ಸಹೋದರ-ಸಹೋದರಿಯರ ಪ್ರೀತಿ ಪ್ರತೀಕವಾದ ರಕ್ಷಾ ಬಂಧನ ಆಚರಣೆಯ ಸಂಭ್ರಮ ದೇಶಾದ್ಯಂತ ಮನೆಮಾಡಿದೆ. ಅಣ್ಣ-ತಂಗಿಯ ಭ್ರಾತೃತ್ವದ ಸಂಕೇತವೇ ಈ ರಾಖಿ. ಈ ಸಂದರ್ಭದಲ್ಲಿ ಉದ್ಯಮಿ ಆನಂದ್ ಮಹೀಂದ್ರಾ ಕೂಡಾ ತಮ್ಮ ಬಾಲ್ಯದ ನೆನಪು ಮೆಲುಕು ಹಾಕಿದ್ದು, ಸಹೋದರಿ ಮತ್ತು ತಾಯಿಯೊಂದಿಗಿನ ಅಪರೂಪದ ಫೋಟೋ ಹಂಚಿಕೊಂಡಿದ್ದಾರೆ.
ದೆಹಲಿಯ ತಮ್ಮ ನಿವಾಸದಲ್ಲಿ ಸಹೋದರಿ ರಾಧಿಕಾ ಅವರಿಂದ ರಾಖಿ ಕಟ್ಟಿಸಿಕೊಳ್ಳುತ್ತಿರುವ ಫೋಟೋ ಇದಾಗಿದೆ. ತಾಯಿ ಇಂದಿರಾ ಮಹೀಂದ್ರಾ ಕೂಡ ಪಕ್ಕದಲ್ಲಿ ಕುಳಿತುಕೊಂಡಿದ್ದಾರೆ. ಇವರ ತಂಗಿ ಅನುಜಾ ಸದ್ಯ ಕರ್ನಾಟಕದ ಕೊಡಗಿನಲ್ಲಿದ್ದು, ಅವರು ಕಳುಹಿಸಿರುವ ರಾಖಿ ಸಮಯಕ್ಕೆ ಸರಿಯಾಗಿ ಬಂದಿದೆ. ಸಹೋದರಿಯ ಹಾರೈಕೆಗಳು ಸದಾ ನನ್ನೊಂದಿಗೆ ಇರುತ್ತವೆ ಎಂದಿದ್ದಾರೆ.