ಪಾಸ್‌ಪೋರ್ಟ್ ಇಲ್ದೇ ಭಾರತಕ್ಕೆ ಬಂದ ಕಂದಮ್ಮ.. ಆಫ್ಘನ್​ನಿಂದ ಬಂದವರಿಗೆ RTPCR ಟೆಸ್ಟ್​, Polio ವ್ಯಾಕ್ಸಿನ್​​

ಇಂದು ಭಾರತೀಯ ವಾಯುಪಡೆಯ ವಿಮಾನದಲ್ಲಿ ಅಫ್ಘಾನಿಸ್ತಾನದಿಂದ ಬಂದ 168 ಮಂದಿಯ ಪೈಕಿ ಪುಟ್ಟ ಮಗುವೊಂದನ್ನು ಪಾಸ್‌ಪೋರ್ಟ್ ಇಲ್ಲದೆಯೇ ಭಾರತಕ್ಕೆ ಕರೆ ತರಲಾಗಿದೆ.

ಗಾಜಿಯಾಬಾದ್/ನವದೆಹಲಿ​​:ಅಫ್ಘಾನಿಸ್ತಾನವನ್ನು ಕಪಿಮುಷ್ಠಿಗೆ ತೆಗೆದುಕೊಂಡಿರುವ ತಾಲಿಬಾನ್​​ ಉಗ್ರರಿಂದ ಅಲ್ಲಿ ಸಿಲುಕಿದ್ದ 107 ಭಾರತೀಯ ಪ್ರಜೆಗಳು ಸೇರಿದಂತೆ 168 ಮಂದಿಯನ್ನು ಇಂದು ಭಾರತಕ್ಕೆ ಕರೆತರಲಾಗಿದೆ. ಈ ಪೈಕಿ ಪುಟ್ಟ ಮಗುವೊಂದನ್ನು ಪಾಸ್‌ಪೋರ್ಟ್ ಇಲ್ಲದೆಯೇ ಕರೆ ತರಲಾಗಿದೆ ಎಂದು ವಿಮಾನಯಾನ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಈ ಕಂದಮ್ಮಳ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿದೆ.

ಕಾಬೂಲ್​ನಿಂದ ಭಾರತೀಯ ವಾಯುಪಡೆಯ (ಐಎಎಫ್) ಸಿ -17 ವಿಮಾನದಲ್ಲಿ 168 ಮಂದಿ ಗಾಜಿಯಾಬಾದ್​ನ ಹಿಂಡನ್ ವಿಮಾನ ನಿಲ್ದಾಣಕ್ಕೆ ಬಂದಿಳಿದಿದ್ದಾರೆ. ಇವರನ್ನು ಬೇರೆಡೆಗೆ ಸ್ಥಳಾಂತರಿಸುವ ಮೊದಲು ಎಲ್ಲರನ್ನೂ ಏರ್​ಪೋರ್ಟ್​ನಲ್ಲೇ ಕೋವಿಡ್​ ಆರ್‌ಟಿಪಿಸಿಆರ್ ಪರೀಕ್ಷೆಗೆ ಒಳಪಡಿಸಲಾಗುತ್ತಿದೆ.

ಇದನ್ನೂ ಓದಿ: Watch - 'ಈಗೆಲ್ಲಾ ಬರೀ ಶೂನ್ಯ'.. ಭಾರತಕ್ಕೆ ಬಂದಿಳಿದ ಅಫ್ಘಾನಿಸ್ತಾನ ಸಂಸದನ ಕಣ್ಣೀರು

ಅಲ್ಲದೇ ಮುಂಜಾಗ್ರತ ಕ್ರಮವಾಗಿ ಅಫ್ಘಾನಿಸ್ತಾನದಿಂದ ಈಗಾಗಲೇ ಬಂದ ಹಾಗೂ ಬರುತ್ತಿರುವ ಪ್ರತಿಯೊಬ್ಬರಿಗೂ ಉಚಿತವಾಗಿ ಪೋಲಿಯೋ ಲಸಿಕೆ ಹಾಕಲಾಗುತ್ತಿದೆ ಎಂದು ಟ್ವೀಟ್​ ,ಆಡಿರುವ ಕೇಂದ್ರ ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ, ದೆಹಲಿಯ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಪೋಲಿಯೋ ಲಸಿಕೆ ಹಾಕುತ್ತಿರುವ ಫೋಟೋವೊಂದನ್ನು ಹಂಚಿಕೊಂಡಿದ್ದಾರೆ.