ಕೋವಿಡ್-19 ವೈಯಕ್ತಿಕ ಹಾಗೂ ವೃತ್ತಿಪರ ಜೀವನದಲ್ಲಿ ಹಲವಾರು ಬದಲಾವಣೆಗಳಿಗೆ ಕಾರಣವಾಗಿದೆ. ವರ್ಕ್ ಫ್ರಮ್ ಹೋಮ್ (WFH) ಮಾತ್ರ ಅನೇಕ ಕಂಪನಿಗಳು ಮತ್ತು ಸಂಸ್ಥೆಗಳಲ್ಲಿ ಕೆಲಸವನ್ನು ಮುಂದುವರಿಸುವ ಏಕೈಕ ಆಯ್ಕೆಯಾಗಿದ್ದು, ಹಲವರು ಇಂದಿಗೂ ಮನೆಯಿಂದಲೇ ಕಾರ್ಯನಿರ್ವಹಿಸುತ್ತಿದ್ದಾರೆ.
ಒಂದು ವರ್ಷಕ್ಕಿಂತ ಹೆಚ್ಚು ಕಾಲ ಮನೆಯಿಂದ ಕೆಲಸ ಮಾಡಿದ ನಂತರವೂ, ವೈರಸ್ ಅನ್ನು ಸಂಪೂರ್ಣವಾಗಿ ನಿರ್ಮೂಲನೆ ಮಾಡಲಾಗಿಲ್ಲ. ಕೊರೊನಾ ಸಾಂಕ್ರಾಮಿಕ ರೋಗದ ಮತ್ತೊಂದು ಅಲೆಯ ಭಯದ ನಡುವೆ, ಅನೇಕ ಕಂಪನಿಗಳು ತಮ್ಮ ವರ್ಕ್ ಫ್ರಮ್ ಹೋಮ್ ನೀತಿ ವಿಸ್ತರಿಸಿವೆ.
ದಿನವಿಡೀ ಕುಟುಂಬಕ್ಕೆ ಹತ್ತಿರವಾಗಿ ಮನೆಯಲ್ಲಿಯೇ ಇರುವುದು ಮತ್ತು ಅನೇಕ ಊಟಗಳನ್ನು ತಿನ್ನುವುದು ಆರಾಮದಾಯಕ ಎನಿಸಬಹುದು. ಆದರೆ, ಈ ಜಡ ಜೀವನಶೈಲಿಯು ಮಾರಕ ಸಂಯೋಜನೆಯಾಗಿದೆ. ಇದು ಜೀರ್ಣ ಕ್ರಿಯೆಯ ಸಮಸ್ಯೆಗಳು, ಮಧುಮೇಹ ಮತ್ತು ತೂಕ ಹೆಚ್ಚಳಕ್ಕೆ ಕಾರಣವಾಗಬಹುದು. ಹಾಗಾದರೆ ನೀವು ತಿನ್ನಬೇಕಾದ ಪದಾರ್ಥಗಳು ಯಾವುವು? ಭಾರತದ ಸೆಲೆಬ್ರಿಟಿ ನ್ಯೂಟ್ರಿಷನಿಸ್ಟ್, ರುಜುತಾ ದಿವೆಕರ್ ನೀವು ಈ ಬಗ್ಗೆ ಸೂಕ್ತ ಸಲಹೆ ನೀಡಿದ್ದಾರೆ.
ಹಣ್ಣುಗಳು: ನಿಮ್ಮ ಆಹಾರದಲ್ಲಿ ತಾಜಾ ಹಣ್ಣುಗಳನ್ನು ಸೇರಿಸಿ. ಕಾಲೋಚಿತ, ನಿಮ್ಮ ಪ್ರದೇಶದಲ್ಲಿ ಬೆಳೆಯುವ ಮತ್ತು ಸ್ಥಳೀಯ ಹಣ್ಣನ್ನು ಆರಿಸಿ (ರಫ್ತು ಮಾಡಿದ ಹಣ್ಣುಗಳು ಬೇಡ). ಹಣ್ಣುಗಳು ಪ್ರಿಬಯಾಟಿಕ್‌ಗಳನ್ನು ನೀಡುತ್ತವೆ. ಇದು ಬ್ಯಾಕ್ಟೀರಿಯಾಗಳಿಗೆ ಆಹಾರವಾಗಿದೆ. ಇದು ಜೀರ್ಣಕ್ರಿಯೆಯನ್ನು ಸರಾಗಗೊಳಿಸುವ ಫೈಬರ್ ಮತ್ತು ಆಂಟಿ ಆಕ್ಸಿಡೆಂಟ್‌ಗಳನ್ನು ಒಳಗೊಂಡಿರುತ್ತದೆ. ಇದು ನಮ್ಮ ದೇಹವು ಸ್ವತಂತ್ರ ರಾಡಿಕಲ್ ಹಾನಿಯ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.
ಹುರಿದ ಚನಾ:ನಿಮ್ಮ ದೈನಂದಿನ ಆಹಾರದಲ್ಲಿ ಬೆರಳೆಣಿಕೆಯಷ್ಟು ಬೀಜಗಳನ್ನು ಸೇರಿಸಲು ರುಜುತಾ ದಿವಾಕರ್ ಶಿಫಾರಸು ಮಾಡುತ್ತಾರೆ. ದೀರ್ಘಕಾಲ ಕುಳಿತುಕೊಳ್ಳುವುದು ಮತ್ತು ತಿರುಗಾಡದಿರುವುದು ನಮ್ಮ ಮೂಳೆಯ ಖನಿಜ ಸಾಂದ್ರತೆಯ ಮೇಲೆ ಪರಿಣಾಮ ಬೀರುತ್ತದೆ. ಅಲ್ಲದೇ, ಮೂಳೆಯ ಖನಿಜ ಸಾಂದ್ರತೆಯ ನಷ್ಟವು ಋತುಚಕ್ರದ ಮೇಲೆ ಋಣಾತ್ಮಕ ಪ್ರಭಾವವನ್ನು ಸೃಷ್ಟಿಸುತ್ತದೆ.
ಬದಲಾದ ಅವಧಿ ಮಾದರಿಗಳು, ಅಧಿಕ ರಕ್ತಸ್ರಾವ ಮತ್ತು PMS ಸಮಯದಲ್ಲಿ ತೊಂದರೆ ಕಾಣಸಿಗಬಹುದು. ಆದ್ದರಿಂದ, ನೀವು ಹುರಿದ ಚನಾವನ್ನು ಸೇವಿಸಬಹುದು. ಇದು ಖನಿಜಗಳು, ಅಮೈನೋ ಆಸಿಡ್ಗಳು ಮತ್ತು ಫೈಬರ್ ಅನ್ನು ಒದಗಿಸುತ್ತದೆ. ಹುರಿದ ಚನಾ ಮೂಳೆಯ ಖನಿಜ ಸಾಂದ್ರತೆಯನ್ನು ಉಳಿಸಿಕೊಳ್ಳಲು ಸಹಾಯ ಮಾಡುತ್ತದೆ.
ತುಪ್ಪ: ತುಪ್ಪದಲ್ಲಿ ಶಾರ್ಟ್-ಚೈನ್ ಕೊಬ್ಬಿನಾಮ್ಲಗಳಿವೆ. ಇದು ಜೀರ್ಣಕ್ರಿಯೆಯನ್ನು ಸುಗಮಗೊಳಿಸುವುದಲ್ಲದೇ, ಸೊಂಟ ಮತ್ತು ತೊಡೆಯ ಸುತ್ತ ಬರುವ ಕೊಬ್ಬನ್ನು ಕಳೆದುಕೊಳ್ಳಲು ಸಹಾಯ ಮಾಡುತ್ತದೆ. ಆದ್ದರಿಂದ, ನಿಮ್ಮ ಉಪಹಾರ, ಊಟ ಮತ್ತು ಭೋಜನದೊಂದಿಗೆ ನೀವು ಒಂದು ಟೀ ಚಮಚದಷ್ಟು ತುಪ್ಪವನ್ನು ಸೇರಿಸಬಹುದು. ಅಲ್ಲದೇ, ದೀರ್ಘಾವಧಿಯವರೆಗೆ ಸ್ಕ್ರೀನ್ ನೋಡುವುದರಿಂದ WFH ಸಮಯದಲ್ಲಿ ಉಂಟಾಗುವ ಕಣ್ಣಿನ ಆಯಾಸವನ್ನು ಕಡಿಮೆ ಮಾಡಲು ತುಪ್ಪವು ಸಹಾಯ ಮಾಡುತ್ತದೆ.
ಆದ್ದರಿಂದ, ಜಾಗರೂಕತೆಯಿಂದ ತಿನ್ನುವುದು ಮತ್ತು ದೈಹಿಕ ಚಟುವಟಿಕೆಗಳಲ್ಲಿ ಹೆಚ್ಚು ತೊಡಗಿಸಿಕೊಳ್ಳುವುದು ಮನೆಯಿಂದ ಕೆಲಸ ಮಾಡುವಾಗ ಫಿಟ್ ಆಗಿರಲು ಪ್ರಮುಖವಾಗಿದೆ. ದಿನವಿಡೀ ಸಮತೋಲಿತ ಆರೋಗ್ಯಕರ ಆಹಾರವನ್ನು ಸೇವಿಸಿ ಮತ್ತು ಆರೋಗ್ಯಕರ ತಿಂಡಿಯನ್ನೇ ತಿನ್ನವುದು ಉತ್ತಮ. ಚಹಾ/ಕಾಫಿಯನ್ನು ಕಡಿಮೆ ಮಾಡಿ ಮತ್ತು ಸರಿಯಾದ ತಾಲೀಮು ದಿನಚರಿಯನ್ನು ಅನುಸರಿಸಲು ಪ್ರಯತ್ನಿಸಿ.
