ಗನ್​ ತೋರಿಸಿ ಪಾಕಿಸ್ತಾನ ಜಿಂದಾಬಾದ್​ ಹೇಳುವಂತೆ ವಿದ್ಯಾರ್ಥಿಯಿಂದ ಬೆದರಿಕೆ!

ವಿದ್ಯಾರ್ಥಿಗೆ ಗನ್​ ತೋರಿಸಿ ಪಾಕಿಸ್ತಾನ ಜಿಂದಾಬಾದ್​ ಅಂತಾ ಹೇಳಲು ಬೆದರಿಕೆ ಹಾಕಿದ್ದಲ್ಲದೇ, ಆತನ ಸಹೋದರಿಗೆ ಹಿಜಾಬ್​ ಧರಿಸಲು ಅನ್ಯ ಧರ್ಮದ ವಿದ್ಯಾರ್ಥಿ ಒತ್ತಾಯಿಸಿದ ಘಟನೆ ಎಎಂಯುನಲ್ಲಿ ನಡೆದಿರುವುದು ವರದಿಯಾಗಿದೆ.

ಅಲಿಗಢ(ಉತ್ತರಪ್ರದೇಶ): ಕುಡಿದ ಮತ್ತಿನಲ್ಲಿದ್ದ ಅನ್ಯಧರ್ಮದ ವಿದ್ಯಾರ್ಥಿಯೊಬ್ಬ ಮತ್ತೊಂದು ಧರ್ಮದ ವಿದ್ಯಾರ್ಥಿಗೆ ಗನ್ ಪಾಯಿಂಟ್​ನಲ್ಲಿ "ಪಾಕಿಸ್ತಾನ ಜಿಂದಾಬಾದ್​" ಎಂದು ಘೋಷಣೆ ಕೂಗಲು ಬೆದರಿಕೆ ಹಾಕಿದ್ದಾನೆ. ಅಲ್ಲದೇ, ಕೊರಳಲ್ಲಿದ್ದ ಧರ್ಮ ಪ್ರತಿನಿಧಿಸುವ ದಾರವನ್ನೂ ಕಳಚಲು ಒತ್ತಾಯಿಸಿದ್ದಾನೆ ಎಂಬ ಆರೋಪ ಕೇಳಿಬಂದಿದೆ.

ಉತ್ತರ ಪ್ರದೇಶದ ಅಲಿಗಢ ಮುಸ್ಲಿಂ ವಿಶ್ವವಿದ್ಯಾನಿಲಯದಲ್ಲಿ (ಎಎಂಯು) ಶುಕ್ರವಾರ ಈ ಪ್ರಕರಣ ನಡೆದಿದೆ ಎನ್ನಲಾಗ್ತಿದೆ. ಕಾಲೇಜಿನ ಹಾಸ್ಟೆಲ್​ ಹಾಲ್​ನಲ್ಲಿ ಮಾಸ್ಟರ್​ ಆಫ್​ ಟೆಕ್ನಾಲಜಿ ಓದುತ್ತಿರುವ ವಿದ್ಯಾರ್ಥಿ ಇದ್ದ ಸ್ಥಳಕ್ಕೆ ಬಂದ ಅನ್ಯ ಧರ್ಮದ ವಿದ್ಯಾರ್ಥಿ ಗಲಾಟೆ ಶುರು ಮಾಡಿದ್ದಾನೆ. ಕೊರಳಲ್ಲಿದ್ದ ದಾರವನ್ನು ಕಿತ್ತೆಸೆಯಲು ಒತ್ತಾಯಿಸಿದ್ದಾನೆ. ಇದಕ್ಕೆ ಒಪ್ಪದಿದ್ದಕ್ಕೆ ಮೇಲೆ ಹಲ್ಲೆ ಮಾಡಿದ್ದಾನೆ ಎನ್ನಲಾಗ್ತಿದೆ.

ಬಂದೂಕು ತೋರಿಸಿ ಪಾಕಿಸ್ತಾನ ಜಿಂದಾಬಾದ್​ ಘೋಷಣೆ ಕೂಗಲು ಬೆದರಿಕೆ ಹಾಕಿದ್ದಾನೆ. ಅಲ್ಲದೇ, ಆ ವಿದ್ಯಾರ್ಥಿಯ ಸಹೋದರಿಗೆ ಹಿಜಾಬ್​ ಧರಿಸಲೂ ಸೂಚಿಸಿದ್ದಾನೆ. ಇದನ್ನು ಪ್ರತಿರೋಧಿಸಿದ್ದಕ್ಕೆ ಚಾಕುವಿನಿಂದ ದಾಳಿ ಮಾಡಿದ್ದಾನೆ ಎಂದು ಸಂತ್ರಸ್ತ ವಿದ್ಯಾರ್ಥಿ ದೂರು ನೀಡಿದ್ದಾನೆ. ಈ ದೂರು ಆಧರಿಸಿ, ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಓದಿ:PUCಯಲ್ಲಿ ಟಾಪರ್, ಏರೋನಾಟಿಕಲ್ ಇಂಜಿನಿಯರಿಂಗ್ ಕನಸು: ಕೋಪದಲ್ಲಿ ಅಜ್ಜಿ ಕೊಂದು ಹೋಟೆಲ್ ಸಪ್ಲೈಯರ್ ಆದ ಮೊಮ್ಮಗ