ಹೈದರಾಬಾದ್ (ತೆಲಂಗಾಣ): ಆಕೆಗೆ ಮದುವೆಯಾಗಿ ಈಗಾಗಲೇ ನಾಲ್ಕು ಮಕ್ಕಳಿದ್ದಾರೆ. ಆದರೆ, 14 ವರ್ಷದ ಬಾಲಕನ ಮೇಲೆ ಕಣ್ಣು ಬಿದ್ದಿದೆ. ಆ ಬಾಲಕನನ್ನು ಮಹಿಳೆ ತನ್ನತ್ತ ಸೆಳೆದುಕೊಂಡು ಕಿಡ್ನಾಪ್ ಮಾಡಿದ್ದಾರೆ. ಇದೀಗ ಪೊಲೀಸರು ಹೈದರಾಬಾದ್ನಲ್ಲಿ ಬಾಲಕನನ್ನು ಪತ್ತೆ ಹೆಚ್ಚುವಲ್ಲಿ ಯಶಸ್ವಿಯಾಗಿದ್ದಾರೆ.
ಆಂಧ್ರ ಪ್ರದೇಶದ ಕೃಷ್ಣ ಜಿಲ್ಲೆಯ ಗುಡಿವಾಡದ ಬಾಲಕ ಮತ್ತು ಈತನ ಎದುರುಗಡೆ ಮನೆಯಲ್ಲಿ ವಾಸವಾಗಿದ್ದ 30 ವರ್ಷದ ಮಹಿಳೆ ಜುಲೈ 19ರಿಂದ ಕಾಣುತ್ತಿಲ್ಲ ಎಂದು ಬಾಲಕನ ಕುಟುಂಬಸ್ಥರು ಪೊಲೀಸರಿಗೆ ದೂರು ನೀಡಿದ್ದರು. ಈ ದೂರಿನನ್ವಯ ತನಿಖೆ ನಡೆಸಿದ ಪೊಲೀಸರು ಪ್ರಕರಣವನ್ನು ಭೇದಿಸಿದ್ದು, ಅಘಾತಕಾರಿಗಳು ಅಂಶಗಳು ಬೆಳಕಿಗೆ ಬಂದಿವೆ.
ಬಾಲಕನಿಗೆ ಪೋರ್ನ್ ವಿಡಿಯೋ ಆಮಿಷ:ನಾಲ್ಕು ಮಕ್ಕಳ ತಾಯಿಯಾಗಿರುವ ಮಹಿಳೆಯ ಗಂಡ ಅನಾರೋಗ್ಯದಿಂದ ಬಳಲುತ್ತಿದ್ದು, ಒಟ್ಟಿಗೆ ವಾಸವಾಗಿಲ್ಲವಂತೆ. ನಿತ್ಯ ಸಮಯ ಸಿಕ್ಕಾಗ ಮಕ್ಕಳೊಂದಿಗೆ ಸಲುಗೆಯಿಂದ ಆಟವಾಡುತ್ತಿದ್ದರಂತೆ ಈ ಗೃಹಿಣಿ. ಹೀಗೆ ಎದುರು ಮನೆಯಲ್ಲಿ ವಾಸಗಿದ್ದ ಬಾಲಕನನ್ನು ಈ ಮಹಿಳೆ ಆಕರ್ಷಿಸಿದ್ದಾರೆ. ಇತ್ತ, ಬಾಲಕ ಕೂಡ ಆಕೆಯ ಆಕರ್ಷಣೆಗೆ ಸಿಲುಕಿಕೊಂಡಿದ್ದಾನೆ. ಅಲ್ಲದೇ, ಪೋರ್ನ್ ವಿಡಿಯೋಗಳನ್ನು ತೋರಿಸುವ ಆಮಿಷವೊಡ್ಡಿ, ಬಾಲಕನೊಂದಿಗೆ ಕಳೆದ ಒಂದು ತಿಂಗಳಿನಿಂದ ದೈಹಿಕ ಸಂಪರ್ಕ ಹೊಂದಿದ್ದರು ಎಂದು ಹೇಳಲಾಗ್ತಿದೆ.
ಎಂಟನೇ ತರಗತಿ ಓದುತ್ತಿದ್ದ ಬಾಲಕ ಈ ಮಹಿಳೆಯ ಆಕರ್ಷಣೆಗೊಳಗಿದ್ದ ಕಾರಣ ಸರಿಯಾಗಿ ಶಾಲೆಗೆ ಹೋಗುತ್ತಿರಲಿಲ್ಲ. ಅಲ್ಲದೇ, ಮಹಿಳೆ ಮನೆಗೆ ನಿರಂತರವಾಗಿ ಬರುತ್ತಿರುವುನ್ನು ಪೋಷಕರು ನೋಡಿ, ಗದರಿಸಿದ್ದಾರೆ. ಈ ವಿಷಯವನ್ನು ಮಹಿಳೆಗೆ ಬಾಲಕ ತಿಳಿಸಿದ್ದಾನೆ. ಹೀಗಾಗಿ ತನ್ನ ಸಂಬಂಧದ ಬಗ್ಗೆ ಯಾರಿಗಾದರೂ ಅನುಮಾನ ಬರಬಹುದು ಮತ್ತು ಬಾಲಕ ತನ್ನಿಂದ ದೂರವಾಗಬಹುದು ಎಂದು ಬಾಲಕನನ್ನು ಗುಡಿವಾಡದಿಂದ ಕರೆದುಕೊಂಡು ಹೈದರಾಬಾದ್ಗೆ ಬಂದಿದ್ದರು ಎಂಬುದು ಪೊಲೀಸರ ಪ್ರಾಥಮಿಕ ತನಿಖೆಯಲ್ಲಿ ಗೊತ್ತಾಗಿದೆ.
ಬಾಡಿಗೆ ಮನೆ ಮಾಡಿ ಸಹಜೀವನ: ಹೈದರಾಬಾದ್ಗೆ ಬಾಲಕನನ್ನು ಕರೆದುಕೊಂಡು ಬಂದಿದ್ದ ಮಹಿಳೆ, ಇಲ್ಲಿನ ಬಾಲನಗರದಲ್ಲಿ ಮನೆ ಬಾಡಿಗೆ ಪಡೆದು ಬಾಲಕನೊಂದಿಗೆ ಸಹಜೀವನ ಮಾಡಲು ಆರಂಭಿಸಿದ್ದರು. ಕೆಲ ದಿನಗಳಲ್ಲಿ ಈ ಬಾಲಕನಿಗೆ ತನ್ನ ಮನೆಗೆ ಹೋಗಬೇಕೆಂಬ ಇಚ್ಛೆಯಾಗಿದೆ. ಆದರೆ, ತನ್ನ ಬಳಿ ಹಣವಿರದ ಕಾರಣ ಊರಿನಲ್ಲಿದ್ದ ಪರಿಚಯಸ್ಥರಿಗೆ ಹಣ ಬೇಕೆಂದು ಮೆಸೇಜ್ ಮಾಡಿದ್ದಾನೆ. ಆದರೆ, ಅವರು ಸ್ಪಂದಿಸದೇ ಇದ್ದಾಗ ತಂದೆ-ತಾಯಿಗೆ ಫೋನ್ ಮಾಡಿ ತಾನು ಹೈದರಾಬಾದ್ನಲ್ಲಿ ಇರುವುದಾಗಿ ಹೇಳಿದ್ದಾನೆ.
ಈ ವಿಷಯಯವನ್ನು ಪೋಷಕರು ಪೊಲೀಸರಿಗೆ ತಿಳಿಸಿದ್ದು, ಪೊಲೀಸರು ಮೊಬೈಲ್ ಲೊಕೇಶನ್ ಆಧಾರದ ಮೇಲೆ ಮಂಗಳವಾರ ರಾತ್ರಿ ಹೈದರಾಬಾದ್ಗೆ ಬಂದಿದ್ದಾರೆ. ಬಾಲಕ ಮತ್ತು ಮಹಿಳೆಯನ್ನು ಪತ್ತೆ ಹಚ್ಚಿ ಇಬ್ಬರನ್ನೂ ವಶಕ್ಕೆ ಪಡೆದಿದ್ದಾರೆ. ಬುಧವಾರ ಬೆಳಗ್ಗೆ ಗುಡಿವಾಡಕ್ಕೆ ಕರೆದುಕೊಂಡು ಹೋಗಿ ಬಾಲಕನನ್ನು ವೈದ್ಯಕೀಯ ಪರೀಕ್ಷೆ ಮತ್ತು ಕೌನ್ಸಿಲಿಂಗ್ ನಡೆಸಿ ನಂತರ ಪೋಷಕರಿಗೆ ಒಪ್ಪಿಸಿದ್ದಾರೆ. ಸದ್ಯ ಆರೋಪಿ ಮಹಿಳೆಯನ್ನು ಅಪಹರಣ ಮತ್ತು ಪೋಕ್ಸೋ ಕಾಯ್ದೆಯಡಿ ಬಂಧಿಸಿ, ನ್ಯಾಯಾಲಯಕ್ಕೆ ಹಾಜರು ಪಡಿಸಲಾಗಿದೆ.
ಇದನ್ನೂ ಓದಿ:8ರ ಬಾಲೆಗೆ 75 ವರ್ಷದ ವೃದ್ಧನಿಂದ ಲೈಂಗಿಕ ದೌರ್ಜನ್ಯ: ಸಂತ್ರಸ್ತೆ ಸಾವಿನ ನಂತರ ಕೃತ್ಯದ ವಿಡಿಯೋ ಹೊರಕ್ಕೆ, ಆರು ಜನರ ಸೆರೆ
