ಕರ್ನಾಟಕದ ಅಸ್ಥಿರ ರಾಜಕಾರಣದ ಮಧ್ಯೆ 'ಕೈ'ಗೆ ಶಾಕ್! ಪ್ರತಿಪಕ್ಷ ನಾಯಕ ಸೇರಿ 10 ಶಾಸಕರು ಬಿಜೆಪಿ ಸೇರ್ಪಡೆ!

ಕಾಂಗ್ರೆಸ್​​ನ ಹತ್ತು ಶಾಸಕರು ಪಕ್ಷದಿಂದ ಹೊರಬಂದು ಬಿಜೆಪಿ ಸೇರಿದ್ದು, ಪ್ರತಿಪಕ್ಷ ನಾಯಕ ಚಂದ್ರಕಾಂತ್ ಕಾವ್ಲೇಕರ್​​ ಸಹ ಸೇರಿದ್ದಾರೆ. ಈ ಪಕ್ಷಾಂತರ ಸಾಂವಿಧಾನಿಕ ಎಂದು ಎಂದು ಗೋವಾ ಉಪ ಸ್ಪೀಕರ್​​ ಮೈಕಲ್​ ಲೋಬೋ ಮಾಹಿತಿ ನೀಡಿದ್ದಾರೆ.

ಪಣಜಿ:ಕರ್ನಾಟಕ ಸರ್ಕಾರದ ಅಸ್ಥಿರತೆ ಮುಂದುವರೆದಿರುವ ಬೆನ್ನಲ್ಲೇ ಪಕ್ಕದ ರಾಜ್ಯ ಗೋವಾದಲ್ಲಿ ಸಹ ಕಾಂಗ್ರೆಸ್ ಶಾಸಕರು ಪಕ್ಷ ತೊರೆದು ಬಿಜೆಪಿಗೆ ಸೇರಿದ್ದಾರೆ.

ಕಾಂಗ್ರೆಸ್​​ನ ಹತ್ತು ಶಾಸಕರು ಪಕ್ಷದಿಂದ ಹೊರಬಂದು ಬಿಜೆಪಿ ಜೊತೆಗೆ ವಿಲೀನರಾಗಿದ್ದು, ಪ್ರತಿಪಕ್ಷ ನಾಯಕ ಚಂದ್ರಕಾಂತ್ ಕಾವ್ಲೇಕರ್​​ ಸಹ ಸೇರಿದ್ದಾರೆ ಎಂದು ಗೋವಾ ಉಪ ಸ್ಪೀಕರ್​​ ಮೈಕಲ್​ ಲೋಬೋ ಮಾಹಿತಿ ನೀಡಿದ್ದಾರೆ.

ಹಾಲಿ ಗೋವಾ ಮುಖ್ಯಮಂತ್ರಿ ಉತ್ತಮ ಕಾರ್ಯವನ್ನು ಮಾಡುತ್ತಿದ್ದಾರೆ. ಸಿಎಂ ಅವರ ಅಭಿವೃದ್ಧಿ ಕಾರ್ಯವನ್ನು ಮೆಚ್ಚಿ ಇಂದು ನಾವು ಹತ್ತು ಜನ ಶಾಸಕರು ಬಿಜೆಪಿ ಸೇರಿದ್ದೇವೆ ಎಂದು ಚಂದ್ರಕಾಂತ್ ಕಾವ್ಲೇಕರ್ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.