ಈ ಪ್ರದೇಶದ ಮರದ ಕೆಳಗೆ ಸಿಗುತ್ತಂತೆ ಮೊಬೈಲ್​ ಸಿಗ್ನಲ್​​!

ಆಂಧ್ರಪ್ರದೇಶದ ಅಲ್ಲೂರಿ ಜಿಲ್ಲೆಯಲ್ಲಿ ಯಾರಿಗಾದ್ರೂ ಯಾವುದೇ ಸಣ್ಣ ಅವಶ್ಯಕತೆ ಇದ್ರೆ, ಹಣ ಬೇಕಾಗಿದ್ರೆ ಆ ಮರದ ಬಳಿ ಹೋಗುತ್ತಾರಂತೆ. ಸ್ನೇಹಿತರ, ಬಂಧುಗಳ ಯೋಗಕ್ಷೇಮ ವಿಚಾರಿಸಲು ಸಹ ಈ ಮರದ ಕೆಳಗೆ ಬರುತ್ತಾರಂತೆ. ಹೌದು, ಇಲ್ಲೊಂದು ಮರ ಸೆಲ್​ ಟವರ್​ ಆಗಿ ಕಾರ್ಯನಿರ್ವಹಿಸುತ್ತಿದೆ.

ಅಲ್ಲೂರಿ(ಆಂಧ್ರಪ್ರದೇಶ): ನಿತ್ಯ ಬೆಳಗ್ಗೆಯಿಂದ ಮಧ್ಯರಾತ್ರಿಯವರೆಗೆ ಈ ಮರದ ಕೆಳಗೆ ಜನ ಇರುತ್ತಾರೆ. ಅಲ್ಲೂರಿ ಜಿಲ್ಲೆಯ ಜಿ.ಮಡುಗುಳ ಮಂಡಲದ ವಾಕಪಲ್ಲಿ ಬೆಟ್ಟದ ರಸ್ತೆಯಲ್ಲಿರುವ ಈ ಮರವು ಸೆಲ್ ಟವರ್ ಆಗಿ ಕಾರ್ಯನಿರ್ವಹಿಸುತ್ತದೆ. ಈ ಜಿಲ್ಲೆಯ ಸುತ್ತಮುತ್ತಲಿನ 15 ಕಿಮೀ ವ್ಯಾಪ್ತಿಯಲ್ಲಿ ಮಾತ್ರ ಮೊಬೈಲ್​ ಸಿಗ್ನಲ್​ ಸಿಗುತ್ತದೆಯಂತೆ. ಹೀಗಾಗಿ ಆನ್‌ಲೈನ್ ತರಗತಿಗಾಗಲಿ, ಮೆಸೇಜ್​ ಮಾಡಲು, ಬ್ಯಾಕಿಂಗ್ ವ್ಯವಹಾರ ಮತ್ತಿತರ ಕೆಲಸಗಳಿಗಾಗಿ ಇಲ್ಲಿ ಜನ ಸೇರುತ್ತಾರೆ.

ಪಿಂಚಣಿ ಪಡೆಯಲು ಬೆರಳಚ್ಚು ಬೇಕು. ಗ್ರಾಮದಲ್ಲಿ ಸಿಗ್ನಲ್ ಇಲ್ಲದಿರುವುದರಿಂದ ಬಯೋಮೆಟ್ರಿಕ್​ ಕಾರ್ಯದಲ್ಲಿ ವ್ಯತ್ಯಯವಾಗುತ್ತಿದೆ. ಪಿಂಚಣಿಗಾಗಿ ಸುಮಾರು 9 ಕಿಲೋಮೀಟರ್ ಪ್ರಯಾಣಿಸಬೇಕಾಗಿದೆ. ಗ್ರಾಮದಲ್ಲಿರುವ ಫೋನ್‌ಗಳಿಗೂ ಸರಿಯಾಗಿ ಸಿಗ್ನಲ್​ ಸಿಗುವುದಿಲ್ಲ. ಈ ಬಗ್ಗೆ ಅಧಿಕಾರಿಗಳಿಗೆ ಹಲವು ಬಾರಿ ಹೇಳಿದರೂ ಯಾವುದೇ ಪ್ರಯೋಜನವಾಗಿಲ್ಲ ಎನ್ನುತ್ತಾರೆ ಅಲ್ಲಿನ ಸ್ಥಳೀಯರು.

ಇಲ್ಲಿನ ಜನರು ದೂರದ ಊರುಗಳಿಂದ ಇಲ್ಲಿಗೆ ಬಂದು ಸ್ನೇಹಿತರು, ಬಂಧುಗಳನ್ನು ಮಾತನಾಡಿಸಿ ಅವರ ಯೋಗಕ್ಷೇಮ ವಿಚಾರಿಸುತ್ತಾರೆ. ಯುಪಿಐ ವಹಿವಾಟು ಮತ್ತಿತರ ಬ್ಯಾಂಕಿಂಗ್ ಸೇವೆಗಳು ಸೇರಿದಂತೆ ಇತರ ಆನ್​ಲೈನ್​ ಕೆಲಸಗಳಿಗಾಗಿ ಈ ಮರದ ಕೆಳಗೆ ಬರಬೇಕಾಗಿದೆ. ಯೂಟ್ಯೂಬ್‌ನಲ್ಲಿ ಟೈಲರಿಂಗ್​ನನ್ನು ಕಲಿಯಲು ಮಹಿಳೆಯರೂ ಇಲ್ಲಿಗೆ ಬರುತ್ತಿದ್ದಾರಂತೆ. ಸಿಗ್ನಲ್​ ಸಮಸ್ಯೆ ಬಗ್ಗೆ ಸ್ಥಳೀಯರು ಅಧಿಕಾರಿಗಳಿಗೆ ದೂರು ನೀಡಿದರೂ, ಯಾರೂ ಸ್ಪಂದಿಸಿಲ್ಲವಂತೆ.

ಇದನ್ನೂ ಓದಿ:ಕೈಮೇಲೆ ಆರೋಪಿ ಹೆಸರು ಬರೆದುಕೊಂಡು, ಆತ್ಮಹತ್ಯೆಗೆ ಶರಣಾದ ಅತ್ಯಾಚಾರ ಸಂತ್ರಸ್ತೆ