ಮ್ಯಾನ್ಮಾರ್ ಗಡಿಯಲ್ಲಿ ಅಪಾರ ಪ್ರಮಾಣದ ಮದ್ದುಗುಂಡು ವಶಪಡಿಸಿಕೊಂಡ ಸೇನೆ

ಮಿಝೋರಾಂನ ಮ್ಯಾನ್ಮಾರ್‌ನ ಗಡಿಯಲ್ಲಿ ಭಾರತೀಯ ಸೇನೆ ಅಕ್ರಮ ಮದ್ದುಗುಂಡುಗಳನ್ನು ವಶಪಡಿಸಿಕೊಂಡಿದೆ.

ಗುವಾಹಟಿ :ಹನ್ನೆರಡು ಗೇಜ್​ನ 2 ಕಾರ್ಟನ್ಸ್​ಗಳು, 70 ಎಂಎಂ ಕಾಟ್ರಿಡ್ಜ್​​​ಗಳು ( ಒಟ್ಟು1000 ಸಾವಿರ) ಸೇರಿದಂತೆ ಅಪಾರ ಪ್ರಮಾಣದ ಮದ್ದುಗುಂಡುಗಳನ್ನು ತುಂಬಿಕೊಂಡಿದ್ದ, ಮ್ಯಾನ್ಮಾರ್‌ನ ನಂಬರ್ ಪ್ಲೇಟ್ ಹೊಂದಿದ್ದ ಯಾವುದೇ ಮಾನ್ಯ ದಾಖಲೆಗಳಿಲ್ಲದ ಬೈಕೊಂದನ್ನು ಅಸ್ಸೋಂ ರೈಫಲ್ಸ್‌ನ ಸೆರ್ಚಿಪ್ ಬೆಟಾಲಿಯನ್ ವಶಪಡಿಸಿಕೊಂಡಿದೆ.

ಮಿಝೋರಾಂನ ಮ್ಯಾನ್ಮಾರ್‌ನ ಗಡಿಯಲ್ಲಿ ಮದ್ದುಗುಂಡು ಇರುವ ಬಗ್ಗೆ ಗುಪ್ತಚರ ಇಲಾಖೆಯ ಖಚಿತ ಮಾಹಿತಿ ಮೇರೆಗೆ ಅಸ್ಸೋಂ ರೈಫಲ್ಸ್​‌ ಶೋಧ ಕಾರ್ಯಾಚರಣೆ ನಡೆಸಿತ್ತು. ಈ ವೇಳೆ ಬೈಕ್​ನಲ್ಲಿ ಮದ್ದುಗುಂಡು ಪತ್ತೆಯಾಗಿದೆ. ವಶಪಡಿಸಿಕೊಂಡ ಮದ್ದುಗುಂಡು ಮತ್ತು ಬೈಕ್ ಅನ್ನು ಚಾಂಫೈ ಜಿಲ್ಲೆಯ ಜೋಖಾವ್ತರ್ ಪೊಲೀಸರಿಗೆ ಹಸ್ತಾಂತರಿಸಲಾಗಿದೆ.

ಇದಕ್ಕೂ ಮುನ್ನ, ಮಾರ್ಚ್ 31 ರಂದು ಐಜಾಲ್‌ನಲ್ಲಿ ರಾಜ್ಯ ಪೊಲೀಸರೊಂದಿಗೆ ಜಂಟಿ ಕಾರ್ಯಾಚರಣೆ ನಡೆಸಿದ 23 ನೇ ಸೆಕ್ಟರ್ ಅಸ್ಸೋಂ ರೈಫಲ್ಸ್‌ನ ಐಜಾವಲ್ ಬೆಟಾಲಿಯನ್ ಗಡಿಯಲ್ಲಿ ಶಸ್ತ್ರಾಸ್ತ್ರ ಮತ್ತು ಮದ್ದುಗುಂಡುಗಳನ್ನು ವಶಪಡಿಸಿಕೊಂಡು ಶಸ್ತ್ರಾಸ್ತ್ರ ಡೀಲರ್​ಗಳನ್ನು ಬಂಧಿಸಿತ್ತು.