ಮಲಪ್ಪುರಂ(ಕೇರಳ):ಕೇರಳದ ಒಟ್ಟಪಾಲಂನ 22 ವರ್ಷದ ಯುವತಿ ಐಪಿ ಅರುಣಿಮಾ ಎಂಬುವವರು 22 ವಿದೇಶಗಳಿಗೆ ಸೈಕಲ್ ಪ್ರವಾಸವನ್ನು ಆರಂಭಿಸಿದ್ದಾರೆ. ರಾಜ್ಯದ ಕ್ರೀಡಾ ಸಚಿವ ವಿ ಅಬ್ದುರಹಿಮಾನ್ ಮಲಪ್ಪುರಂನಲ್ಲಿ ಸುದೀರ್ಘ ಸಾಹಸ ಪ್ರಯಾಣಕ್ಕೆ ಹಸಿರು ನಿಶಾನೆ ತೋರಿಸಿದರು.
ಪ್ರವಾಸಿ ಪ್ರಿಯೆಯಾದ ಅರುಣಿಮಾ ಅವರು, ಸಾಹಸ ಪ್ರಯಾಣದ ಆರಂಭದಲ್ಲಿ ಮೊದಲು ಮುಂಬೈಗೆ ತಲುಪಲಿದ್ದು, ಬಳಿಕ ಅಲ್ಲಿಂದ ಅವರು ವಿದೇಶಗಳಿಗೆ ಸೈಕಲ್ನಲ್ಲಿ ಪ್ರಯಾಣ ಬೆಳೆಸಲಿದ್ದಾರೆ. ಸಾಹಸಿ ಅರುಣಿಮಾ ಸುಮಾರು 25 ಸಾವಿರ ಕಿಲೋಮೀಟರ್‌ ಪ್ರಯಾಣ ಮಾಡಲಿದ್ದು, ಈ ವೇಳೆ ಅವರು ಗಲ್ಫ್ ಮತ್ತು ಆಫ್ರಿಕನ್ ರಾಷ್ಟ್ರಗಳಿಗೆ ಪ್ರವಾಸ ಮಾಡಲಿದ್ದಾರೆ.
2 ವರ್ಷಗಳ ಸುದೀರ್ಘ ಪ್ರಯಾಣ:ಸೈಕಲ್ ಹತ್ತಿ ವಿಶ್ವಪರ್ಯಟನೆ ಶುರು ಮಾಡಿರುವ ಅರುಣಿಮಾ ಅವರ ಪ್ರಯಾಣದ ಅವಧಿ 2 ವರ್ಷಗಳು ಹಿಡಿಯಲಿವೆ ಎಂದು ಅಂದಾಜಿಸಲಾಗಿದೆ. ಅರುಣಿಮಾ ಭೇಟಿ ನೀಡುವ ಕೆಲವು ದೇಶಗಳಿಗೆ ವೀಸಾ ಸಿಗುವುದು ಕಷ್ಟಕರವಾಗಿದ್ದರೂ, ವಿದೇಶಿ ಪ್ರವಾಸಿಯಾಗಿ ಅವಕಾಶ ಸಿಗುವ ನಿರೀಕ್ಷೆಯಲ್ಲಿದ್ದಾರೆ.
ಅರುಣಿಮಾ ಅವರು ಸಾಹಸ ಪ್ರಯಾಣವನ್ನು ಇಷ್ಟಪಡುವ ಕಾರಣ ಪೋಷಕರು ಸಂಪೂರ್ಣ ಬೆಂಬಲ ನೀಡಿದ್ದಾರೆ. ಆಕೆಯ ಈ ಸಾಹಸಗಾಥೆ ಇತರ ಯುವತಿಯರಿಗೆ ಸ್ಫೂರ್ತಿ ಸಿಗಲಿ ಎಂದು ಅವರು ಹೇಳುತ್ತಾರೆ. ಅರುಣಿಮಾ ಈವರೆಗೂ 5 ವಿದೇಶಗಳಿಗೆ ಮತ್ತು ಭಾರತದ ಎಲ್ಲಾ ರಾಜ್ಯಗಳಿಗೆ ಭೇಟಿ ನೀಡಿದ್ದಾರೆ.
ಓದಿ:ಮಧ್ಯಪ್ರದೇಶದ ಯುವಕನ ಮುಖ ಸೇರಿ ದೇಹದ ತುಂಬೆಲ್ಲ ದಟ್ಟವಾದ ಕೂದಲು.. ಕಾರಣ?
