‘ಮಹಾ’ ಸರ್ಜರಿ: ಸಚಿನ್​ ವಾಜೆ ಸಹಪಾಠಿಗಳು ಸೇರಿ 86 ಪೊಲೀಸರು ಎತ್ತಂಗಡಿ!

ಮನ್ಸುಖ್​ ಹಿರೇನ್​ ಸಾವು ಪ್ರಕರಣದ ಪ್ರಮುಖ ಆರೋಪಿ ಸಚಿನ್​ ವಾಜೆ ಸಹಪಾಠಿಗಳು ಸೇರಿದಂತೆ ಮುಂಬೈಯಿಂದ 86 ಪೊಲೀಸರು ಸರ್ಕಾರ ವರ್ಗಾವಣೆ ಮಾಡಿದೆ.

ಮುಂಬೈ:ಮಹಾರಾಷ್ಟ್ರ ಸರ್ಕಾರ ಪೊಲೀಸ್ ಇಲಾಖೆಗೆ ಮೇಜರ್​ ಸರ್ಜರಿ ನಡೆಸಿದ್ದು, 86 ಪೊಲೀಸರನ್ನು ವರ್ಗಾವಣೆ ಮಾಡಿದೆ.

ಮನ್ಸುಖ್​​ ಹಿರೇನ್​ ನಿಗೂಢ ಸಾವಿನ ಪ್ರಕರಣ ದಿನದಿಂದ ದಿನಕ್ಕೆ ರೋಚಕತೆ ಪಡೆಯುತ್ತಿದೆ. ಈಗ ಮಹಾರಾಷ್ಟ್ರ ಸರ್ಕಾರ ಮನ್ಸುಖ್​ ಹಿರೇನ್​ ಹತ್ಯಾಕಾಂಡದ ವಿಚಾರಣೆದಾರರನ್ನು ಸೇರಿ ಮುಂಬೈ ಮಹಾನಗರ ಪೊಲೀಸ್​ ಇಲಾಖೆಯಿಂದ 86 ಪೊಲೀಸರನ್ನು ವರ್ಗಾವಣೆ ಮಾಡಿದೆ.

ಓದಿ:ಅಂಬಾನಿ ಮನೆ ಬಳಿ ಸ್ಫೋಟಕ ಪತ್ತೆ ಪ್ರಕರಣ: ಸಂಜಯ್ ರಾವತ್​ ವಾಜೆ ರಕ್ಷಿಸುತ್ತಿರೋದು ಏಕೆ? : ಬಿಜೆಪಿ ಪ್ರಶ್ನೆ

ವರ್ಗಾವಣೆ ಮಾಡಿದ 86 ಪೊಲೀಸರಲ್ಲಿ ಕೆಲ ಪೊಲೀಸರನ್ನು ಎನ್​ಐಎ ವಿಚಾರಣೆ ನಡೆಸಿದೆ. ಅಪರಾಧ ಗುಪ್ತಚರ ಘಟಕದ ಅಧಿಕಾರಿ ವಾಜೆಯ ಸಹಚರ ಎಪಿಐ ರಿಯಾಜುದ್ದೀನ್ ಖಾಜಿಯನ್ನು ಸ್ಥಳೀಯ ಶಸ್ತ್ರಾಸ್ತ್ರ ಘಟಕಕ್ಕೆ ಕಳುಹಿಸಲಾಗಿದೆ ಎಂದು ನಗರದ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಮುಂಬೈ ಅಪರಾಧ ವಿಭಾಗದ 65 ಅಧಿಕಾರಿಗಳನ್ನು ವರ್ಗಾಯಿಸಲಾಗಿದೆ ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ.