ಅಸ್ಸೋಂನಲ್ಲಿಂದು ಮತ್ತೆ ಭೂಕಂಪ... 3.9ರಷ್ಟು ತೀವ್ರತೆ ದಾಖಲು

ಇಂದು ಬೆಳಗ್ಗೆ 8.33ರ ವೇಳೆಗೆ ಅಸ್ಸೋಂನಲ್ಲಿ 3.9 ತೀವ್ರತೆಯ ಭೂಕಂಪ ಸಂಭವಿಸಿದ್ದು, ಯಾವುದೇ ಪ್ರಾಣಹಾನಿ ವರದಿಯಾಗಿಲ್ಲ.

ಸೋನಿತ್ಪುರ (ಅಸ್ಸೋಂ):ಕಳೆದ ತಿಂಗಳಷ್ಟೇ 15 ಬಾರಿ ಭೂಮಿ ಕಂಪಿಸಿದ್ದ ಅಸ್ಸೋಂನಲ್ಲಿ ಇಂದು ಮತ್ತೆ ಭೂಕಂಪ ಸಂಭವಿಸಿದ್ದು, ರಿಕ್ಟರ್​ ಮಾಪಕದಲ್ಲಿ 3.9ರಷ್ಟು ತೀವ್ರತೆ ದಾಖಲಾಗಿದೆ.

ಇಂದು ಬೆಳಗ್ಗೆ 8.33ರ ವೇಳೆಗೆ ಭೂಕಂಪ ಉಂಟಾಗಿದ್ದು, ಸೋನಿತ್ಪುರ ಜಿಲ್ಲೆಯಲ್ಲಿ ಭೂಕಂಪನದ ಕೇಂದ್ರ ಬಿಂದುವಿದೆ ಎಂದು ರಾಷ್ಟ್ರೀಯ ಭೂಕಂಪ ಶಾಸ್ತ್ರ ಕೇಂದ್ರ (ಎನ್​ಸಿಎಸ್​) ಮಾಹಿತಿ ನೀಡಿದೆ. ಘಟನೆಯಿಂದ ಯಾವುದೇ ಪ್ರಾಣಹಾನಿ ವರದಿಯಾಗಿಲ್ಲ ಹಾಗೂ ರಾಜ್ಯದಲ್ಲಿ ಯಾವುದೇ ಸುನಾಮಿ ಎಚ್ಚರಿಕೆ ನೀಡಲಾಗಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ: ತೀವ್ರ ಸ್ವರೂಪ ಪಡೆಯಲಿರುವ ಚಂಡಮಾರುತ.. ದೇವರನಾಡಲ್ಲಿ ತೌಕ್ತೆ ಆತಂಕ

ಅಸ್ಸೋಂನಲ್ಲಿ ಏಪ್ರಿಲ್​ 28 ಮತ್ತು 29ರಂದು 6.4ರಷ್ಟು ತೀವ್ರತೆಯ ಭೂಕಂಪ ಸೇರಿದಂತೆ ಎರಡೇ ದಿನದಲ್ಲಿ 15 ಬಾರಿ ಭೂಮಿ ಕಂಪಿಸಿತ್ತು. ಭಯಭೀತರಾದ ಜನರು ಮನೆಯಿಂದ ಹೊರಗೆ ಓಡಿ ಬಂದಿದ್ದರು.