ಬಂಗಾಳದ ಸರ್ಕಾರಿ ಸಮುದಾಯ ಭವನದಲ್ಲಿತ್ತು 200 ಬಾಂಬ್​​: ನಿಷ್ಕ್ರಿಯಗೊಳಿಸಿದ ಪೊಲೀಸರು

ಟಿಎಂಸಿಯ ಬೀರ್​ಭೂಮ್​ ಜಿಲ್ಲಾಧ್ಯಕ್ಷ ಅನುಬ್ರತಾ ಮೊಂಡಾಲ್ ಅವರ ಗ್ರಾಮವಾದ ನಾನೂರ್​ನಲ್ಲಿನ ಸಮುದಾಯ ಭವನದಲ್ಲಿ ಸುಮಾರು 200 ಬಾಂಬ್​​ಗಳು ಪತ್ತೆಯಾಗಿವೆ.

ಬೀರ್​ಭೂಮ್​ (ಪಶ್ಚಿಮ ಬಂಗಾಳ): ಬೀರ್​ಭೂಮ್ ಜಿಲ್ಲೆಯ ಸರ್ಕಾರಿ ಸಮುದಾಯ ಭವನದಲ್ಲಿ ಸುಮಾರು 200 ಬಾಂಬ್​​ಗಳು ಪತ್ತೆಯಾಗಿದ್ದು, ಪೊಲೀಸರು ಅವನ್ನು ನಿಷ್ಕ್ರಿಯಗೊಳಿಸಿದ್ದಾರೆ.

ಈ ಸಮುದಾಯ ಭವನವು ತೃಣಮೂಲ ಕಾಂಗ್ರೆಸ್​ (ಟಿಎಂಸಿ)ನ ಬೀರ್​ಭೂಮ್​ ಜಿಲ್ಲಾಧ್ಯಕ್ಷ ಅನುಬ್ರತಾ ಮೊಂಡಾಲ್ ಅವರ ಗ್ರಾಮವಾದ ನಾನೂರ್​ನಲ್ಲಿದೆ. ನಿಖರ ಮಾಹಿತಿ ಮೇರೆಗೆ ಶೋಧ ಕಾರ್ಯಾಚರಣೆ ನಡೆಸಿದ ಪೊಲೀಸರಿಗೆ ಅಲ್ಲಿ 200 ಬಾಂಬ್​​ಗಳು ಹಾಗೂ ಬಾಂಬ್​ ತಯಾರಕಾ ವಸ್ತುಗಳು ಪತ್ತೆಯಾಗಿವೆ.

ಇದನ್ನೂ ಓದಿ: ಬ್ಯಾಂಕ್ ಖಾತೆಗೆ ನಕಲಿ ಹಣ ಜಮಾ ಮಾಡಲು ಬಂದಿದ್ದ ಮಹಿಳೆ ಅರೆಸ್ಟ್​

ಪ್ರಕರಣ ಸಂಬಂಧ ಮೂವರನ್ನು ಬಂಧಿಸಿರುವ ಪೊಲೀಸರು, ಸಿಐಡಿ ಬಾಂಬ್​ ನಿಷ್ಕ್ರಿಯ ದಳದೊಂದಿಗೆ ಸೇರಿ ಗ್ರಾಮದ ಹೊರಗಿನ ಮೈದಾನದಲ್ಲಿ ಬಾಂಬ್‌ಗಳನ್ನು ನಿಷ್ಕ್ರಿಯಗೊಳಿಸಿದ್ದಾರೆ.

ಪಶ್ಚಿಮ ಬಂಗಾಳದಲ್ಲಿ ಇಂದು 4ನೇ ಹಂತದ ವಿಧಾನಸಭೆ ಚುನಾವಣೆ ನಡೆಯುತ್ತಿದ್ದು, 44 ಕ್ಷೇತ್ರಗಳಿಗೆ ಮತದಾನವಾಗುತ್ತಿದೆ.