ಫ್ರಾನ್ಸ್​ನಿಂದ ಭಾರತಕ್ಕೆ ಬಂದಿಳಿದ 5ನೇ ಬ್ಯಾಚ್​ನ ರಫೇಲ್ ಫೈಟರ್ ಜೆಟ್​

ಫ್ರಾನ್ಸ್‌ನ ಮೆರಿಗ್ನಾಕ್ ಏರ್​ ಬೇಸ್​ನಿಂದ ಆಗಮಿಸಿದ ರಫೇಲ್ ಫೈಟರ್ ಜೆಟ್​ಗಳು ಭಾರತವನ್ನು ತಲುಪಿದೆ.

ನವದೆಹಲಿ : ಫ್ರಾನ್ಸ್‌ನ ಮಿಲಿಟರಿ ಏರ್‌ಬೇಸ್‌ನಿಂದ ಹೊರಟಿದ್ದ ಐದನೇ ಬ್ಯಾಚ್‌ನ ಅತ್ಯಾಧುನಿಕ ರಫೇಲ್ ಫೈಟರ್ ಜೆಟ್‌ಗಳು ಭಾರತಕ್ಕೆ ಬಂದು ತಲುಪಿವೆ.

ಐದು ದಿನಗಳ ಅಧಿಕೃತ ಫ್ರಾನ್ಸ್ ಪ್ರವಾಸದಲ್ಲಿರುವ ಭಾರತೀಯ ಏರ್ ಚೀಫ್ ಮಾರ್ಷಲ್ ಆರ್​ಕೆಎಸ್​ ಭದೌರಿಯಾ ಫ್ರಾನ್ಸ್​ನ ಮೆರಿಗ್ನಾಕ್ ಏರ್​ ಬೇಸ್​ನಲ್ಲಿ ರಫೇಲ್ ಫೈಟರ್​ ಜೆಟ್​ಗಳ ಹಾರಾಟಕ್ಕೆ ಚಾಲನೆ ನೀಡಿದ್ದರು. ಆ ಬಳಿಕ ಸುಮಾರು 8 ಸಾವಿರ ಕಿ.ಮೀ ದೂರವನ್ನು ಕ್ರಮಿಸಿ ಯುದ್ಧ ವಿಮಾನಗಳು ಭಾರತವನ್ನು ತಲುಪಿವೆ.

ಫ್ರಾನ್ಸ್​ನಿಂದ ಭಾರತಕ್ಕೆ ಬರುವ ಮಧ್ಯೆ ಫ್ರಾನ್ಸ್ ಮತ್ತು ಯುಎಇ ವಾಯುಸೇನೆಗಳು ಫೈಟರ್​ ಜೆಟ್​ಗಳಿಗೆ ಇಂಧನ ಪೂರೈಕೆ ಮಾಡಿವೆ.