ಶ್ರೀನಗರ (ಜಮ್ಮು& ಕಾಶ್ಮೀರ):ಕೇಂದ್ರಾಡಳಿತ ಪ್ರದೇಶ ಕಾಶ್ಮೀರದ ಸೌಂದರ್ಯವನ್ನು ಹೊಗಳಿದ ಅರಬ್ ಪ್ರತಿನಿಧಿ ಅಮ್ಜದ್ ತಾಹಾ ಇದು 'ಭೂಮಿಯ ಮೇಲಿನ ಸ್ವರ್ಗ' ಎಂದು ಬಣ್ಣಿಸಿದ್ದಾರೆ. ಇದು ಸ್ವಿಟ್ಜರ್ಲೆಂಡ್ ಅಥವಾ ಆಸ್ಟ್ರಿಯಾ ಅಲ್ಲ, ಭಾರತ. ಕಾಶ್ಮೀರದಲ್ಲಿ ನಾಳೆ ಜಿ 20 ಶೃಂಗಸಭೆ ನಡೆಯಲಿದೆ. 'ಭೂಮಿಯ ಮೇಲಿನ ಸ್ವರ್ಗ' ಎಂದು ಕರೆಯಲಾಗುವ ಈ ಪ್ರದೇಶ ಭೂಮಿಯನ್ನು ಸಂರಕ್ಷಿಸಿದ ಸ್ಥಳ. ಹವಾಮಾನ ಬದಲಾವಣೆಗೆ ಇದು ಪರಿಹಾರವಾಗಿದೆ ಎಂದು ಹೇಳಿದ್ದಾರೆ.
ಕಾಶ್ಮೀರದಲ್ಲಿ ಮುಸ್ಲಿಮರು, ಹಿಂದೂಗಳು, ಸಿಖ್ಖರು ಮತ್ತು ಕ್ರಿಶ್ಚಿಯನ್ನರು ಶಾಂತಿಯಿಂದ ಬದುಕುತ್ತಿರುವುದನ್ನು ನಾವು ನೋಡುತ್ತೇವೆ. ಭವಿಷ್ಯಕ್ಕಾಗಿ ವಿಶ್ವ ನಾವೀನ್ಯತೆ ಮತ್ತು ಅಭಿವೃದ್ಧಿಗೆ ಕೊಡುಗೆ ನೀಡುತ್ತಿರುವ ವೈವಿಧ್ಯಮಯ ಭೂಮಿಯನ್ನು ನಾವಿಲ್ಲಿ ನೋಡುತ್ತಿದ್ದೇವೆ" ಎಂದು ಅಮ್ಜದ್ ತಾಹಾ ಟ್ವಿಟರ್‌ನಲ್ಲಿ ಕೊಂಡಾಡಿದ್ದಾರೆ.
ಕಾಶ್ಮೀರವು ಅಶಾಂತಿ ಮತ್ತು ಹಿಂಸಾಚಾರದ ಹೊರತಾಗಿಯೂ ಅದರ ಮನಮೋಹಕ ಸೌಂದರ್ಯ ಜನರನ್ನು ಮಂತ್ರಮುಗ್ಧಗೊಳಿಸುತ್ತದೆ. ಇದು ಇಂದಿಗೂ ಪ್ರಸಿದ್ಧ ಕವಿ ಅಮೀರ್ ಖುಸ್ರೂ ಅವರ "ಅಗರ್ ಫಿರ್ದೌಸ್ ಬಾರ್ ರೂ-ಇ ಜಮೀನ್ ಅಸ್ಟ್, ಹಮೀನ್ ಅಸ್ತ್-ಓ ಹಮೀನ್ ಅಸ್ತ್-ಓ ಹಮೀನ್ ಅಸ್ಟ್". (ಭೂಮಿಯ ಮೇಲೆ ಸ್ವರ್ಗವಿದ್ದರೆ ಅದು ಇಲ್ಲಿದೆ) ಎಂಬ ಮಾತುಗಳಿಗೆ ಅರ್ಥ ನೀಡುತ್ತದೆ ಎಂದು ಬಣ್ಣಿಸಿದ್ದಾರೆ.
ಮೇ 22 - 24ರವರೆಗೆ ಜಿ 20 ಸಭೆ:ಭಾರತದ ಅಧ್ಯಕ್ಷತೆಯಲ್ಲಿ 3ನೇ ಜಿ 20 ಪ್ರವಾಸೋದ್ಯಮ ವರ್ಕಿಂಗ್ ಗ್ರೂಪ್ ಸಭೆ ಮೇ 22 ರಿಂದ 24 ರವರೆಗೆ ಜಮ್ಮು ಮತ್ತು ಕಾಶ್ಮೀರದ ಬೇಸಿಗೆ ರಾಜಧಾನಿ ಶ್ರೀನಗರದಲ್ಲಿ ನಡೆಯಲಿದೆ. ಕೇಂದ್ರಾಡಳಿತ ಪ್ರದೇಶದ ಅಭಿವೃದ್ಧಿಯಲ್ಲಿ ಪ್ರವಾಸೋದ್ಯಮ ಪ್ರಮುಖ ಪಾತ್ರ ವಹಿಸಿದೆ. ಆದಾಗ್ಯೂ ಪ್ರವಾಸೋದ್ಯಮ ಉದ್ಯಮದ ಮೇಲೆ ಪ್ರಭಾವ ಬೀರಿದ್ದು, ಜಮ್ಮು ಮತ್ತು ಕಾಶ್ಮೀರದಲ್ಲಿ ಸಂದರ್ಶಕರ ಸಂಖ್ಯೆಯಲ್ಲಿ ಇಳಿಮುಖವಾಗಿದೆ.