ನಡೆದುಕೊಂಡು ಹೋಗ್ತಿದ್ದ ವ್ಯಕ್ತಿಗೆ ಅಡ್ಡಿಪಡಿಸಿ, ಕಾಲಿಗೆ ಸುತ್ತಿಕೊಂಡ ಹಾವು.. ವಿಡಿಯೋ ವೈರಲ್

ಘಟನೆಯ ದೃಶ್ಯ ಸ್ಥಳೀಯರ ಮೊಬೈಲ್​ನಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದೆ..

ಕರೀಂನಗರ(ತೆಲಂಗಾಣ):ಕರೀಂನಗರ ಜಿಲ್ಲೆಯ ಗಂಗೇಪಲ್ಲಿ ಗ್ರಾಮದ ಗನ್ನೇರುವರಂ ಮಂಡಲದಲ್ಲಿ ವಿಚಿತ್ರವಾದ ಘಟನೆಯೊಂದು ನಡೆದಿದೆ. ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಗೆ ಹಾವೊಂದು ಅಡ್ಡಪಡಿಸಿ, ಆತನ ಕಾಲಿಗೆ ಸುತ್ತಿಕೊಂಡಿದೆ.

ರಾಜಯ್ಯ ಎಂಬ ವ್ಯಕ್ತಿ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ. ಕೆಲ ನಿಮಿಷಗಳ ಕಾಲ ಆತನಿಗೆ ತೊಂದರೆ ನೀಡಿರುವ ಹಾವು, ನಿಧಾನವಾಗಿ ಆತನ ದೇಹದ ಮೇಲೆ ಏರಲು ಪ್ರಯತ್ನಿಸಿದೆ.

ಈ ವೇಳೆ ವ್ಯಕ್ತಿ ಹಾವಿನ ತಲೆ ಹಿಡಿದುಕೊಂಡು ಬಿಡಿಸುವ ಯತ್ನ ನಡೆಸಿದ್ದಾನೆ. ಆದರೆ, ಆತನ ಕಾಲಿಗೆ ಬಿಗಿಯಾಗಿ ಸುತ್ತಿಕೊಂಡಿರುವ ಕಾರಣ ಮತ್ತೋರ್ವ ವ್ಯಕ್ತಿಯ ಸಹಾಯದಿಂದ ತಪ್ಪಿಸಿಕೊಂಡಿದ್ದಾನೆ. ಇದಾದ ಬಳಿಕ ಕೋಲಿನಿಂದ ಹೊಡೆದು ಅದನ್ನ ಸಾಯಿಸಿದ್ದಾನೆ.

ಘಟನೆಯ ದೃಶ್ಯ ಸ್ಥಳೀಯರ ಮೊಬೈಲ್​ನಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದೆ.