ತೆಲುಗು ನಾಡಿನಲ್ಲಿ 'ಬತುಕಮ್ಮ' ಆಚರಣೆ ಸಂಭ್ರಮ: AR​ ರಹಮಾನ್​ ಸಂಯೋಜನೆಯ ವಿಶೇಷ ಸಾಂಗ್​ ರಿಲೀಸ್​​​

ಬತುಕಮ್ಮ ದೇವಿ ತೆಲಂಗಾಣದ ಸಾಂಸ್ಕೃತಿಕ ವೈಭವವನ್ನು ಪ್ರತಿಬಿಂಬಿಸುತ್ತದೆ. ಈ ಹಬ್ಬದಲ್ಲಿ ಒಂದು ಸುಂದರವಾದ ಹೂವಿನ ರಾಶಿಯನ್ನು, ವಿವಿಧ ವಿಶಿಷ್ಟವಾದ ಕಾಲೋಚಿತ ಹೂವುಗಳಿಂದ ಮತ್ತು ಔಷಧೀಯ ಗುಣಗಳನ್ನು ಹೊಂದಿರುವ ಹೂಗಳಿಂದ ಗುಮ್ಮಟದ ಆಕಾರದಲ್ಲಿ (ಗೋಪುರ) ಆಕಾರದಲ್ಲಿ ನಿರ್ಮಿಸಿ ಪೂಜಿಸಲಾಗುತ್ತದೆ. ತೆಲುಗಿನಲ್ಲಿ, 'ಬತುಕಮ್ಮ' ಎಂದರೆ 'ಅಮ್ಮನಂತಿರುವ ನವಶಕ್ತಿ ಜೀವಂತವಾಗಿ ಬಂದಳು' ಎಂದರ್ಥ.

ಹೈದರಾಬಾದ್​(ತೆಲಂಗಾಣ): ದೇಶಾದ್ಯಂತ ಇದೀಗ ಇದೀಗ ನವರಾತ್ರಿಯ ಸಂಭ್ರಮ. ಪ್ರಮುಖವಾಗಿ ತೆಲಗು ನಾಡಿನಲ್ಲಿ ಹೂವುಗಳನ್ನ ದೇವರ ರೂಪದಲ್ಲಿರಿಸಿ 'ಬತುಕಮ್ಮ' ಹಬ್ಬ ಆಚರಣೆ ಮಾಡಲಾಗ್ತಿದ್ದು,ಅದಕ್ಕಾಗಿ ವಿಶೇಷವಾದ ಹಾಡು ರಿಲೀಸ್ ಮಾಡಲಾಗಿದೆ.

ಖ್ಯಾತ ಸಂಗೀತ ಸಂಯೋಜಕ, ಆಸ್ಕರ್​ ಅವಾರ್ಡ್​ ವಿಜೇತ ಎ.ಆರ್​ ರೆಹಮಾನ್​​ ಅವರ ರಾಗ ಸಂಯೋಜನೆಯಲ್ಲಿ ಬತುಕಮ್ಮ ಹಾಡು ರಿಲೀಸ್​​ ಆಗಿದೆ. ತೆಲಗು ಚಿತ್ರದ ಡೈರೆಕ್ಟರ್​​ ಗೌತಮ್​ ವಾಸುದೇವ್​ ಹಾಗೂ ಎಂಎಲ್​ಸಿ ಕೆ. ಕವಿತಾ ಜೊತೆಯಾಗಿ ಈ ಹಾಡು ರಿಲೀಸ್ ಮಾಡಿದ್ದಾರೆ.

ಎಆರ್​ ರಹಮಾನ್​ ಸಂಯೋಜನೆಯ ವಿಶೇಷ ಸಾಂಗ್​ ರಿಲೀಸ್​​​

ತೆಲಂಗಾಣ ಹಾಗೂ ಆಂಧ್ರದಲ್ಲಿ ನಾಳೆಯಿಂದ ಬತುಕಮ್ಮ ಹಬ್ಬದ ಸಂಭ್ರಮ ಆರಂಭಗೊಳ್ಳಲಿದ್ದು, ಸುಮಾರು 9 ದಿನಗಳ ಕಾಲ ಪ್ರತಿ ಮನೆಯಲ್ಲೂ ಸಂಭ್ರಮಾಚರಣೆ ಮನೆ ಮಾಡಲಿದೆ.