ತೆಲಂಗಾಣದ ಆಸ್ಪತ್ರೆಯಿಂದ ಕೋವಿಶೀಲ್ಡ್ ಲಸಿಕೆಯ 50 ಬಾಟಲಿಗಳು ಮಂಗಮಾಯ

ತೆಲಂಗಾಣದ ಏರಿಯಾ ಆಸ್ಪತ್ರೆಯಿಂದ ಕೋವಿಶೀಲ್ಡ್ ಲಸಿಕೆಯ 50 ಬಾಟಲಿಗಳು ಕಾಣೆಯಾಗಿದ್ದು, ಈ ಸಂಬಂಧ ತನಿಖೆಗೆ ಆದೇಶಿಲಾಗಿದೆ.

ರಂಗಾರೆಡ್ಡಿ:ತೆಲಂಗಾಣದ ರಂಗಾರೆಡ್ಡಿ ಜಿಲ್ಲೆಯ ಕೊಂಡಾಪುರದಲ್ಲಿರುವ ಏರಿಯಾ ಆಸ್ಪತ್ರೆಯಿಂದ ಕೋವಿಶೀಲ್ಡ್ ಲಸಿಕೆಯ 50 ಬಾಟಲಿಗಳು ಕಾಣೆಯಾಗಿವೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ವೈದ್ಯಕೀಯ ಆರೋಗ್ಯಾಧಿಕಾರಿ ನಿರ್ದೇಶಕಿ ಸ್ವರಾಜ್ಯ ಲಕ್ಷ್ಮಿ, ಲಸಿಕೆಯ ವಯಲ್ಸ್​ಗಳು ಕಾಣೆಯಾಗಿರುವುದು ಗುರುವಾರ ತಿಳಿದು ಬಂದಿದೆ. ಅಂದಿನಿಂದಲೂ ಹುಡುಕಲಾಗುತ್ತಿದೆ. ಈ ಬಗ್ಗೆ ಪೊಲೀಸರಿಗೆ ದೂರು ನೀಡಲಾಗಿದ್ದು, ತನಿಖೆ ನಡೆಸಲು ಆದೇಶಿಸಲಾಗಿದೆ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ:ಕೊರೊನಾ ಸೋಂಕು ತಾವೇ ಪರೀಕ್ಷೆ ಮಾಡಿಕೊಳ್ಳಬಹುದು, ಕೇವಲ ರೂ.250 ಮಾತ್ರ!

ಲಸಿಕೆ ಕೊರತೆಯಿಂದಾಗಿ ತೆಲಂಗಾಣದಲ್ಲಿ ಕಳೆದ ಒಂದು ವಾರದಿಂದ ವ್ಯಾಕ್ಸಿನೇಷನ್ ಡ್ರೈವ್ ಸ್ಥಗಿತಗೊಳಿಸಲಾಗಿದೆ. ಉನ್ನತ ಮೂಲಗಳ ಪ್ರಕಾರ ಈವರೆಗೆ 18-44 ವರ್ಷದ 652 ಮಂದಿಗೆ ಮಾತ್ರ ಕೋವಿಡ್​ ಲಸಿಕೆಯ ಮೊದಲ ಡೋಸ್​ ನೀಡಲಾಗಿದೆ.