ವಿಡಿಯೋ: ಮಣ್ಣಿನ ಕುಂಡದಲ್ಲಿ ನೂರಾರು ಹಾವುಗಳು ಪತ್ತೆ!

ಮನೆಯಲ್ಲಿದ್ದ ಮಣ್ಣಿನ ಕುಂಡದಲ್ಲಿ ಸುಮಾರು ನೂರಕ್ಕೂ ಹೆಚ್ಚು ನಾಗರ ಹಾವಿನ ಮರಿಗಳು ಪತ್ತೆಯಾಗಿರುವ ಘಟನೆ ಉತ್ತರ ಪ್ರದೇಶದಲ್ಲಿ ನಡೆದಿದೆ.

ಅಂಬೇಡ್ಕರ್ ನಗರ(ಯುಪಿ):ಇಲ್ಲಿನಮನೆಯೊಂದರ ಮಣ್ಣಿನ ಮಡಕೆಯಲ್ಲಿ ನೂರಕ್ಕೂ ಹೆಚ್ಚು ಹಾವುಗಳು ಕಂಡುಬಂದಿವೆ. ಇವು ನಾಗರಹಾವಿನ ಜಾತಿಗೆ ಸೇರಿದವು ಎಂದು ಹೇಳಲಾಗುತ್ತಿದೆ.

ಜಿಲ್ಲೆಯ ಆಲಾಪುರ್ ತಾಲೂಕಿನ ಮದುವಾನ ಗ್ರಾಮದ ಮನೆಯಲ್ಲಿ ಹಳೆಯ ಮಣ್ಣಿನ ಕುಂಡವೊಂದರಲ್ಲಿ ವಿಷಕಾರಿ ಹಾವಿನ ಮರಿಗಳ ಹಿಂಡೇ ಕಾಣಿಸಿಕೊಂಡಿವೆ. ಈ ಹಾವಿನ ಮರಿಗಳನ್ನು ವೀಕ್ಷಿಸಲು ಗ್ರಾಮದ ಜನರು ಅಪಾರ ಸಂಖ್ಯೆಯಲ್ಲಿ ಬೀಡುಬಿಟ್ಟಿದ್ದರು.

ಇದನ್ನೂ ಓದಿ:ನೋಡಿ: ಕೋಳಿ ಸಮೇತ 8 ಮೊಟ್ಟೆ ನುಂಗಿ, ಹೊರಹಾಕಿದ ನಾಗರಹಾವು!

ಕೆಲವರು ಇದನ್ನು ಪ್ರಕೃತಿಯ ವಿಕೋಪ ಎಂದು ಕರೆದರೆ, ಇನ್ನೂ ಕೆಲವರು ಸರ್ಪದೋಷ ಎನ್ನುತ್ತಿದ್ದಾರೆ. ಗ್ರಾಮದ ನಿವಾಸಿ ಅನಿಲ್‌ಕುಮಾರ್‌ ಮಾತನಾಡಿ, 'ಹಾವಿನ ಹಾವಳಿಯಿಂದ ಇಡೀ ಗ್ರಾಮದಲ್ಲಿ ಆತಂಕ ಸೃಷ್ಟಿಯಾಗಿದೆ. ಈ ಬಗ್ಗೆ ಅರಣ್ಯ ಇಲಾಖೆಗೆ ಮಾಹಿತಿ ನೀಡಲಾಗಿದೆ' ಎಂದರು.