರಾಳ ದಿನದ ನೆನಪು:

ಮೇ 13, 2008ರಂದು ನಡೆದ ಈ ಸರಣಿ ಬಾಂಬ್​ ಸ್ಫೋಟದಲ್ಲಿ 70 ಜನರು ಸಾವನ್ನಪ್ಪಿದ್ದು, 185 ಮಂದಿ ಗಾಯಗೊಂಡಿದ್ದರು. ಸಂಜೆ 7.20ರಿಂದ 7.45ರೊಳಗೆ ಒಟ್ಟು 9 ಸ್ಥಳಗಳಲ್ಲಿ ಬಾಂಬ್​​ ಸ್ಪೋಟಗೊಂಡಿದ್ದವು. ಜೈಪುರ​ದನ ಮನಕ್ ಚೌಕ್ ಪೊಲೀಸ್ ಠಾಣೆ, ಬಡಿ ಚೌಪಾಡ್, ಕೊಟ್ವಾಲಿ ಪೊಲೀಸ್ ಠಾಣೆ, ಟ್ರಿಪೋಲಿಯಾ ಬಜಾರ್, ಚಾಂದ್ಪೋಲ್ ಹನುಮಾನ್ ದೇವಸ್ಥಾನ, ಜೌಹರಿ ಬಜಾರ್‌ನಲ್ಲಿನ ರಾಷ್ಟ್ರೀಯ ಕೈಮಗ್ಗ, ಸಂಗನೇರಿ ಗೇಟ್ ಹನುಮಾನ್ ದೇವಸ್ಥಾನದ ಬಳಿ ಬಾಂಬುಗಳು​​ ಸ್ಪೋಟಗೊಂಡಿದ್ದವು.