ಗ್ರಾಹಕರ ಗಮನಕ್ಕೆ.. ಜುಲೈ ತಿಂಗಳಲ್ಲಿ 15 ದಿನ ಬ್ಯಾಂಕ್​ ಬಂದ್; ಇಲ್ಲಿದೆ ರಜಾದಿನಗಳ ವಿವರ..

ಜುಲೈ ತಿಂಗಳಲ್ಲಿ 9 ದಿನ ಹಬ್ಬಗಳಿದ್ದು ಆಗ ಬ್ಯಾಂಕ್​​ಗಳಿಗೆ ರಜೆ ಇರಲಿದೆ. ಹಾಗೆಯೇ ಉಳಿದ ರಜೆಗಳು ಎರಡನೇ ಶನಿವಾರ, ಭಾನುವಾರ ಹಾಗೂ 4ನೇ ಶನಿವಾರ, ಭಾನುವಾರ ಸೇರಿವೆ.

ಹೈದರಾಬಾದ್: ಜುಲೈ ತಿಂಗಳಲ್ಲಿ ಭಾರತದಲ್ಲಿ ಸಾರ್ವಜನಿಕ ಹಾಗೂ ಖಾಸಗಿ ವಲಯದ ಎಲ್ಲಾ ಬ್ಯಾಂಕ್​ಗಳು 15 ದಿನಗಳ ಕಾಲ ಮುಚ್ಚಲಿವೆ. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್‌ಬಿಐ) ಈ ಬಗ್ಗೆ ಪ್ರಕಟಣೆ ಹೊರಡಿಸಿದ್ದು, ಹಬ್ಬ ಹರಿದಿನಗಳು ಮತ್ತು ಎರಡನೇ ಶನಿವಾರ, ಭಾನುವಾರ ಹಾಗೂ ನಾಲ್ಕನೇ ಶನಿವಾರ ಭಾನುವಾರ ಸೇರಿ ಒಟ್ಟು 15 ದಿನ ಬ್ಯಾಂಕ್‌ಗಳು ಬಂದ್​ ಇರಲಿವೆ ಎಂದು ತಿಳಿಸಿದೆ.

ಜುಲೈ ತಿಂಗಳಲ್ಲಿ 9 ದಿನ ಹಬ್ಬಗಳಿದ್ದು ಆಗ ಬ್ಯಾಂಕ್​​ಗಳಿಗೆ ರಜೆ ಇರಲಿದೆ. ಹಾಗೆಯೇ ಉಳಿದ ರಜೆಗಳು ಎರಡನೇ ಶನಿವಾರ, ಭಾನುವಾರ ಹಾಗೂ ನಾಲ್ಕನೇ ಶನಿವಾರ, ಭಾನುವಾರ ಸೇರಿವೆ. ಈ ದಿನಗಳಲ್ಲಿ ಆನ್‌ಲೈನ್ ಬ್ಯಾಂಕಿಂಗ್ ಸೇವೆಗಳು ಕಾರ್ಯನಿರ್ವಹಿಸುತ್ತವೆ. ವಿವಿಧ ರಾಜ್ಯಗಳಲ್ಲಿ ಹಬ್ಬದ ರಜಾದಿನಗಳು ಬೇರೆ ಬೇರೆಯಾಗಿ ಇರಲಿವೆ ಎಂದು ಕೇಂದ್ರ ಬ್ಯಾಂಕ್ ತಿಳಿಸಿದೆ.

ಬ್ಯಾಂಕ್‌ ರಜಾದಿನಗಳ ವಿವರ..

• ಜುಲೈ 4, ಭಾನುವಾರ
• ಜುಲೈ 10, ಎರಡನೇ ಶನಿವಾರ
• ಜುಲೈ 11, ಭಾನುವಾರ
• ಜುಲೈ 18, ಭಾನುವಾರ
• ಜುಲೈ 24, ನಾಲ್ಕನೇ ಶನಿವಾರ
• ಜುಲೈ 25, ಭಾನುವಾರ
• ಜುಲೈ 12, ಸೋಮವಾರ
• ಜುಲೈ 13, ಮಂಗಳವಾರ
• ಜುಲೈ 14, ಬುಧವಾರ
• ಜುಲೈ 16, ಶುಕ್ರವಾರ
• ಜುಲೈ 17, ಶನಿವಾರ
• ಜುಲೈ 19, ಸೋಮವಾರ
• ಜುಲೈ 20, ಮಂಗಳವಾರ
• ಜುಲೈ 21, ಬುಧವಾರ
• ಜುಲೈ 31, ಶನಿವಾರ