ತಾಯಿಯೊಂದಿಗೆ ಸೇರಿ ಮಗನನ್ನು ಕೊಲೆ ಮಾಡಿ ಹೂತು ಹಾಕಿದಳು!

ಮಹಿಳೆಯೊಬ್ಬಳು ತನ್ನ ತಾಯಿಯೊಂದಿಗೆ ಸೇರಿ ಮಗನನ್ನು ಕೊಲೆ ಮಾಡಿ ಹೂತಾಕಿರುವ ಘಟನೆ ತೆಲಂಗಾಣದ ವನಪರ್ತಿ ಜಿಲ್ಲೆಯಲ್ಲಿ ನಡೆಸಿದ್ದಾರೆ.

ವನಪರ್ತಿ:ಹೆತ್ತ ಮಗನನ್ನೇ ತಾಯಿಯೊಬ್ಬಳು ಬರ್ಬರವಾಗಿ ಕೊಲೆ ಮಾಡಿ ಮರಳಿನಲ್ಲಿ ಹೂತಾಕಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಕೊತ್ತಕೋಟೆ ತಾಲೂಕಿನ ರಾಮಕೃಷ್ಣಪುರಂ ನಿವಾಸಿ ನಾಗಮ್ಮ ತನ್ನ ತಾಯಿ ಬುಚ್ಚಮ್ಮ ಮತ್ತು ಮಗ ಶಿವ ಜೊತೆ ವಾಸಿಸುತ್ತಿದ್ದರು. ನಾಗಮ್ಮ ತನ್ನ ಮಗ ಶಿವನನ್ನು ತಾಯಿ ಬುಚ್ಚಮ್ಮನ ಸಹಾಯದಿಂದ ಚಾಕುವಿನಿಂದ ದಾಳಿ ಮಾಡಿ ಕತ್ತು ಹಿಸುಕಿ ಬರ್ಬರವಾಗಿ ಕೊಲೆ ಮಾಡಿದ್ದಾರೆ. ಬಳಿಕ ಮಗನ ಶವವನ್ನು ಮನೆಯ ಪಕ್ಕದಲ್ಲಿರುವ ಮರಳಿನಲ್ಲಿ ಹೂತಾಕಿದ್ದಾರೆ.

ಘಟನೆ ನಡೆದು ವಾರ ಕಳೆದಿದೆ. ಇದರಿಂದ ಗಾಬರಿಗೊಂಡಿ ನಾಗಮ್ಮ ನೇರವಾಗಿ ಸರ್ಪಂಚ್​ ಲತಾಗೆ ಹೇಳಿದ್ದಾರೆ. ಕೂಡಲೇ ಸರ್ಪಂಚ್​ ಪೊಲೀಸರಿಗೆ ಮಾಹಿತಿ ರವಾನಿಸಿದ್ದರು. ಸುದ್ದಿ ತಿಳಿದ ಕೂಡಲೇ ಸ್ಥಳಕ್ಕೆ ದೌಡಾಯಿಸಿದ ಪೊಲೀಸರು ಪರಿಶೀಲನೆ ಕೈಗೊಂಡರು.

ಈ ಘಟನೆ ಕುರಿತು ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.