ಅಮ್ರೇಲಿ(ಗುಜರಾತ್):ಪ್ರಸ್ತುತ ಕಾಲಘಟ್ಟದಲ್ಲಿ ಎಲ್ಲರೂ ಅದ್ಧೂರಿ ವಿವಾಹಗಳನ್ನು ಮಾಡಲು ಇಷ್ಟಪಡುತ್ತಾರೆ. ಕೋವಿಡ್ ಕಾಲಘಟ್ಟದಲ್ಲಿ ಅದ್ಧೂರಿ ವಿವಾಹಗಳಿಗೆ ಸ್ವಲ್ಪಮಟ್ಟಿಗೆ ಕಡಿವಾಣ ಬಿತ್ತಾದರೂ, ಈಗ ಎಲ್ಲರೂ ಅದ್ಧೂರಿ, ಆಡಂಬರದ ವಿವಾಹ ಮಾಡಿಕೊಳ್ಳುವವರಿಗೇನೂ ಕಡಿಮೆಯಿಲ್ಲ.
ಆದರೆ, ಇಲ್ಲೊಬ್ಬ ವ್ಯಕ್ತಿ ಎತ್ತಿನ ಗಾಡಿಯಲ್ಲಿ ತನ್ನ ವಿವಾಹ ಸಮಾರಂಭಕ್ಕೆ ಆಗಮಿಸಿದ್ದಾರೆ. ಅಂದಹಾಗೆ ಆತ ಎತ್ತಿನಗಾಡಿಯಲ್ಲಿ ಬರುವಷ್ಟು ಬಡವನೇನಲ್ಲ. ಗುಜರಾತ್ನ ಉದ್ಯಮಿ ಲಲಿತ್ ದೋಬ್ರಿಯಾ ಅವರ ಪುತ್ರನಾಗಿರುವ ಆತನ ಹೆಸರು ಹನೀಲ್. ತಮ್ಮ ಹಳೆಯ ಸಂಪ್ರದಾಯಗಳನ್ನು ಪಾಲಿಸುವುದಕ್ಕಾಗಿ ಎತ್ತಿನಗಾಡಿನಲ್ಲಿ ಬಂದಿರುವುದು ವೈರಲ್ ಆಗಿದೆ.
ಚಿಕ್ಕಂದಿನಿಂದಲೂ ತಮ್ಮ ಅಜ್ಜನಿಂದ ಮದುವೆಯ ಕಥೆಗಳನ್ನು ಕೇಳುತ್ತಾ ಬಂದಿದ್ದ ಹನೀಲ್, ಹಳೇ ಸಂಪ್ರದಾಯದಂತೆ ಮದುವೆಯಾಗಲು ನಿರ್ಧರಿಸಿದ್ದಾರೆ. ಇದರಿಂದಾಗಿ ಈಗ ತಾನು ವಿವಾಹವಾಗುವ ಸ್ಥಳಕ್ಕೆ ಎತ್ತಿನ ಗಾಡಿಯಲ್ಲಿ ಬಂದಿದ್ದಾರೆ.
ಮೊದಲು ಸಾರಿಗೆ ಸಂಪರ್ಕಗಳು ಅಷ್ಟೇನೂ ಅಭಿವೃದ್ಧಿಯಾಗಿರಲಿಲ್ಲ. ಆದ್ದರಿಂದ ಎತ್ತಿನಗಾಡಿಗಳನ್ನು ಬಳಸಿಕೊಳ್ಳುತ್ತಿದ್ದರು. ಆದರೆ ಈಗ ತಂತ್ರಜ್ಞಾನ ಮುಂದುವರೆದಿದೆ. ಎಲ್ಲಾ ಪ್ರದೇಶಗಳಿಗೂ ರಸ್ತೆಯಿದೆ. ಹೀಗಿರುವಾಗ ಹಳೆಯ ಸಂಪ್ರದಾಯಗಳಂತೆ ವಿವಾಹವಾಗುವುದು ಒಮ್ಮೆ ಇರಿಸುಮುರಿಸಾದರೂ, ಇಂಥಹ ಸರಳ ವಿವಾಹಗಳಿಂದ ಕಳೆದುಕೊಳ್ಳುವುದು ಏನೂ ಇಲ್ಲ ಎಂಬುದು ಮಾತ್ರ ಸತ್ಯ.
ಇದನ್ನೂ ಓದಿ:ಭಾರತ ಮೂಲದ ಗೌತಮ್ ರಾಘವನ್ ಶ್ವೇತಭವನದ ಉನ್ನತ ಹುದ್ದೆಗೆ ಆಯ್ಕೆ
