ಮುಂಬೈ: ಬಿಜೆಪಿ ಪರಿಷತ್‌ ಸದಸ್ಯನ ಮನೆ ಹೊರಗಡೆ ನಗ-ನಾಣ್ಯ ತುಂಬಿದ ಬ್ಯಾಗ್ ಪತ್ತೆ

ಮುಂಬೈನ ಬಿಜೆಪಿ ಎಂಎಲ್​ಸಿ ಪ್ರಸಾದ್ ಲಾಡ್ ಅವರ ನಿವಾಸದ ಹೊರಗೆ ನಗದು, ನಾಣ್ಯಗಳು, ಗಣಪತಿ ವಿಗ್ರಹ ಇತ್ಯಾದಿ ತುಂಬಿದ ಬ್ಯಾಗ್ ಪತ್ತೆಯಾಗಿದೆ.

ಮುಂಬೈ: ಬಿಜೆಪಿಯ ವಿಧಾನ ಪರಿಷತ್ ಸದಸ್ಯ ಪ್ರಸಾದ್ ಲಾಡ್ ಅವರ ಮನೆಯ ಹೊರಗೆ ಅನುಮಾನಾಸ್ಪದ ಬ್ಯಾಗ್ ಪತ್ತೆಯಾಗಿದೆ. ಈ ಬ್ಯಾಗ್​​ನಲ್ಲಿ ನಗದು, ನಾಣ್ಯಗಳು, ಗಣಪತಿ ವಿಗ್ರಹ ಸೇರಿದಂತೆ ಇತರೆ ವಸ್ತುಗಳು ಪತ್ತೆಯಾಗಿವೆ.

ಇಂದು ಮುಂಜಾನೆ 5.30 ರಿಂದ 6 ಗಂಟೆಯ ನಡುವೆ ಅನುಮಾನಾಸ್ಪದ ವ್ಯಕ್ತಿಯೊಬ್ಬರು ಮನೆ ಸಮೀಪ ಹೋಗುತ್ತಿರುವುದನ್ನು ನೋಡಿರುವುದಾಗಿ ಪ್ರಸಾದ್ ಲಾಡ್ ತಿಳಿಸಿದ್ದಾರೆ. ಆ ವ್ಯಕ್ತಿಯನ್ನು ವಿಚಾರಣೆಗೆ ಒಳಪಡಿಸಲು ಯತ್ನಿಸಿದಾಗ ಆತ ಬ್ಯಾಗ್ ಬಿಟ್ಟು ಪರಾರಿಯಾಗಿದ್ದಾನೆ ಎನ್ನಲಾಗ್ತಿದೆ. ಬಳಿಕ ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.

ಪ್ರಕರಣ ದಾಖಲು:ಮಾಟುಂಗಾ ಪೊಲೀಸರು ಪ್ರಕರಣದ ತನಿಖೆ ಆರಂಭಿಸಿದ್ದಾರೆ. ಅಪರಿಚಿತನ ವಿರುದ್ಧ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ:ನಾಲ್ಕು ವರ್ಷ ಪೂರೈಸಿದ 'ಅಗ್ನಿವೀರ'ರಿಗೆ ಇಸ್ರೋದಲ್ಲಿ ಉದ್ಯೋಗ: ಡಾ.ಸೋಮನಾಥ್