ಮಹಿಳಾ ಮಣಿಗಳ ಕೈಯಲ್ಲಿ ಭಾರತದ ಮಕುಟಮಣಿ...! ಕಾಶ್ಮೀರದ ಉಸ್ತುವಾರಿ ಆ ಇಬ್ಬರ ಹೆಗಲಿಗೆ

ಪ್ರಸ್ತುತ ಕಾಶ್ಮೀರದ ಪರಿಸ್ಥಿತಿಯನ್ನು ಶಾಂತಗೊಳಿಸಲು ಇಬ್ಬರು ಮಹಿಳಾಮಣಿಗಳು ಮೇಲುಸ್ತುವಾರಿ ವಹಿಸಿಕೊಂಡಿದ್ದು, ಮಹತ್ವದ ಸ್ಥಾನದಲ್ಲಿರುವ ಆ ದಿಟ್ಟ ಮಹಿಳೆಯ ಬಗ್ಗೆ ಇಲ್ಲಿದೆ ಸಂಪೂರ್ಣ ಮಾಹಿತಿ...

ಶ್ರೀನಗರ:ಭಾರತದ ಮುಕುಟಮಣಿ ಜಮ್ಮು ಕಾಶ್ಮೀರ ಸಹಜ ಸ್ಥಿತಿಯತ್ತ ಮರಳುತ್ತಿದ್ದು, ಭದ್ರತೆ ಸಡಲಿಕೆ ಬಳಿಕ ಜನತೆ ದೈನಂದಿನ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳುತ್ತಿದ್ದಾರೆ.

ಪ್ರಸ್ತುತ ಕಾಶ್ಮೀರದ ಪರಿಸ್ಥಿತಿಯನ್ನು ಶಾಂತಗೊಳಿಸಲು ಇಬ್ಬರು ಮಹಿಳಾಮಣಿಗಳು ಮೇಲುಸ್ತುವಾರಿ ವಹಿಸಿಕೊಂಡಿದ್ದು, ಮಹತ್ವದ ಸ್ಥಾನದಲ್ಲಿರುವ ಆ ದಿಟ್ಟ ಮಹಿಳೆಯ ಬಗ್ಗೆ ಇಲ್ಲಿದೆ ಸಂಪೂರ್ಣ ಮಾಹಿತಿ...

ಡಾ. ಸೈಯದ್ ಸೆಹರಿಶ್ ಅಸ್ಗರ್

2013ನೇ ಐಎಎಸ್​ ಬ್ಯಾಚ್​​ನ ಡಾ. ಸೈಯದ್ ಸೆಹರಿಶ್ ಅಸ್ಗರ್​ ಕಾಶ್ಮೀರಕ್ಕೆ ನಿಯೋಜನೆಗೊಂಡಿದ್ದು, ಅಲ್ಲಿ ಜನಸಂಪರ್ಕದಲ್ಲಿದ್ದು ಸರ್ಕಾರದ ನೂತನ ಯೋಜನೆಗಳನ್ನು ಜನತೆಗೆ ತಿಳಿಸುವ ಮತ್ತು ಅರ್ಥೈಸುವ ಕಾರ್ಯ ಮಾಡಲಿದ್ದಾರೆ.

ಡಾ. ಸೈಯದ್ ಸೆಹರಿಶ್ ಅಸ್ಗರ್ ಮಾಹಿತಿ ನಿರ್ದೇಶಕರಾಗಿ ನಿಯುಕ್ತರಾಗಿದ್ದಾರೆ. ಎಂಬಿಬಿಎಸ್​ ಶಿಕ್ಷಣವನ್ನು ಅರ್ಧಕ್ಕೆ ತೊರೆದು ಯುಪಿಎಸ್​ಸಿ ಪರೀಕ್ಷೆ ಬರೆದು ಇದೀಗ ಕಾಶ್ಮೀರದಲ್ಲಿ ವೃತ್ತಿ ಜೀವನವನ್ನು ಆರಂಭಿಸಿದ್ದಾರೆ. ಒಂದು ವರ್ಷದ ಮಗುವಿನ ತಾಯಿಯಾಗಿರುವ ಅಸ್ಗರ್​, ಸದ್ಯ ಕೆಲಸ ಸವಾಲಿನಿಂದ ಕೂಡಿದ್ದು ಇದಕ್ಕೆ ಭಾವನಾತ್ಮಕ ಬೆಂಬಲದ ಅಗತ್ಯವವಿದೆ ಎಂದಿದ್ದಾರೆ.

ಪಿ.ಕೆ.ನಿತ್ಯಾ

2016ನೇ ಬ್ಯಾಚ್​ನ ಐಪಿಎಸ್ ಆಧಿಕಾರಿಯಾಗಿರುವ ಪಿ.ಕೆ.ನಿತ್ಯಾ ಶ್ರೀನಗರಕ್ಕೆ ನಿಯುಕ್ತಿಗೊಂಡಿದ್ದು, ರಾಮ್​ ಮುನ್ಶಿ ಬಾಗ್ ಹಾಗೂ ಹರ್ವಾಣ್​ ದಗ್ಚಿ ಗ್ರಾಮದ ಉಸ್ತುವಾರಿ ವಹಿಸಿಕೊಂಡಿದ್ದಾರೆ.

ಈ 40 ಕಿ.ಮೀ ವ್ಯಾಪ್ತಿಯ ಪ್ರದೇಶ ಅತ್ಯಂತ ಸೂಕ್ಷ್ಮವಾಗಿದ್ದು, ಈ ಸರಹದ್ದಿನಲ್ಲಿ ಪ್ರಸಿದ್ಧ ದಾಲ್ ಸರೋವರ ಹಾಗೂ ರಾಜ್ಯಪಾಲರ ನಿವಾಸ ಸಹ ಇದೆ. ಜೊತೆಗೆ ಖ್ಯಾತನಾಮರನ್ನು ಗೃಹಬಂಧನದಲ್ಲಿರಿಸಿದ ಸ್ಥಳವೂ ಇದೇ ವ್ಯಾಪ್ತಿಯಲ್ಲಿದೆ.

ಛತ್ತೀಸ್​ಗಢ ಮೂಲದ 28 ವರ್ಷದ ನಿತ್ಯಾ ಸದ್ಯದ ಕೆಲಸವನ್ನು ಸವಾಲಾಗಿ ಸ್ವೀಕರಿಸಿದ್ದು, ಈ ಹಿಂದೆ ಸಿಮೆಂಟ್ ಕಂಪೆನಿಯಲ್ಲಿ ಮ್ಯಾನೇಜರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು.

ಪ್ರಸ್ತುತ ಕಾಶ್ಮೀರಕ್ಕೆ ಇಬ್ಬರೇ ಮಹಿಳೆಯರನ್ನು( ಅಸ್ಗರ್ ಹಾಗೂ ನಿತ್ಯಾ) ನಿಯುಕ್ತಿ ಮಾಡಲಾಗಿದ್ದು ಇನ್ನಿತರ ಉನ್ನತ ಮಟ್ಟದ ಮಹಿಳಾ ಅಧಿಕಾರಿಗಳನ್ನು ಜಮ್ಮು ಮತ್ತು ಲಡಾಖ್ ಪ್ರಾಂತ್ಯಕ್ಕೆ ಕಳುಹಿಸಲಾಗಿದೆ.