ರಂಜಾನ್​ ಹಬ್ಬ: ರಾಷ್ಟ್ರಪತಿ, ಪ್ರಧಾನಿ ಸೇರಿ ಗಣ್ಯರ ಶುಭಾಶಯ

ಮುಸ್ಲಿಂ ಬಾಂಧವರ ವಿಶೇಷ ದಿನಕ್ಕೆ ಈ ಬಾರಿಯೂ ಕೊರೊನಾ ಅಡ್ಡಿಯಾಗಿದೆ. ಈ ವರ್ಷ ರಂಜಾನ್ ಹಬ್ಬವನ್ನು ಏಪ್ರಿಲ್ 14 ರಿಂದ ಮೇ 13 ರವರೆಗೆ ಆಚರಿಸಲಾಯಿತು. ಮುಸ್ಲಿಮರು ಮಸೀದಿಗಳಲ್ಲಿ ಸಾಮೂಹಿಕ ಪ್ರಾರ್ಥನೆಯ ಬದಲು ಮನೆಗಳಲ್ಲೇ ಹಬ್ಬಾಚರಣೆ ಮಾಡುತ್ತಿದ್ದಾರೆ.

ರಂಜಾನ್ ಇಸ್ಲಾಮಿಕ್ ಕ್ಯಾಲೆಂಡರ್​ನ ಒಂಬತ್ತನೇ ತಿಂಗಳು. ಈ ಹಬ್ಬವನ್ನು ಈದ್ ಉಲ್ ಫಿತ್ರ್​ ಎಂದು ಸಹ ಕರೆಯಲಾಗುತ್ತದೆ. ಇದನ್ನು ಮುಸ್ಲಿಮರು ಉಪವಾಸ ಮತ್ತು ಪ್ರಾರ್ಥನೆಯ ತಿಂಗಳು ಎಂದು ಆಚರಿಸುತ್ತಾರೆ. ಇದು ಸುಮಾರು 29-30 ದಿನಗಳವರೆಗೆ ಇರುತ್ತದೆ. ಈ ವರ್ಷ ರಂಜಾನ್ ಹಬ್ಬವನ್ನು ಏಪ್ರಿಲ್ 14 ರಿಂದ ಮೇ 13 ರವರೆಗೆ ಆಚರಿಸಲಾಯಿತು. ಇಂದು ಈ ಪವಿತ್ರ ತಿಂಗಳ ಕೊನೆಯ ಶುಕ್ರವಾರ ಅಂದರೆ ಜಮಾತ್-ಉಲ್-ವಿದಾ.

ಇಸ್ಲಾಮಿಕ್ ನಂಬಿಕೆಗಳ ಪ್ರಕಾರ, ಪವಿತ್ರ ರಂಜಾನ್ ತಿಂಗಳಲ್ಲಿ, ಪ್ರಪಂಚದಾದ್ಯಂತ ಮುಸ್ಲಿಮರು ಉಪವಾಸ, ದಾನ, ಧರ್ಮ ಮಾಡುತ್ತ ದೇವರ ಪ್ರಾರ್ಥನೆಯಲ್ಲಿ ತೊಡಗಿಸಿಕೊಳ್ಳುತ್ತಾರೆ. ವರ್ಷವಿಡೀ ಬರುವ ಶುಕ್ರವಾರವನ್ನು (ಜುಮ್ಮಾ) ಇಸ್ಲಾಂ ಧರ್ಮದ ಪ್ರಕಾರ ವಾರದ ಅತ್ಯಂತ ಪವಿತ್ರವಾದ ದಿನವೆಂದು ಪರಿಗಣಿಸಲಾಗುತ್ತದೆ. ಆದರೆ ರಂಜಾನ್‌ನ ಕೊನೆಯ ಶುಕ್ರವಾರವು ತನ್ನದೇ ಆದ ಮಹತ್ವವನ್ನು ಹೊಂದಿದೆ.

ಇಂದು ಮೂರನೇತಾಖಿರಾತ್ ಅಂದರೆ ಮೂರನೇ ದೊಡ್ಡ ರಾತ್ರಿಯಾಗಿದ್ದು ಜಾಗರಣೆಗಳನ್ನು ಮಾಡಲಾಗುತ್ತೆ. ರಂಜಾನ್​ ಸಮಯದಲ್ಲಿ ನರಕಗಳ ಬಾಗಿಲು ಮುಚ್ಚಲ್ಪಟ್ಟಿರುತ್ತದೆ ಮತ್ತು ಸ್ವರ್ಗದ ಬಾಗಿಲು ತೆರೆದಿರುತ್ತದೆ ಎಂಬ ನಂಬಿಕೆಯಿದೆ.

ಪರಸ್ಪರ ಪ್ರೇಮ, ಮಾನವ ಸಮಾನತೆಯನ್ನು ಈದ್ ಉಲ್ ಫಿತ್ರ್ ಸಾರುತ್ತದೆ. ಮುಸ್ಲಿಂ ಬಾಂಧವರ ವಿಶೇಷ ದಿನಕ್ಕೆ ಈ ಬಾರಿಯೂ ಕೊರೊನಾ ಅಡ್ಡಿಯಾಗಿದೆ. ಕೋವಿಡ್​ ಸಾಂಕ್ರಾಮಿಕ ರೋಗದಿಂದಾಗಿ ಈ ವರ್ಷದ ಆಚರಣೆಗಳು ವಿಭಿನ್ನವಾಗಿವೆ. ಮುಸ್ಲಿಮರು ಮಸೀದಿಗಳಲ್ಲಿ ಸಾಮೂಹಿಕ ಪ್ರಾರ್ಥನೆಯ ಬದಲು ಮನೆಗಳಲ್ಲೇ ಹಬ್ಬದಾಚರಣೆಗೆ ಸಿದ್ಧತೆ ಮಾಡಿಕೊಂಡಿದ್ದಾರೆ.

ರಂಜಾನ್​ಗೆ ಗಣ್ಯರ ಶುಭಾಶಯ: