ಅಮೃತ್ಸರ್ (ಪಂಜಾಬ್): ಪಂಜಾಬ್ನ ಪ್ರಸಿದ್ಧ ಗೋಲ್ಡನ್ ಟೆಂಪಲ್ಗೆ ಉಪ ರಾಷ್ಟ್ರಪತಿ ಜಗದೀಪ್ ಧನಕರ್ ಬುಧವಾರ ಭೇಟಿ ನೀಡಿ ಪ್ರಾರ್ಥನೆ ಸಲ್ಲಿಸಿದರು. ಈ ವೇಳೆ ಇಲ್ಲಿನ ದುರ್ಗಿಯಾನ ದೇವಸ್ಥಾನದಲ್ಲಿ ಸುಮಾರು ಅರ್ಧ ಗಂಟೆ ಕಾದುಕುಳಿತು, ಕೋಪಗೊಂಡ ಪ್ರಸಂಗ ಕೂಡಾ ಜರುಗಿದೆ.
ಜಗದೀಪ್ ಧನಕರ್ ಅವರು ದೇವಸ್ಥಾನದ ಭೇಟಿ ಸಮಯವು ಮಧ್ಯಾಹ್ನ 2.50ಕ್ಕೆ ನಿಗದಿಯಾಗಿತ್ತು. ಆದರೆ, ಮಂದಿರದ ಬಾಗಿಲು ತೆರೆಯುವ ಸಮಯ ಮಧ್ಯಾಹ್ನ 3 ಗಂಟೆ ಇತ್ತು. ಆದಾಗ್ಯೂ ಅವರು 2.20ಕ್ಕೆ ದೇವಸ್ಥಾನಕ್ಕೆ ತಲುಪಿದ್ದರು ಎಂದು ಆಮ್ ಆದ್ಮಿ ಪಕ್ಷದ ವಕ್ತಾರ ಮಲ್ವೀಂದರ್ ಕಾಂಗ್ ತಿಳಿಸಿದ್ದಾರೆ.