ಸ್ಯಾನ್ ಫ್ರಾನ್ಸಿಸ್ಕೋ:ಆ್ಯಪಲ್ ಹೊಸ ಮ್ಯಾಕ್‌ಗಳ ಬಳಕೆದಾರರು ಐಫೋನ್ ಮತ್ತು ಐಪ್ಯಾಡ್ ಅಪ್ಲಿಕೇಶನ್‌ಗಳನ್ನು ಸೈಡ್‌ಲೋಡ್ ಮಾಡುವುದನ್ನು ಎಂ 1 ಸಿಲಿಕಾನ್ ಚಿಪ್‌ಗಳೊಂದಿಗೆ ನಿರ್ಬಂಧಿಸಿದೆ ಎಂದು 9to5ಮ್ಯಾಕ್ ವರದಿ ಮಾಡಿದೆ. ಆ್ಯಪಲ್ ತನ್ನ ಎಂ1 ಮ್ಯಾಕ್‌ಗಳಲ್ಲಿ IOS ಅಪ್ಲಿಕೇಶನ್‌ಗಳನ್ನು ಅನಧಿಕೃತವಾಗಿ ಇನ್ಸ್ಟಾಲ್ ಮಾಡುವ ಸಾಮರ್ಥ್ಯವನ್ನು ನಿರ್ಬಂಧಿಸಿದೆ.
ಈ ಬದಲಾವಣೆಯನ್ನು ಕಾರ್ಯಗತಗೊಳಿಸಲು ಆ್ಯಪಲ್ ಅಧಿಕೃತವಾಗಿ ಸರ್ವರ್-ಸೈಡ್ ಸ್ವಿಚ್ ಅನ್ನು ತಿರುಗಿಸಿದೆ. ಇದರರ್ಥ ನಿಮ್ಮ ಐಫೋನ್ ಅಥವಾ ಐಪ್ಯಾಡ್‌ನಿಂದ ಬೆಂಬಲಿಸದ ಅಪ್ಲಿಕೇಶನ್‌ಗಳನ್ನು ನಿಮ್ಮ ಎಂ 1 ಮ್ಯಾಕ್‌ಗೆ ಸೈಡ್‌ಲೋಡ್ ಮಾಡಲು ಐಮ್ಯಾಜಿಂಗ್‌ನಂತಹ ಅಪ್ಲಿಕೇಶನ್ ಅನ್ನು ಇನ್ನು ಮುಂದೆ ಬಳಸಲಾಗುವುದಿಲ್ಲ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಐಒಎಸ್ ಅಪ್ಲಿಕೇಶನ್‌ಗಳು ಇನ್ನೂ ಮ್ಯಾಕ್ ಆಪ್ ಸ್ಟೋರ್‌ನಲ್ಲಿ ಲಭ್ಯವಿದ್ದರೂ, ನೆಟ್‌ಫ್ಲಿಕ್ಸ್, ಇನ್‌ಸ್ಟಾಗ್ರಾಮ್ ಮತ್ತು ಫೇಸ್‌ಬುಕ್‌ನಂತಹ ಅನೇಕ ಅಪ್ಲಿಕೇಶನ್‌ಗಳು ಮ್ಯಾಕ್ ಓಎಸ್ನಲ್ಲಿ ಕಾರ್ಯನಿರ್ವಹಿಸಲು ಡೆವಲಪರ್‌ನ ಅನುಮೋದನೆಯನ್ನು ಹೊಂದಿಲ್ಲ.
ಇಲ್ಲಿಯವರೆಗೆ ಮ್ಯಾಕ್ ಆ್ಯಪ್ ಸ್ಟೋರ್ ಅನ್ನು ಬಳಸದೆ ಅಪ್ಲಿಕೇಶನ್‌ಗಳನ್ನು ಸ್ಥಾಪಿಸಲು, ಮೂರನೇ ವ್ಯಕ್ತಿಯ ಸಾಫ್ಟ್‌ವೇರ್ ಬಳಕೆಯನ್ನು ಅನುಮತಿಸುವ ಒಂದು ಪರಿಹಾರೋಪಾಯವಿತ್ತು. ಆದ್ರೀಗ ಆ್ಯಪಲ್ ಅದನ್ನು ನಿಷ್ಕ್ರಿಯಗೊಳಿಸಿದೆ. ಐಫೋನ್ ಮತ್ತು ಐಪ್ಯಾಡ್ ಅಪ್ಲಿಕೇಶನ್‌ಗಳನ್ನು ಸೈಡ್‌ಲೋಡ್ ಮಾಡಲು ಐಮ್ಯಾಜಿಂಗ್‌ನಂತಹ ಸಾಧನಗಳನ್ನು ಅನೇಕ ಜನರು ಬಳಸುತ್ತಿದ್ದರು.
ಈ ಬದಲಾವಣೆಯು ಮ್ಯಾಕ್ ಓಎಸ್ ಬಿಗ್ ಸುರ್ 11.1 ಚಾಲನೆಯಲ್ಲಿರುವ ಎಂ-1 ಮ್ಯಾಕ್‌ಗಳಿಗೆ ಹಾಗೂ ಮ್ಯಾಕ್ ಓಎಸ್ ಬಿಗ್ ಸುರ್ 11.2 ರ ಡೆವಲಪರ್ ಅಥವಾ ಪಬ್ಲಿಕ್ ಬೀಟಾಗಳಿಗೆ ಅನ್ವಯಿಸುತ್ತದೆ. ಮ್ಯಾಕ್ ಓಎಸ್ ಬಿಗ್ ಸುರ್ 11.2 ಬೀಟಾ ಹೊಂದಿರುವ ಬಳಕೆದಾರರಿಗೆ "ಈ ಪ್ಲಾಟ್‌ಫಾರ್ಮ್‌ನಲ್ಲಿ ಕಾರ್ಯನಿರ್ವಹಿಸಲು ಡೆವಲಪರ್ ಉದ್ದೇಶಿಸದ ಕಾರಣ ಅಪ್ಲಿಕೇಶನ್ ಅನ್ನುಇನ್ಸ್ಟಾಲ್ ಮಾಡಲು ಸಾಧ್ಯವಿಲ್ಲ" ಎಂಬ ಸಂದೇಶ ಪ್ರಕಟವಾಗುತ್ತದೆ. ಮ್ಯಾಕ್ ಓಎಸ್ 11.1 ಚಾಲನೆಯಲ್ಲಿರುವ ಎಂ-1 ಮ್ಯಾಕ್ ಬಳಕೆದಾರರಿಗಾಗಿ, ಇದನ್ನು ಇನ್ಸ್ಟಾಲ್ ಮಾಡಲು ಸಾಧ್ಯವಿಲ್ಲ "ನಂತರ ಮತ್ತೆ ಪ್ರಯತ್ನಿಸಿ" ಎಂಬ ಸಂದೇಶ ಪ್ರಕಟವಾಗುತ್ತದೆ.
