ತವಾಂಗ್​ ಘರ್ಷಣೆ: ಸೇನೆಗೆ ಸಜ್ಜಾಗಿರುವಂತೆ ರಕ್ಷಣಾ ಇಲಾಖೆಗೆ ಸೂಚನೆ

ಗಡಿಯಲ್ಲಿ ಕಟ್ಟೆಚ್ಚರ ಘೋಷಿಸಲಾಗಿದೆ. ಭಾರತದ ಸೇನೆಗೂ ಸಿದ್ದವಾಗಿರುವಂತೆ ಸೂಚನೆ ನೀಡಲಾಗಿದೆ. ಪೂರ್ವ ಭಾರತದ ಎಲ್ಲಾ ಪೂರ್ವ ಏರ್​ ಕಮಾಂಡ್​ಗೆ ರಕ್ಷಣಾ ಸಚಿವರು ಅಲರ್ಟ್​ ಮಾಡಿದ್ದಾರೆ.

ಸಿಲಿಗುರಿ( ಪಶ್ಷಿಮ ಬಂಗಾಳ):ಭಾರತ- ಚೀನಾ ಗಡಿಯ ತವಾಂಗ್​ ಘರ್ಷಣೆ ಆತಂಕ ಮೂಡಿಸಿದ್ದು, ರಕ್ಷಣಾ ಇಲಾಖೆ ಸೇನಾ ಕಣ್ಗಾವಲನ್ನು ಹೆಚ್ಚಿಸಿದೆ. ಜೊತೆಗೆ, ಸಿಲಿಗುರಿಯಲ್ಲಿರುವ ಬಗ್ದೊಗ್ರಾ ವಾಯು ಪಡೆಗೆ ಗಡಿ ರಕ್ಷಣೆಗೆ ಸಜ್ಜಾಗುವಂತೆ ಸೂಚನೆ ನೀಡಲಾಗಿದೆ. ಗಡಿಯಲ್ಲಿ ಕಟ್ಟೆಚ್ಚರ ಘೋಷಿಸಲಾಗಿದೆ. ಭಾರತದ ಸೇನೆಗೂ ಸಿದ್ದವಾಗಿರುವಂತೆ ಸೂಚನೆ ನೀಡಲಾಗಿದೆ. ಪೂರ್ವ ಭಾರತದ ಎಲ್ಲಾ ಪೂರ್ವ ಏರ್​ ಕಮಾಂಡ್​ಗೆ ರಕ್ಷಣಾ ಸಚಿವರು ಅಲರ್ಟ್​ ಮಾಡಿದ್ದಾರೆ.

ಸಿಲಿಗುರಿಯ ಎಸ್​-400 ವಾಯು ರಕ್ಷಣಾ ಪಡೆ ಸನ್ನದ್ಧವಾಗಿಡಲು ಸೂಚನೆ ನೀಡಲಾಗಿದೆ. ಭಾರತ- ಚೀನಾ ಗಡಿಯಲ್ಲಿ ಹದ್ದಿನ ಕಣ್ಣು ಇಡುವಂತೆ ಸೂಚಿಸಲಾಗಿದೆ. ಗಡಿಯಲ್ಲಿ ಚೀನಾ ಡ್ರೋನ್​ ಅಥವಾ ಇತರ ತಂತ್ರಜ್ಞಾನ ಬಳಕೆ ಮಾಡುತ್ತಿದೆಯಾ ಎಂಬುದರ ಕುರಿತು ಗಮನಿಸುವಂತೆ ತಿಳಿಸಿದೆ. ಭಾರತ - ಚೀನಾ ಗಡಿಗೆ ಎಲ್​ 70 ವಾಯು ರಕ್ಷಣಾ ಗನ್​ ನಿಯೋಜಿಸಲಾಗಿದೆ.

ವಾಯು ಪಡೆ ಬೇಸ್​ನಲ್ಲಿ ಕೂಡ ಎಚ್ಚರಿಕೆ ನೀಡಲಾಗಿದ್ದು, ಎಲ್ಲ ಫೈಟರ್​ ಜೆಟ್​ಗಳನ್ನು ಸನ್ನದ್ಧ ಸ್ಥಿತಿಯಲ್ಲಿ ಇಡುವಂತೆ ರಾಷ್ಟ್ರೀಯ ಭದ್ರತಾ ಹಿತಾಸಕ್ತಿ ಹಿನ್ನೆಲೆಯಲ್ಲಿ ಭಾರತ - ಚೀನಾ ದಾಳಿಯಲ್ಲಿ ಸೇನಾ ಅಧಿಕಾರಿಗಳು ವ್ಯವಸ್ಥೆಗಳನ್ನು ಬಿಗಿಗೊಳಿಸಿದ್ದಾರೆ.

ಉತ್ತರ ಬಂಗಾಳದಲ್ಲಿ ಬಗ್ದೊಗ್ರಾ ಮತ್ತು ಹಸಿಮರ ಎರಡು ಪ್ರದೇಶದಲ್ಲಿ ಭಾರತೀಯ ವಾಯು ಪಡೆ ಎರಡು ನೆಲೆಗಳನ್ನು ಹೊಂದಿದೆ. ಇವೆರಡೂ ಭಾರತ - ಚೀನಾ ಗಡಿಗೆ ಸಮೀಪದಲ್ಲಿದೆ. ಬಗ್ದೊಗ್ರಾ ವಿಮಾನ ನಿಲ್ದಾಣ ವಿಮಾನ ಪ್ರಾಧಿಕಾರದಿಂದ ನಿರ್ವಹಣೆ ಮಾಡಲಾಗಿದೆ. ಆದರೆ, ಇದು ವಾಯು ದಳ ಇದರ ಮೇಲುಸ್ತುವಾರಿ ಮಾಡುತ್ತಿದೆ.

ಗಡಿ ವಿವಾದ ಕುರಿತು ದೆಹಲಿ ಮತ್ತು ಮುಖ್ಯ ಕಚೇರಿಯಲ್ಲಿ ಚರ್ಚಿಸಲಾಗುತ್ತಿದೆ. ಅಲ್ಲಿನ ಸೂಚನೆ ಅನುಸಾರವಾಗಿ ನಾವು ಕಾರ್ಯ ನಿರ್ವಹಿಸಲಾಗಿದೆ. ಪರಿಸ್ಥಿತಿ ಬಗ್ಗೆ ಸೂಕ್ಷ್ಮವಾಗಿ ಗಮನಿಸುತ್ತಿದ್ದೇವೆ. ಗಡಿ ಪ್ರದೇಶದಲ್ಲಿ ಈಗಾಗಲೇ ಸೇನೆ ಬಿಗಿ ರಕ್ಷಣೆ ನೀಡಿದ್ದು, ಪರಿಸ್ಥಿತಿ ಅವಲೋಕನ ನಡೆಸುತ್ತಿದೆ ಎಂದು ಸಿಲಿಗುರಿ ಸೇನಾ ಅಧಿಕಾರಿ ಮೇಜರ್​ ಅಂಜನ್​ ಕುಮಾರ್​ ಬಸುಮತರಿ ತಿಳಿಸಿದ್ದಾರೆ.

ಇದನ್ನೂ ಓದಿ: ಭಾರತ ಚೀನಾ ಯೋಧರ ಘರ್ಷಣೆ.. ಪರಿಸ್ಥಿತಿ ಶಾಂತವಾಗಿರುವುದಕ್ಕೆ ಅಮೆರಿಕ ಸಂತಸ