ಮಾಜಿ ಕೇಂದ್ರ ಸಚಿವ ಎ.ಕೆ. ಆ್ಯಂಟನಿ ಮತ್ತು ಪತ್ನಿ ಎಲಿಜಬೆತ್​​ಗೆ ತಗುಲಿದ ಕೊರೊನಾ!​

ಕೇಂದ್ರ ಮಾಜಿ ಸಚಿವ ಎ.ಕೆ. ಆ್ಯಂಟನಿ ಹಾಗೂ ಅವರ ಪತ್ನಿ ಎಲಿಜಬೆತ್​​ ಅವರಿಗೆ ಕೊರೊನಾ ತಗುಲಿರುವ ವಿಚಾರವನ್ನು ಪುತ್ರ ಅನಿಲ್​ ಕೆ ಆ್ಯಂಟನಿ ಸಾಮಾಜಿಕ ಜಾಲತಾಣಗಳ ಮೂಲಕ ದೃಢಪಡಿಸಿದ್ದಾರೆ.

ನವದೆಹಲಿ:ಕೇಂದ್ರ ಮಾಜಿ ಸಚಿವ ಎ.ಕೆ. ಆ್ಯಂಟನಿ ಹಾಗೂ ಅವರ ಪತ್ನಿ ಎಲಿಜಬೆತ್​​ ಅವರಿಗೆ ಕೊರೊನಾ ಸೋಂಕು ತಗುಲಿರುವುದು ದೃಢಪಟ್ಟಿದೆ.

ಈ ಕುರಿತು ಅವರ ಪುತ್ರ ಅನಿಲ್​ ಕೆ ಆ್ಯಂಟನಿ ಸಾಮಾಜಿಕ ಜಾಲತಾಣಗಳ ಮೂಲಕ ವಿಷಯವನ್ನು ಶೇರ್​ ಮಾಡಿ ದೃಢಪಡಿಸಿದ್ದಾರೆ. ತಂದೆ-ತಾಯಿಯ ಆರೋಗ್ಯ ಸ್ಥಿರವಾಗಿದೆ. ಇಬ್ಬರೂ ಚಿಕಿತ್ಸೆಗಾಗಿ ಏಮ್ಸ್​ಗೆ ದಾಖಲಾಗಿದ್ದಾರೆಂದು ಪುತ್ರ ಅನಿಲ್​ ಮಾಹಿತಿ ನೀಡಿದ್ದಾರೆ.

ಅನಿಲ್​ ಟ್ವೀಟ್​​ಗೆ ಪ್ರತಿಕ್ರಿಯೆ ನೀಡಿರುವ ಶಾಸಕ ಸಚಿನ್​ ಪೈಲಟ್​​,​​ ಇಬ್ಬರೂ ಕೂಡ ಶೀಘ್ರವಾಗಿ ಚೇತರಿಸಿಕೊಳ್ಳಲಿ ಎಂದು ಹಾರೈಸಿದ್ದಾರೆ. ಇತ್ತೀಚೆಗಷ್ಟೇ ಹಿರಿಯ ಕಾಂಗ್ರೆಸ್​ ನಾಯಕ​​​​ ಅಹಮ್ಮದ್​ ಪಟೇಲ್​​​ ಕೊರೊನಾ ತಗುಲಿ ಆಸ್ಪತ್ರೆಗೆ ದಾಖಲಾಗಿದ್ದರು.