ಕಣ್ಣೂರು: ಕೇರಳದ ಕಣ್ಣೂರಿನ 104 ವರ್ಷದ ವೃದ್ಧೆ ಜಾನಕಿಯಮ್ಮ ಮಾರಣಾಂತಿಕ ಕೋವಿಡ್-19 ಸೋಂಕಿನಿಂದ ಸಂಪೂರ್ಣವಾಗಿ ಚೇತರಿಸಿಕೊಂಡಿದ್ದು, ಪರಿಯಾರಂ ವೈದ್ಯಕೀಯ ಕಾಲೇಜು-ಆಸ್ಪತ್ರೆಯಿಂದನಿಂದ ನಿನ್ನೆ ಬಿಡುಗಡೆಯಾಗಿದ್ದಾರೆ. ಕೇವಲ 11 ದಿನಗಳಲ್ಲೇ ವೈರಸ್ನಿಂದ ಗುಣಮುಖರಾಗಿ ಇತರರಿಗೆ ಸ್ಫೂರ್ತಿಯಾಗಿದ್ದಾರೆ.
ಮೇ 31ರಂದು ತಾಲಿಪರಂಬಾದ ಕೋವಿಡ್ ಕೇರ್ ಕೇಂದ್ರದಿಂದ ಪರಿಯಾರಂ ವೈದ್ಯಕೀಯ ಕಾಲೇಜು-ಆಸ್ಪತ್ರೆಯ ಐಸಿಯು ವಾರ್ಡ್‌ಗೆ ಜಾನಕಿಯಮ್ಮರನ್ನು ಕರೆದೊಯ್ಯುವ ವೇಳೆ ಅವರ ಸ್ಥಿತಿ ಗಂಭೀರವಾಗಿತ್ತು. ಆದರೆ ಇದೀಗ ಮಹಾಮಾರಿ ವಿರುದ್ಧ ಜಾನಕಿಯಮ್ಮ ಗೆದ್ದಿದ್ದು, ಕೊರೊನಾವನ್ನು ಸೋಲಿಸಿದ ಕಣ್ಣೂರು ಜಿಲ್ಲೆಯ ಅತ್ಯಂತ ಹಿರಿಯ ವ್ಯಕ್ತಿ ಮತ್ತು ಕೇರಳದ ನಾಲ್ಕನೇಯ ಹಿರಿಯರು ಎಂಬ ಹೆಗ್ಗಳಿಕೆಗೆ ಇವರು ಪಾತ್ರರಾಗಿದ್ದಾರೆ.