ದೆಹಲಿಯಲ್ಲಿ ಒಂದೇ ದಿನ 395 ಮಂದಿಯ ಉಸಿರು ನಿಲ್ಲಿಸಿದ ಕೊರೊನಾ

ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಕೋವಿಡ್‌ 2ನೇ ಅಲೆಗೆ ಬಲಿಯಾಗುತ್ತಿರುವವರ ಸಂಖ್ಯೆ ಏರಿಕೆಯಾಗುತ್ತಲೇ ಇದೆ. ಈ ಮಧ್ಯೆ, ಆಕ್ಸಿಜನ್​ ಬಗ್ಗೆ ಯಾವುದೇ ರೀತಿಯಲ್ಲೂ ಭಯಪಡಬೇಡಿ. ಕೋವಿಡ್​ ರೋಗಿಗಳಿಗೆ ಬೇಕಾದ ಆಕ್ಸಿಜನ್​ ಈಗ ಲಭ್ಯವಿದೆ ಎಂದು ಸಿಎಂ ಕೇಜ್ರಿವಾಲ್​ ಹೇಳಿದ್ದಾರೆ.

ದೆಹಲಿ:ರಾಷ್ಟ್ರ ರಾಜಧಾನಿಯಲ್ಲಿ ನಿನ್ನೆ 24,235 ಮಂದಿಯಲ್ಲಿ ಕೊರೊನಾ ಪತ್ತೆಯಾಗಿದ್ದು, 395 ಸೋಂಕಿತರು ಒಂದೇ ದಿನ ಪ್ರಾಣ ಕಳೆದುಕೊಂಡಿದ್ದಾರೆ.

ಈ ಮೂಲಕ ಕೋವಿಡ್​ನಿಂದಾಗಿ ಇಲ್ಲಿಯವರೆಗೆ ಮೃತಪಟ್ಟವರ ಸಂಖ್ಯೆ 15,772ಕ್ಕೆ ಏರಿಕೆಯಾಗಿದೆ. 25,615 ಜನ ವೈರಸ್‌ನಿಂದ ಗುಣಮುಖರಾಗಿದ್ದಾರೆ. ದೆಹಲಿಯಲ್ಲಿ ಸದ್ಯ 97,977 ಸಕ್ರಿಯ ಸೋಂಕು ಪ್ರಕರಣಗಳಿವೆ.

ಬೆಡ್​, ಆಕ್ಸಿಜನ್​ ಕೊರತೆ

ಕೋವಿಡ್​ ರೋಗಿಗಳಿಗೆ ಬೆಡ್​ ಜೊತೆ ಆಕ್ಸಿಜನ್​ ಕೊರತೆಯೂ ಉಂಟಾಗುತ್ತಿದೆ. ರೋಗಿಗಳು ಸಕಾಲದಲ್ಲಿ ಆಮ್ಲಜನಕ ಸಿಗದೇ ಸಾವನ್ನಪ್ಪುತ್ತಿದ್ದಾರೆ.

ಸಿಎಂ ಅಭಯ

ಆಕ್ಸಿಜನ್​ ಬಗ್ಗೆ ಯಾವುದೇ ರೀತಿಯಲ್ಲೂ ಭಯಪಡಬೇಡಿ. ಕೋವಿಡ್​ ರೋಗಿಗಳಿಗೆ ಬೇಕಾದ ಆಕ್ಸಿಜನ್​ ಈಗ ಲಭ್ಯವಿದೆ ಎಂದು ಸಿಎಂ ಕೇಜ್ರಿವಾಲ್​ ಹೇಳಿದ್ದಾರೆ.