ಇಬ್ಬರು ಮಕ್ಕಳು, ಟ್ಯೂಷನ್​ ಟೀಚರ್ ಸೇರಿ ನಾಲ್ವರ ಭೀಕರ ಹತ್ಯೆ!

ಒಂದೇ ಕುಟುಂಬದ ಮೂವರು ಸೇರಿ ನಾಲ್ವರ ಕೊಲೆ ಮಾಡಿರುವ ಘಟನೆ ಜಾರ್ಖಂಡ್​ನಲ್ಲಿ ನಡೆದಿದ್ದು, ಪ್ರಕರಣ ಇದೀಗ ಬೆಳಕಿಗೆ ಬಂದಿದೆ.

ಜಮ್ಶೆಡ್‌ಪುರ( ಜಾರ್ಖಂಡ್​):ಜಾರ್ಖಂಡ್​ನ ಜಮ್ಶೆಡ್‌ಪುರದಲ್ಲಿ ಇಬ್ಬರು ಮಕ್ಕಳು,ಟ್ಯೂಷನ್​ ಟೀಚರ್​ ಸೇರಿ ನಾಲ್ವರ ಹತ್ಯೆ ಮಾಡಲಾಗಿದ್ದು, ಇವರ ಮೃತದೇಹ ಇದೀಗ ಪತ್ತೆಯಾಗಿವೆ.

ಘಟನೆ ನಡೆದ ಬಳಿಕ ಸಾವನ್ನಪ್ಪಿರುವ ಮಹಿಳೆ ಗಂಡ ಪರಾರಿಯಾಗಿದ್ದಾನೆ ಎನ್ನಲಾಗಿದೆ. ಕಡ್ಮಾ ಪೊಲೀಸ್​ ಠಾಣೆ ಪ್ರದೇಶದಲ್ಲಿ ಈ ಘಟನೆ ನಡೆದಿದ್ದು, ಟಾಟಾ ಸ್ಟೀಲ್​ನ ಅಗ್ನಿಶಾಮಕ ವಿಭಾಗದ ಉದ್ಯೋಗಿ ದೀಪ್​ ಕುಮಾರ್​ ಅವರ ಪತ್ನಿ, ಇಬ್ಬರು ಮಕ್ಕಳು ಹಾಗೂ ಮಕ್ಕಳಿಗೆ ಟ್ಯೂಷನ್​ ಹೇಳ್ತಿದ್ದ ಶಿಕ್ಷಕಿ ಶವ ಪತ್ತೆಯಾಗಿದೆ.

ಮನೆಯಿಂದ ರಕ್ತ ಹೊರ ಬಂದಿರುವುದನ್ನ ನೋಡಿ ಪಕ್ಕದ ನಿವಾಸಿಗಳು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಘಟನಾ ಸ್ಥಳಕ್ಕೆ ಭೇಟಿ ನೀಡಿರುವ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.