ಭೀಮ್ಲಾ ನಾಯಕ್​ ಸಿನಿಮಾ ಟಿಕೆಟ್​ ಖರೀದಿಗೆ 300 ರೂಪಾಯಿ ಕೊಡದ್ದಕ್ಕೆ ನೇಣು ಬಿಗಿದುಕೊಂಡ ಬಾಲಕ!!

ಬಾಗಿಲು ಒಳಗಡೆಯಿಂದ ಕೊಂಡಿ ಹಾಕಲಾಗಿತ್ತು. ಈ ವೇಳೆ ಬಾಗಿಲು ಮುರಿದು ಒಳ ಬಂದಾಗ ನವದೀಪ್​ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾನೆ. ಸಿನಿಮಾಗಾಗಿ 300 ರೂಪಾಯಿ ಕೊಡಲಿಲ್ಲ ಎಂಬ ಕಾರಣಕ್ಕಾಗಿ ಮಗ ಆತ್ಮಹತ್ಯೆ ಮಾಡಿಕೊಂಡಿದ್ದು, ಕುಟುಂಬಸ್ಥರಿಗೆ ಸಿಡಿಲು ಬಡಿದಂತಾಗಿದೆ..

ಹೈದರಾಬಾದ್ ​(ತೆಲಂಗಾಣ) :ಸಿನಿಮಾ ಟಿಕೆಟ್​ ಖರೀದಿಗೆ ತನ್ನ ತಂದೆ 300 ರೂಪಾಯಿ ನೀಡಲಿಲ್ಲ ಎಂಬ ಕಾರಣಕ್ಕಾಗಿ 13 ವರ್ಷದ ಬಾಲಕನೊಬ್ಬ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ತೆಲಂಗಾಣದ ಜಗ್ತಿಯಾಲ್​ನಲ್ಲಿ ಇಂದು ನಡೆದಿದೆ.

ತೆಲಂಗಾಣದ ಜಗ್ತಿಯಾಲ್​ನ ನವದೀಪ್​ (13) ಎಂಬಾತ ಮೃತ ದುರ್ದೈವಿ. 8ನೇ ತರಗತಿ ವ್ಯಾಸಂಗ ಮಾಡುತ್ತಿದ್ದ ನವದೀಪ್​ ಪವರ್​ಸ್ಟಾರ್​ ಪವನ್​ ಕಲ್ಯಾಣ್​ರ ಅಭಿಮಾನಿಯಾಗಿದ್ದಾನೆ. ಪವನ್​ ಕಲ್ಯಾಣ್​ರ ಭೀಮ್ಲಾ ನಾಯಕ್​ ಸಿನಿಮಾ ಇದೇ ತಿಂಗಳ 25ರಂದು ತೆರೆ ಕಾಣಲಿದೆ. ಇದಕ್ಕಾಗಿ ಸಿನಿಮಾದ ಟಿಕೆಟ್​ಗಳನ್ನು ಪ್ರೀ ಬುಕ್ಕಿಂಗ್​ ಮಾಡಲಾಗುತ್ತಿದೆ.

ನವದೀಪ್​, ಭೀಮ್ಲಾ ನಾಯಕ್​ ಸಿನಿಮಾ ವೀಕ್ಷಿಸಲು ಇಚ್ಚಿಸಿ ತಮ್ಮ ತಂದೆಯ ಬಳಿ 300 ರೂಪಾಯಿ ಹಣ ಕೇಳಿದ್ದಾನೆ. ಹಣ ಸದ್ಯಕ್ಕೆ ಕೊಡಲಾಗಲ್ಲ ಎಂದು ನವದೀಪ್​ ತಂದೆ ಹೇಳಿದ್ದಾರೆ.

ಇದರಿಂದ ಕುಪಿತಗೊಂಡ ನವದೀಪ್​ ತನ್ನ ಮನೆಯ ಕೋಣೆಯೊಂದರಲ್ಲಿ ಹೋಗಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಎಷ್ಟೊತ್ತಾದರೂ ಮಗ ಕೋಣೆಯಿಂದ ಹೊರ ಬಾರದೇ ಇದ್ದಾಗ ಪೋಷಕರು ಬಂದು ಕೋಣೆ ತೆರೆಯಲು ಯತ್ನಿಸಿದ್ದಾರೆ.

ಬಾಗಿಲು ಒಳಗಡೆಯಿಂದ ಕೊಂಡಿ ಹಾಕಲಾಗಿತ್ತು. ಈ ವೇಳೆ ಬಾಗಿಲು ಮುರಿದು ಒಳ ಬಂದಾಗ ನವದೀಪ್​ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾನೆ. ಸಿನಿಮಾಗಾಗಿ 300 ರೂಪಾಯಿ ಕೊಡಲಿಲ್ಲ ಎಂಬ ಕಾರಣಕ್ಕಾಗಿ ಮಗ ಆತ್ಮಹತ್ಯೆ ಮಾಡಿಕೊಂಡಿದ್ದು, ಕುಟುಂಬಸ್ಥರಿಗೆ ಸಿಡಿಲು ಬಡಿದಂತಾಗಿದೆ.

ಓದಿ:ಹುಲಿ ಚರ್ಮ ಮಾರಾಟಕ್ಕೆ ಯತ್ನ, ನಾಲ್ವರ ಬಂಧನ