ಹೇಗಿರುತ್ತೆ ಅಗ್ನಿವೀರರಿಗೆ ತರಬೇತಿ.. ಯೋಜನೆ ಜಾರಿಗೂ ಮುನ್ನ ನಡೆದ ಸಭೆಗಳೆಷ್ಟು?

ಭಾರತೀಯ ಸೇನೆಯಲ್ಲಿ ಒಬ್ಬ ಯೋಧನಿಗೆ ಮೊದಲು ಒಂಬತ್ತು ತಿಂಗಳುಗಳ ಕಾಲ ತರಬೇತಿ ನೀಡಲಾಗಿತ್ತು. ಆದ್ರೆ ‘ಅಗ್ನಿವೀರ್’ಗೆ ಕೇವಲ ಆರು ತಿಂಗಳು ತರಬೇತಿ ನೀಡಿ ಸೇನೆಗೆ ಸಜ್ಜುಗೊಳಿಸಲಾಗುವುದು ಎಂದು ತಿಳಿದುಬಂದಿದೆ.

ನವದೆಹಲಿ:ಸೇನೆ, ನೌಕಾಪಡೆ ಮತ್ತು ವಾಯುಸೇನೆಗೆ ಅಧಿಕಾರಿಯೇತರ ಹುದ್ದೆಗಳನ್ನು ಸೇರಿಸುವ 'ಅಗ್ನಿಪಥ್' ನೇಮಕಾತಿ ಯೋಜನೆಯು ಯಾವುದೇ ವಿಧಾನದಿಂದ ಇದ್ದಕ್ಕಿದ್ದಂತೆ ಬಂದದ್ದಲ್ಲ. 1999 ರಲ್ಲಿ ಕಾರ್ಗಿಲ್ ಯುದ್ಧದ ನಂತರ ಭಾರತೀಯ ಸೇನಾ ನೇಮಕಾತಿ ನೀತಿಯನ್ನು ಕೂಲಂಕಷವಾಗಿ ಪರಿಶೀಲಿಸುವ ಮೊದಲ ಆಲೋಚನೆಯು ಮೊಳಕೆಯೊಡೆಯಿತು. ಕಾರ್ಗಿಲ್ ಸಮಿತಿ, ಅರುಣ್ ಸಿಂಗ್ ಸಮಿತಿ ಮತ್ತು ಶೇಕತ್ಕರ್ ಸಮಿತಿ ಸೇರಿದಂತೆ ಹಲವು ಸಮಿತಿಗಳು ಮತ್ತು ಆಯೋಗಗಳಲ್ಲಿ ಈ ಬಗ್ಗೆ ಅಭಿಪ್ರಾಯಗಳಲ್ಲಿ ಸಂಗ್ರಹಿಸಲಾಗಿದೆ.

ಜೂನ್ 14 ರಂದು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಮೂವರು ಸೇನಾ ಮುಖ್ಯಸ್ಥರ ಉಪಸ್ಥಿತಿಯೊಂದಿಗೆ ಈ ಯೋಜನೆ ಘೋಷಿಸಿದರು. ಇದಕ್ಕೂ ಮುನ್ನ ಎರಡು ವರ್ಷಗಳಿಗೂ ಹೆಚ್ಚು ಕಾಲ ಈ ಬಗ್ಗೆ ಚರ್ಚಿಸಲಾಗಿದೆ. ಈ ಯೋಜನೆ ರೂಪಿಸುವುದಕ್ಕೆ ಒಟ್ಟು 254 ಸಭೆಗಳು 750 ಗಂಟೆಗಳನ್ನು ತೆಗೆದುಕೊಳ್ಳಲಾಗಿದೆ ಎಂದಿದ್ದರು.

ಸಭೆಗಳಲ್ಲಿ, ಯುಎಸ್, ಚೀನಾ, ರಷ್ಯಾ, ಯುಕೆ, ಫ್ರಾನ್ಸ್ ಮತ್ತು ಇಸ್ರೇಲ್ ಅನುಸರಿಸುತ್ತಿರುವ ಮಿಲಿಟರಿ ನೇಮಕಾತಿ ಮಾದರಿಗಳನ್ನು ಅಧ್ಯಯನ ಮಾಡುವುದಕ್ಕೆ ಪ್ರಮುಖ ಒತ್ತು ನೀಡಲಾಯಿತು. ತರಬೇತಿ ಮಾದರಿಗಳ ವಿವರಗಳು ಇನ್ನೂ ಪ್ರಗತಿಯಲ್ಲಿವೆ. 'ಅಗ್ನಿಪಥ್' ಯೋಜನೆಯ ಮೊದಲ ವರ್ಷದಲ್ಲಿ ನೇಮಕಗೊಳ್ಳಲು ಉದ್ದೇಶಿಸಿರುವ ಸುಮಾರು 50,000 'ಅಗ್ನಿವೀರರು' ಹಿಂದಿನ ಪ್ರಕ್ರಿಯೆಯಡಿಯಲ್ಲಿ ನೇಮಕಗೊಂಡವರಿಗಿಂತ ಕಡಿಮೆ ತರಬೇತಿ ಅವಧಿಗೆ ಒಳಗಾಗಬೇಕಾಗುತ್ತದೆ.

ಓದಿ:ಅಗ್ನಿಪಥ್​ ಯೋಜನೆ ಹಿಂಪಡೆವ ಮಾತೇ ಇಲ್ಲ, ಇದು ದಶಕಗಳ ಚಿಂತನೆಯ ಫಲ: ಅಜಿತ್​ ದೋವಲ್​

ವಿಶೇಷ ಪಡೆಗಳ ತರಬೇತಿ ವಿವರಗಳನ್ನು ರಹಸ್ಯವಾಗಿಡಲಾಗಿದ್ದರೂ, ತರಬೇತಿ ಮಾದರಿಗಳ ಬಗ್ಗೆ ನಿಖರ ಮತ್ತು ಸೂಕ್ಷ್ಮ ವಿವರಗಳನ್ನು ಇನ್ನೂ ಪ್ರಗತಿಯಲ್ಲಿವೆ ಎಂದು ಮಿಲಿಟರಿ ಸ್ಥಾಪನೆಯ ಮೂಲವೊಂದು ETV ಭಾರತಕ್ಕೆ ತಿಳಿಸಿದೆ. ಭಾರತೀಯ ಸೇನೆಯಲ್ಲಿ ಒಬ್ಬ ಯೋಧನಿಗೆ ಮೊದಲು ಒಂಬತ್ತು ತಿಂಗಳುಗಳ ಕಾಲ ತರಬೇತಿ ನೀಡಲಾಗುತ್ತಿತ್ತು. ಆದ್ರೆ ‘ಅಗ್ನಿವೀರ’ರಿಗೆ ಕೇವಲ ಆರು ತಿಂಗಳು ಮಾತ್ರ ತರಬೇತಿ ನೀಡಲಾಗುತ್ತದೆ ಎಂದು ತಿಳಿದು ಬಂದಿದೆ.

ನೌಕಾಪಡೆಯಲ್ಲಿ, ಒಬ್ಬ ನಾವಿಕನಿಗೆ 22 ವಾರಗಳ ಕಾಲ ತರಬೇತಿ ನೀಡಲಾಗಿದ್ದು, ಅದನ್ನು ಈಗ 18 ವಾರಗಳಿಗೆ ಕಡಿತಗೊಳಿಸಲಾಗುವುದು. ಪ್ರವೇಶ ಮತ್ತು ಮೂಲಭೂತ ತರಬೇತಿಯ ನಂತರ ವೃತ್ತಿಪರ ತರಬೇತಿ ನಡೆಯುತ್ತದೆ. ಈ ವಿಶೇಷ ತರಬೇತಿಯ ಅವಧಿಯಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ ಎಂದು ನೌಕಾಪಡೆಯ ಮೂಲಗಳು ತಿಳಿಸಿವೆ.

ಐಎಎಫ್ ಮೂಲವೊಂದು ಹೇಳಿದೆ, ಐಎಎಫ್‌ನಲ್ಲಿ ಹಿಂದಿನ ತರಬೇತಿ ಅವಧಿಯು ಆರು ತಿಂಗಳಿಂದ ಒಂದು ವರ್ಷದವರೆಗಿದ್ದು, ಏರ್‌ಮ್ಯಾನ್‌ ತರಬೇತಿ ನಡೆಸಲಾಗುತ್ತಿತ್ತು. ಆದರೆ, ಈ ತರಬೇತಿ ಮಾದರಿಗಳು ಹೆಚ್ಚಿನವು ರಹಸ್ಯವಾಗಿ ಉಳಿದಿವೆ. ಉದಾಹರಣೆಗೆ ಫೈಟರ್ ಪೈಲಟ್‌ನ ತರಬೇತಿ ಮಾದರಿ ಅನ್ನು ವರ್ಗೀಕರಿಸಲಾಗಿದೆ.

ಭಾರತೀಯ ನೌಕಾಪಡೆಯ ವೈಸ್ ಅಡ್ಮಿರಲ್ ದಿನೇಶ್ ಕೆ ತ್ರಿಪಾಠಿ ಮಂಗಳವಾರ ಹೇಳಿದಂತೆ, ತರಬೇತಿಯ ಸಂಕುಚಿತ ಸಮಯಾವಧಿಯನ್ನು ಸರಿದೂಗಿಸಲು ತರಬೇತಿಯ ಗುಣಮಟ್ಟವನ್ನು ಸುಧಾರಿಸಲಾಗುವುದು ಎಂದಿದ್ದಾರೆ. ನಾವು ಅಗ್ನಿವೀರರಿಗೆ ಟ್ಯಾಬ್ಲೆಟ್‌ಗಳು ಮತ್ತು ಇ-ರೀಡರ್‌ಗಳನ್ನು ನೀಡಲು ಯೋಚಿಸುತ್ತಿದ್ದೇವೆ. ಇದರಿಂದಾಗಿ ಅವರು (ನಾವಿಕರು) ಸಮಯವಿದ್ದಾಗ ಓದಬಹುದು ಮತ್ತು ತರಗತಿಗಳಿಗೆ ಹಾಜರಾಗಬೇಕಾಗುವ ಅಗತ್ಯ ಇರುವುದಿಲ್ಲ ಎಂದು ವೈಸ್-ಅಡ್ಮಿರಲ್ ಹೇಳಿದರು.