ಚುರು (ರಾಜಸ್ಥಾನ): ಜಿಲ್ಲೆಯ ಮಣಪ್ಪುರಂ ಗೋಲ್ಡ್ ಶಾಖೆಯಲ್ಲಿ ನಾಲ್ವರು ದುಷ್ಕರ್ಮಿಗಳಿದ್ದ ತಂಡವೊಂದು ಕೇವಲ 12 ನಿಮಿಷಗಳಲ್ಲಿ 17 ಕೆಜಿ ಚಿನ್ನಾಭರಣ ಹಾಗೂ 9 ಲಕ್ಷ ರೂಪಾಯಿ ನಗದನ್ನು ದರೋಡೆ ಮಾಡಿದೆ. ಶಾಖೆಯ ಸಿಬ್ಬಂದಿಗೆ ಬೆದರಿಕೆ ಹಾಕಿ ಬಾತ್ರೂಂನೊಳಗೆ ಕೂಡಿ ಹಾಕಿ ಬಳಿಕ ಖದೀಮರು ಲೂಟಿ ಮಾಡಿದ್ದಾರೆ. ಲೂಟಿಯಾಗಿರುವ ಚಿನ್ನದ ಮೌಲ್ಯ ಅಂದಾಜು ಐದು ಕೋಟಿ ರೂಪಾಯಿಗೂ ಅಧಿಕ ಎಂದು ತಿಳಿದು ಬಂದಿದೆ.
ಮಾಹಿತಿ ತಿಳಿದ ಕೊಟ್ವಾಲಿ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ. ನೆರೆಹೊರೆಯ ಸಿಸಿಟಿವಿಗಳನ್ನು ಪರಿಶೀಲಿಸಿದಾಗ, ಎರಡು ಬೈಕ್ಗಳಲ್ಲಿ ಬಂದ ಗ್ಯಾಂಗ್ ಮಲಪ್ಪುರಂ ಗೋಲ್ಡ್ ಶಾಖೆಯನ್ನು ಲೂಟಿ ಮಾಡಿದೆ.