ರೈಲ್ವೆ ಕೋಚ್​ನಲ್ಲಿ ಎಸಿ ಆಫ್.. ಗ್ರಾಹಕ ನ್ಯಾಯಾಲಯಕ್ಕೆ ದೂರು ಸಲ್ಲಿಸಿದ ಪ್ರಯಾಣಿಕನಿಗೆ 50 ಸಾವಿರ ರೂ ಪರಿಹಾರ

ರೈಲ್ವೆ ಕೋಚ್​ನಲ್ಲಿ ಎಸಿ ಆಫ್ ಆಗಿ ತೊಂದರೆ ಅನುಭವಿಸಿದ್ದ ಪ್ರಯಾಣಿಕರೊಬ್ಬರು ಗ್ರಾಹಕ ನ್ಯಾಯಾಲಯಕ್ಕೆ ದೂರು ಸಲ್ಲಿಸಿ, 50 ಸಾವಿರ ಪರಿಹಾರವನ್ನು ಪಡೆದುಕೊಂಡಿದ್ದಾರೆ.

ಮುಂಬೈ: ರೈಲಿನಲ್ಲಿ ಹವಾನಿಯಂತ್ರಕ ಕೋಚ್​ನಲ್ಲೇ ಪ್ರಯಾಣಿಸಲು ಜನರು ಇಷ್ಟಪಡುತ್ತಾರೆ. ಆದರೆ ದೊಡ್ಡ ಮೊತ್ತ ನೀಡಿ ಟಿಕೆಟ್ ಖರೀದಿಸಬೇಕು. ಕೆಲವೊಮ್ಮೆ ತಾಂತ್ರಿಕ ದೋಷಗಳಿಂದ ಎಸಿ ಆಫ್ ಆಗುತ್ತದೆ. ಹೀಗೆ ಉಂಟಾದ ತೊಂದರೆಗೆ ಪ್ರಯಾಣಿಕರೊಬ್ಬರು ಗ್ರಾಹಕ ನ್ಯಾಯಾಲಯಕ್ಕೆ ದೂರು ದಾಖಲಿಸಿ ಜಯ ಸಾಧಿಸಿದ್ದಾರೆ.

ಮುಂಬೈಯಿಂದ ಅಲಹಾಬಾದ್​ಗೆ ಪ್ರಯಾಣಿಸಲು ಶಶಿಕಾಂತ್ ಶುಕ್ಲಾ ಎಂಬವರು ದುರಂತೋ ಎಕ್ಸ್‌ಪ್ರೆಸ್‌ನಲ್ಲಿ ಎಸಿ ಟಿಕೆಟ್ ಕಾಯ್ದಿರಿಸಿದ್ದರು. ಪ್ರಯಾಣದ ಸಮಯದಲ್ಲಿ ಎಸಿ ಬಂದ್​ ಆಗಿ ಕೋಚ್​ನ ತಾಪಮಾನವು 42 ಡಿಗ್ರಿ ತಲುಪಿತ್ತು. ತೊಂದರೆಗೊಳಗಾದ ಶಶಿಕಾಂತ್ ಗ್ರಾಹಕ ನ್ಯಾಯಾಲಯಕ್ಕೆ ದೂರು ಸಲ್ಲಿಸಿದ್ದರು.

ವಿಚಾರಣೆ ನಡೆಸಿದ ಕೋರ್ಟ್​ 1190 ರೂಪಾಯಿ ಟಿಕೆಟ್​ಗೆ 50 ಸಾವಿರ ರೂಪಾಯಿ ಪರಿಹಾರ ನೀಡುವಂತೆ ಗ್ರಾಹಕ ನ್ಯಾಯಾಲಯವು ರೈಲ್ವೆ ಇಲಾಖೆಗೆ ಹೇಳಿದೆ. ತಾವು ಮಾಡಿದ ತಪ್ಪನ್ನು ಒಪ್ಪಿಕೊಂಡ ರೈಲ್ವೆ ಟಿಕೆಟ್ ಹಣವನ್ನು ಹಿಂದಿರುಗಿಸುವುದರ ಜೊತೆಗೆ ಪರಿಹಾರವಾಗಿ 50 ಸಾವಿರ ರೂಪಾಯಿಯನ್ನು ನೀಡಿದೆ.

ಇದನ್ನೂ ಓದಿ:ಉಬರ್​ ಚಾಲಕನ ನಿರ್ಲಕ್ಷ್ಯದಿಂದ ವಿಮಾನ ತಪ್ಪಿಸಿಕೊಂಡ ಮಹಿಳೆ: ಗ್ರಾಹಕ ನ್ಯಾಯಾಲಯದಿಂದ ದಂಡ