24 ಗಂಟೆಯಲ್ಲಿ ದೆಹಲಿ ಆಸ್ಪತ್ರೆಯಲ್ಲಿ 25 ರೋಗಿಗಳು ಸಾವು.. ತಕ್ಷಣವೇ ತಲುಪಿದ ಆಕ್ಸಿಜನ್ ಟ್ಯಾಂಕರ್​​

09:51 April 23

25 ರೋಗಿಗಳು ಮೃತಪಟ್ಟಿದ್ದು, ತುರ್ತಾಗಿ ಆಕ್ಸಿಜನ್ ಬೇಕಿದೆ ಎಂದು ದೆಹಲಿಯ ಶ್ರೀಗಂಗಾ ರಾಮ್​ ಆಸ್ಪತ್ರೆಯ ನಿರ್ದೇಶಕರು ಹೇಳಿದ ಬೆನ್ನಲ್ಲೇ ಆಸ್ಪತ್ರೆಗೆ ಆಕ್ಸಿಜನ್ ಟ್ಯಾಂಕ್ ಅನ್ನು ಕಳುಹಿಸಿಕೊಡಲಾಗಿದೆ.

ನವದೆಹಲಿ: ಕೇವಲ 24 ಗಂಟೆಗಳಲ್ಲಿ ದೆಹಲಿಯ ಶ್ರೀಗಂಗಾ ರಾಮ್​ ಆಸ್ಪತ್ರೆಯಲ್ಲಿ 25 ರೋಗಿಗಳು ಸಾವನ್ನಪ್ಪಿರುವುದಾಗಿ ಆಸ್ಪತ್ರೆಯ ನಿರ್ದೇಶಕರು ತಿಳಿಸಿದ್ದಾರೆ.  

ಆಕ್ಸಿಜನ್​​ ಕೊರತೆಯೇ ಕಾರಣ ಎಂದು ಉಲ್ಲೇಖಿಸದ ಅವರು, ಮುಂದಿನ ಎರಡು ಗಂಟೆಗಳಲ್ಲಿ ಆಮ್ಲಜನಕ ಖಾಲಿಯಾಗಲಿದೆ. ವೆಂಟಿಲೇಟರ್​​ಗಳು ಸರಿಯಾಗಿ ಕಾರ್ಯ ನಿರ್ವಹಿಸುತ್ತಿಲ್ಲ. ಇನ್ನೂ 60 ರೋಗಿಗಳ ಜೀವ ಅಪಾಯದಲ್ಲಿದ್ದು, ತುರ್ತಾಗಿ ಆಕ್ಸಿಜನ್ ಬೇಕಿದೆ ಎಂದು ಹೇಳಿದ್ದರು.  

ಇದನ್ನೂ ಓದಿ: ಭಾರತದಲ್ಲಿ ಕೊರೊನಾರ್ಭಟ: ಒಂದೇ ದಿನ 2,263 ಮಂದಿ ಬಲಿ.. 3,32,730 ಜನರಿಗೆ ಸೋಂಕು

ಇವರು ಹೇಳಿಕೆ ನೀಡಿದ ಕೆಲವೇ ಹೊತ್ತಿನಲ್ಲಿ ಶ್ರೀಗಂಗಾ ರಾಮ್​ ಆಸ್ಪತ್ರೆಗೆ ಆಕ್ಸಿಜನ್ ಟ್ಯಾಂಕರ್​​ ಅನ್ನು ಕಳುಹಿಸಿಕೊಡಲಾಗಿದೆ.