ಆಟೋರಿಕ್ಷಾದಲ್ಲಿ ತಯಾರಾದ ಚಿಕ್ಕ ಮನೆ; ಉದ್ಯಮಿ ಆನಂದ್​ ಮಹೀಂದ್ರಾ ಏನಂದ್ರು ಗೊತ್ತಾ?

ಸಂಚಾರಿ ಶೌಚಾಲಯ, ಸಂಚಾರಿ ಡೀಸೆಲ್‌ ಬಂಕ್‌, ಸಂಚಾರಿ ಉಪಹಾರ ಕೇಂದ್ರ, ಸಂಚಾರಿ ಸಸ್ಯ ಆರೋಗ್ಯ ಚಿಕಿತ್ಸಾಲಯ... ಹೀಗೆ ಹತ್ತಾರು ಅವಶ್ಯಕ ವಸ್ತುಗಳು ಸಂಚಾರಿಮಯವಾಗಿವೆ. ಈಗ ಈ ಸಾಲಿಗೆ ಸಂಚಾರಿ ಮನೆ ಕೂಡ ಒಂದಾಗಿದೆ.

ನಮಕ್ಕಲ್ (ತಮಿಳುನಾಡು): ಹಣದ ಸಮಸ್ಯೆ ನಮ್ಮನ್ನು ಎಂತಹ ಸಮಸ್ಯೆಗೂ ತಂದಿಡಬಹುದು. ಹಾಗೇ ಇದೇ ಹಣದ ಸಮಸ್ಯೆ ಕುರಿತು ಆಲೋಚನೆ ಮಾಡಿದರೆ ಅದಕ್ಕೆ ಅಚ್ಚರಿ ರೂಪದಲ್ಲಿ ಪರಿಹಾರ ಸಹ ಕಂಡುಕೊಳ್ಳುಬಹುದು. ಹೇಗೆ ಅನ್ನೋದನ್ನು ಇಲ್ಲೊಬ್ಬ ಯುವಕ ಮಾಡಿ ತೋರಿಸಿದ್ದಾನೆ.

ವಾಹನದಲ್ಲಿ ತಯಾರಾದ ಚಿಕ್ಕ ಮನೆ

ಈ ಯುವಕನ ಆಲೋಚನೆ ನಿಮಗೂ ಅಚ್ಚರಿ ತರಿಸಬಹುದು. ಮನೆ ಕಟ್ಟುವ ಕನಸು ಕಾಣುವ ಎಷ್ಟೋ ಬಡ ಜನರಿಗೆ ಇದು ಮಾದರಿ ಆದರೂ ಆದೀತು. ಸರಳ ಹಾಗೂ ವಿರಳವಾಗಿ ಕಾಣುವ ಈ ಮನೆ ನಿಂತ ನೀರಲ್ಲ, ಓಡಾಡುವ ಮನೆ. ಆಟೋದಲ್ಲಿ ಈ ಸುಸಜ್ಜಿತ ಮನೆ ನಿರ್ಮಿಸಲಾಗಿದ್ದು ಸಾಮಾಜಿಕ ಜಾಲತಾಣದಲ್ಲಿ ಈಗ ಭಾರಿ ಸದ್ದು ಮಾಡುತ್ತಿದೆ.

ಇದನ್ನೂ ಓದಿ:ಜೋಡೆತ್ತು, ಇಂಧನ ರಹಿತ ಕಾರಿಗೆ ರೈತನೇ ಸಾರಥಿ : ಮಹೀಂದ್ರಾ ಗಮನ ಸೆಳೆದ ವಿಡಿಯೋ

ಸಂಚಾರಿ ಶೌಚಾಲಯ, ಸಂಚಾರಿ ಡೀಸೆಲ್‌ ಬಂಕ್‌, ಸಂಚಾರಿ ಉಪಹಾರ ಕೇಂದ್ರ, ಸಂಚಾರಿ ಸಸ್ಯ ಆರೋಗ್ಯ ಚಿಕಿತ್ಸಾಲಯ... ಹೀಗೆ ಹತ್ತಾರು ಅವಶ್ಯಕ ವಸ್ತುಗಳು ಈಗ ಸಂಚಾರಿಮಯವಾಗಿವೆ. ಈ ಸಾಲಿಗೆ ಈಗ ಸಂಚಾರಿ ಮನೆ ಕೂಡ ಒಂದಾಗಿದೆ. ಇದನ್ನು ಅಭಿವೃದ್ಧಿ ಮಾಡಿರುವ ರೀತಿಗೆ ಪ್ರಶಂಸೆ ವ್ಯಕ್ತಪಡಿಸಲೇಬೇಕು.

ಕ್ಯಾರವಾನ್​(ವಾಹನ) ಹೊಂದಿರುವ ತಮಿಳುನಾಡಿನ ಎನ್‌.ಜಿ.ಅರುಣ್ ಪ್ರಭು ಎಂಬ ಯುವಕ ತನ್ನ ಆಟೋ ರಿಕ್ಷಾವನ್ನೇ ಸಂಚಾರಿ ವಾಹನವನ್ನಾಗಿ ಪರಿವರ್ತನೆ ಮಾಡಿಕೊಳ್ಳುವ ಮೂಲಕ ಈಗ ಗಮನ ಸೆಳೆದಿದ್ದಾನೆ. ಕೈಗೆಟುಕುವ ದರದಲ್ಲಿಯೇ ಖರ್ಚು ಮಾಡಿ ಈ ಸಂಚಾರಿ ಮನೆ ನಿರ್ಮಾಣ ಮಾಡಿಕೊಂಡಿದ್ದು ಇಲ್ಲಿ ಮತ್ತೊಂದು ಗಮನಾರ್ಹ ಸಂಗತಿಯಾಗಿದೆ.

ಕೇವಲ 1 ಲಕ್ಷ ರೂ. ವೆಚ್ಚದಲ್ಲಿ ಅಭಿವೃದ್ಧಿಪಡಿಸಲಾಗಿರುವ ಈ ಸಂಚಾರಿ ಮನೆಯಲ್ಲಿ ಮಿನಿ ಕಿಚನ್, ಮಲಗುವ ಕೋಣೆ, ಸ್ನಾನಗೃಹ, ಶೌಚಾಲಯ, ಫಾಯರ್, ಟೆರೇಸ್ ಸೇರಿದಂತೆ ಹೆಚ್ಚುವರಿ ಸ್ಥಳ ಕೂಡ ಇದೆ. ಅತ್ಯಂತ ಕಡಿಮೆ ಜಾಗದಲ್ಲಿ ಆರೋಗ್ಯಕರ ಹಾಗೂ ವಿನ್ಯಾಸಭರಿತ ಮನೆ ನಿರ್ಮಿಸಲಾಗಿದೆ.

ಇದನ್ನೂ ಓದಿ: ಅಪಾಯಕಾರಿ ನದಿ ದಾಟಿ ಕೆಲಸಕ್ಕೆ ಹಾಜರಿ: ಅಂಗನವಾಡಿ ಕಾರ್ಮಿಕರ ಸಹಾಯಕ್ಕೆ ಮುಂದಾದ ಆನಂದ್​ ಮಹೀಂದ್ರಾ!

ಅರುಣ್ ಪ್ರಭುವಿನ ಅದ್ಭುತ ಆಲೋಚನೆಗೆ ಉದ್ಯಮಿ ಆನಂದ್ ಮಹೀಂದ್ರಾ ಕೂಡ ಫಿದಾ ಆಗಿದ್ದಾರೆ. ಟ್ವೀಟ್​ ಮಾಡಿಕೊಂಡಿರುವ ಉದ್ಯಮಿ ಮಹೀಂದ್ರಾ, ಬೊಲೆರೊ ಪಿಕಪ್‌ನಲ್ಲಿ ಇದೇ ರೀತಿಯ ಇನ್ನಷ್ಟು ವಿನ್ಯಾಸಭರಿತ ಆಲೋಚನೆಗಳನ್ನು ಹೊಂದಿಸಾಗುತ್ತದೆಯೇ ಎಂದು ಪ್ರಶ್ನಿಸಿರುವ ಅವರು ಯಾರಾದರೂ ಈ ವ್ಯಕ್ತಿಯನ್ನು(ಅರುಣ್ ಪ್ರಭು) ನಮಗೆ ಸಂಪರ್ಕಿಸಲು ಸಹಾಯ ಮಾಡುತ್ತೀರಾ? ಎಂದಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಯಾವಾಗಲು ಇಂತವುಗಳಿಗೆ ಕ್ವಿಕ್​ ರೆಸ್ಪಾನ್ಸ್​ ಮಾಡುವ ಉದ್ಯಮಿ ಮಹೀಂದ್ರಾ ಈ ಫೋಟೋಗಳನ್ನು ಕಂಡ ಕೂಡಲೇ ಟ್ವೀಟ್​ ಮಾಡುವ ಮೂಲಕ ಅವರ ಅದ್ಭುತ ಪ್ರತಿಭೆಗೆ ಹೊಗಳಿಗೆಯ ಮಾತುಗಳನ್ನಾಡಿದ್ದಾರೆ.

ವಾಹನದಲ್ಲಿ ತಯಾರಾದ ಚಿಕ್ಕ ಮನೆ

ಆರ್ಕಿಟೆಕ್ಟ್​(ವಾಸ್ತುಶಿಲ್ಪಿ) ಅಧ್ಯಯನ ಮಾಡಿರುವ ಅರುಣ್ ಪ್ರಭು ಟ್ರಕ್​ ಹಾಗೂ ಇತರೆ ವಾಹನಗಳ ಆಕರ್ಷತೆಯನ್ನು ಹೆಚ್ಚಿಸುವಲ್ಲಿ ಇವರು ಹೆಸರು ಗಳಿಸಿದ್ದಾರೆ. ಇವರು ತಯಾರಿಸಿರುವ ಈ ವಾಹನಕ್ಕೆ ಸೋಲೋ 01 (Solo:01) ಎಂದು ನಾಮಕರಣ ಮಾಡಿದ್ದು ಇದು ಅಲೆಮಾರಿಗಳಿಗೆ ಹೇಳಿ ಮಾಡಿದ ಮನೆಯಾಗಿದೆ ಎಂದು ಹೇಳಲಾಗುತ್ತಿದೆ.