ಪಂಜಾಬ್: ಲೂಧಿಯಾನದ ಕೃಷಿ ವಿವಿಯ ಹೊರಗೆ ಈ ರೀತಿ ಚಹಾ ಅಂಗಡಿಯಲ್ಲಿ ನಿಂತು ಚಹಾ ನೀಡುವ ಈ ಹಿರಿಯನ ಹಿಂದೆ ದಶಕದ ಹಿಂದಿನ ಕಥೆಯೇ ಇದೆ. ಈ ಇಬ್ಬರು ಸಹೋದರರಾದ ಸುರ್ಜಿತ್ ಸಿಂಗ್ ಹಾಗೂ ಸುಖದೇವ್ ಸಿಂಗ್ 60 ವರ್ಷದ ಹಿಂದೆ ಈ ಚಹಾ ಅಂಗಡಿ ತೆರೆದಿದ್ದರು. ಇದೀಗ 2ನೇ ತಲೆಮಾರಿನವರೆಗೂ ಇದೇ ಕಾಯಕ ಮುಂದುವರಿಸಿಕೊಂಡು ಬಂದಿದ್ದಾರೆ.
ಈ ವಿವಿಯಲ್ಲಿ ಅಧ್ಯಯನ ನಡೆಸಿದ್ದ ವಿದ್ಯಾರ್ಥಿಗಳು ವಿವಿಗೆ ಭೇಟಿ ನೀಡಿದ ವೇಳೆ ಇಂದಿಗೂ ಈ ಟೀ ಅಂಗಡಿಗೆ ಬರುತ್ತಾರಂತೆ. ಚಹಾ ಮತ್ತು ತಿಂಡಿಯ ಸಿಹಿ ಸವಿದು ಬಳಿಕವಷ್ಟೇ ಇಲ್ಲಿಂದ ತೆರಳುತ್ತಾರೆ.
ಕೋವಿಡ್ ಕಾಲದಲ್ಲಿ ವಿವಿ ಬಂದ್ ಮಾಡಲಾಗಿತ್ತು. ಈ ವೇಳೆ ಸುರ್ಜಿತ್ ಸಿಂಗ್ ಬಹಳಷ್ಟು ತೊಂದರೆಗೆ ಒಳಗಾಗಿದ್ದರು. ಟೀ ಅಂಗಡಿ ನಂಬಿಕೊಂಡಿದ್ದ ಅವರಿಗೆ ದಿಕ್ಕು ತೋಚದಂತಾಗಿತ್ತು.
ವಿಶೇಷ ಅಂದರೆ ಈ ಟೀ ಅಂಗಡಿಯನ್ನ 60 ವರ್ಷದಿಂದಲೂ ಸಹೋದರರಿಬ್ಬರೂ ನಡೆಸಿಕೊಂಡು ಬಂದಿದ್ದಾರೆ.
ಇವರ ಅವಿಭಕ್ತ ಕುಟುಂಬದಲ್ಲೀಗ 20 ಮಂದಿ ಸದಸ್ಯರಿದ್ದಾರೆ. ಇತ್ತೀಚಿಗೆ ಮರೆಯಾಗುತ್ತಿರುವ ಅವಿಭಕ್ತ ಕುಟುಂಬಗಳ ನಡುವೆ ಇವರ ಕೂಡು ಕುಟುಂಬ ಇತರರಿಗೂ ಮಾದರಿಯಾಗಿದೆ. ಈ ಸಹೋದರರನ್ನು ಗುರು ಅಂಗದ್ ದೇವ್ ಪಶುವೈದ್ಯಕೀಯ ಮತ್ತು ಪ್ರಾಣಿ ವಿಜ್ಞಾನ ವಿಶ್ವವಿದ್ಯಾಲಯವು ಗೌರವಿಸಿದೆ. ಸುಮಾರು 80 ವರ್ಷದವರಾದ ಇವರು ಈಗಲೂ ಒಟ್ಟಿಗೆ ಬದುಕುವ ಸಂದೇಶ ಸಾರುತ್ತಾರೆ. ಸುತ್ತಲೂ ಇವರ ಈ ಕಾರ್ಯ ಮೆಚ್ಚುಗೆ ಗಳಿಸಿರುವ ಜೊತೆಗೆ ಕೂಡು ಕುಟುಂಬದ ಜೀವನ ಸಂತೋಷಕ್ಕೆ ದಾರಿ ಎಂಬುದನ್ನ ಸಾಕಾರಗೊಳಿಸಿದ್ದಾರೆ.
