ತಿರುನಲ್ವೇಲಿ(ತಮಿಳುನಾಡು): ಸಾಕಲು ಸಾಧ್ಯವಿಲ್ಲ ಎಂದು ಅಜ್ಜಿಯೊಬ್ಬರನ್ನು ಇಬ್ಬರು ಮೊಮ್ಮಕ್ಕಳು ಬೆಂಕಿ ಹಚ್ಚಿ ಕೊಂದ ಘಟನೆ ತಮಿಳುನಾಡಿನ ತಿರುನಲ್ವೇಲಿ ಜಿಲ್ಲೆಯ ಪೇಟ್ಟೈ ಎಂಬಲ್ಲಿ ನಡೆದಿದೆ. ಮೇ 3ರಂದು ಪೇಟ್ಟೈನ ಆಧಾಂ ನಗರದ ರಸ್ತೆಯ ಕಸದ ರಾಶಿಯಲ್ಲಿ ಸುಟ್ಟ ಸ್ಥಿತಿಯಲ್ಲಿ ಶವ ಪತ್ತೆಯಾಗಿತ್ತು. ಪೊಲೀಸರು ಸ್ಥಳಕ್ಕೆ ಧಾವಿಸಿ ಶವ ಹೊರತೆಗೆದು ಜಿಲ್ಲಾ ಸರ್ಕಾರಿ ಆಸ್ಪತ್ರೆಗೆ ರವಾನಿಸಿದ್ದರು. ಈ ವಿಚಾರವಾಗಿ ತನಿಖೆ ನಡೆಸಿದಾಗ ಪ್ರಕರಣ ಬೆಳಕಿಗೆ ಬಂದಿದೆ.
ಶವ ಪತ್ತೆಯಾದ ಆಧಾಂ ನಗರ್ನ ಸಿಸಿಟಿವಿ ದೃಶ್ಯಗಳನ್ನು ಪೊಲೀಸರು ತನಿಖೆ ವೇಳೆ ಪರಿಶೀಲನೆ ನಡೆಸಿದ್ದು, ಈ ವೇಳೆ, ಓರ್ವ ಆಟೋ ಚಾಲಕನನ್ನು ವಶಕ್ಕೆ ಪಡೆದು, ವಿಚಾರಣೆ ನಡೆಸಿದ್ದಾರೆ. ಮೃತದೇಹವನ್ನು ಸುಬ್ಬಮ್ಮಳ್ (90) ಎಂದು ಗುರುತಿಸಲಾಗಿದ್ದು, ಆಕೆಯ ಮೊಮ್ಮಗಳಾದ ಮರಿಯಮ್ಮಾಳ್ ಮತ್ತು ಮೇರಿ ಎಂಬ ಇಬ್ಬರು ಮೊಮ್ಮಕ್ಕಳು ಸುಬ್ಬಮ್ಮಾಳ್ ಅವರನ್ನು ನೋಡಿಕೊಳ್ಳುತ್ತಿದ್ದರು ಎಂದು ತಿಳಿದು ಬಂದಿದೆ.
ಸಾಕಲು ಸಾಧ್ಯವಿಲ್ಲ ಎಂದು ಅಜ್ಜಿಯನ್ನೇ ಬೆಂಕಿ ಹಚ್ಚಿ ಕೊಂದ ಮೊಮ್ಮಕ್ಕಳು