ಉದ್ಯಮಿ ಆನಂದ್‌ ಮಹೀಂದ್ರಾ ಹಂಚಿಕೊಂಡ ಅಪರೂಪದ ವಿಡಿಯೋ: ನೆಟ್ಟಿಗರು ಖುಷ್‌!

ಒಬ್ಬ ತರಕಾರಿ ಮಾರಾಟ ಮಾಡುತ್ತಿರುವ ಮಹಿಳೆ ನವಿಲಿಗೆ ಆಹಾರ ನೀಡುವ ವಿಡಿಯೋವನ್ನು ಮೊಬೈಲ್​ನಲ್ಲಿ ಸೆರೆಹಿಡಿದ ವ್ಯಕ್ತಿ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಮಾಡಿದ್ದಾರೆ. ಈ ವಿಡಿಯೋ ಕಂಡ ಉದ್ಯಮ ದಿಗ್ಗಜ ಆನಂದ್​ ಮಹೀಂದ್ರಾ ಮತ್ತೆ ಅದನ್ನು ತಮ್ಮ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಶೇರ್​ ಮಾಡಿಕೊಂಡು ಶೀರ್ಷಿಕೆ ನೀಡಿದ್ದಾರೆ.

ಭಾರತದ ಉದ್ಯಮ ದಿಗ್ಗಜ (ಬ್ಯುಸಿನೆಸ್​ ಟೈಕೋನ್)​ ಆನಂದ್​ ಮಹೀಂದ್ರಾ ಟ್ವಿಟ್ಟರ್​ ಮೂಲಕ ಜನಸಾಮಾನ್ಯರನ್ನು ತಲುಪುತ್ತಿದ್ದಾರೆ. ಜನರ ಮಾನವೀಯ ಕಾರ್ಯಗಳ ಜೊತೆಗೆ ಅವರ ಸಾಧನೆಗೆ ಪ್ರೋತ್ಸಾಹ ನೀಡುವ ಅವರು ಇತ್ತೀಚೆಗೆ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಆಕ್ಟೀವ್​ ಆಗಿದ್ದಾರೆ.

ಇದೀಗ ಮಹೀಂದ್ರಾ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ವಿಡಿಯೋವೊಂದನ್ನು ಶೇರ್​ ಮಾಡಿದ್ದು, ಎಲ್ಲೆಡೆ ಮೆಚ್ಚುಗೆ ಗಳಿಸಿದೆ. ಒಬ್ಬ ತರಕಾರಿ ಮಾರಾಟ ಮಾಡುತ್ತಿರುವ ಮಹಿಳೆ ನವಿಲಿಗೆ ಆಹಾರ ನೀಡುವ ವಿಡಿಯೋವನ್ನು ಮೊಬೈಲ್​ನಲ್ಲಿ ಸೆರೆಹಿಡಿದ ವ್ಯಕ್ತಿ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಮಾಡಿದ್ದಾರೆ. ಈ ವಿಡಿಯೋ ಕಂಡ ಆನಂದ್​ ಮತ್ತೆ ಅದನ್ನು ತಮ್ಮ ಖಾತೆಯಲ್ಲಿ ಶೇರ್​ ಮಾಡಿಕೊಂಡು ಶೀರ್ಷಿಕೆಯನ್ನು ನೀಡಿದ್ದಾರೆ. "ಕೆಲವೊಮ್ಮೆ ಮಾನವೀಯತೆ ಮತ್ತು ಸಾಮರಸ್ಯದಿಂದ ಇರಬೇಕೆಂದು ಆಶಿಸುವ ದೃಶ್ಯವನ್ನು ನಾವು ನೋಡುತ್ತೇವೆ. Incredible India" ಎಂದು ಬರೆದುಕೊಂಡಿದ್ದಾರೆ.

56 ಸೆಕೆಂಡ್​ಗಳ ವಿಡಿಯೋದಲ್ಲಿ ತರಕಾರಿ ಮಾರುವ ಮಹಿಳೆಯೊಬ್ಬಳು ತನ್ನ ಸುತ್ತಲೂ ಹಲವಾರು ತರಕಾರಿ ಬುಟ್ಟಿಗಳನ್ನು ಇಟ್ಟು ಕುಳಿತಿದ್ದಾರೆ. ಆ ಸ್ಥಳಕ್ಕೆ ನವಿಲೊಂದು ಬಂದಾಗ ಅದಕ್ಕೆ ತನ್ನ ಕೈಯಲ್ಲಿ ಆಹಾರವನ್ನು ನೀಡುತ್ತಾರೆ. ಈ ದೃಶ್ಯ ನಿಜವಾಗಿಯೂ ಮಾನವೀಯತೆಗೆ ಸಾಕ್ಷಿ ಎಂಬಂತಿದೆ.

ಟ್ವಿಟ್ಟರ್​ನಲ್ಲಿ ಈ ವಿಡಿಯೋ ಟ್ರೆಂಡಿಂಗ್​ ಲಿಸ್ಟ್​ಗೆ ಸೇರಿದೆ. ವಿಡಿಯೋವನ್ನು ಸುಮಾರು 1.5 ಮಿಲಿಯನ್ ಜನರು ವೀಕ್ಷಿಸಿದ್ದು, 28 ಸಾವಿರಕ್ಕೂ ಹೆಚ್ಚು ಲೈಕ್‌ಗಳು ಮತ್ತು ಹಲವಾರು ರೀಟ್ವೀಟ್‌ಗಳನ್ನು ಮಾಡಲಾಗಿದೆ.