ಮದುವೆ ಮನೆಯಿಂದ 350 ಗ್ರಾಂ ಚಿನ್ನಾಭರಣ ಕದ್ದು ಖದೀಮರು ಪರಾರಿ

ನಿಜಾಮಬಾದ್ ಜಿಲ್ಲೆಯ ಡಿಚ್‌ ಪಲ್ಲಿ ಮಂಡಲ್​ ಎಂಬಲ್ಲಿ ನಡೆದ ಮದುವೆ ಸಮಾರಂಭದ ವೇಳೆ ಈ ಪ್ರಕರಣ ಬೆಳಕಿಗೆ ಬಂದಿದೆ.

ತೆಲಂಗಾಣ: ಮದುವೆ ಮನೆಯೊಂದರಲ್ಲಿ ಖದೀಮರು ತಮ್ಮ ಕೈಚಳಕ ತೋರಿದ್ದು, 350 ಗ್ರಾಂ ತೂಕದ ಚಿನ್ನಾಭರಣ ಕಳ್ಳತನ ಮಾಡಿ ಪರಾರಿಯಾಗಿದ್ದಾರೆ.

ನಿಜಾಮಬಾದ್ ಜಿಲ್ಲೆಯ ಡಿಚ್‌ ಪಲ್ಲಿ ಮಂಡಲ್​ ಎಂಬಲ್ಲಿ ನಿನ್ನೆ ನಡೆದ ಮದುವೆ ಸಮಾರಂಭದಲ್ಲಿ ವಧುವಿಗೆ ಸೇರಿದ 350 ಗ್ರಾಂ ಚಿನ್ನ ಕಳ್ಳತನವಾಗಿದೆ. ಮಹಾರಾಷ್ಟ್ರ ಮೂಲದ ವಧುವಿಗೆ ಸಿದ್ದಿಪೇಟೆ ವರನೊಂದಿಗೆ ವಿವಾಹ ನಿಶ್ಚಯವಾಗಿತ್ತು. ಮದುವೆ ಮುಗಿದ ನಂತರ ವಧುವಿನ ಆಭರಣಗಳನ್ನು ಬ್ಯಾಗ್​ನಲ್ಲಿ ಇಡಲಾಗಿದೆ. ಆದರೆ ವಿವಾಹಕ್ಕೆ ಬಂದ ಇಬ್ಬರು ಯುವಕರು ಆಭರಣದ ಬ್ಯಾಗ್​ನೊಂದಿಗೆ ಎಸ್ಕೇಪ್ ಆಗಿದ್ದಾರೆ ಎಂಬ ಮಾಹಿತಿ ದೊರೆತಿದೆ.

ಈ ಕುರಿತು ವರನ ಕುಟುಂಬಸ್ಥರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಸಿಸಿಟಿವಿ ದೃಶ್ಯಾವಳಿ ಆಧರಿಸಿ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.