अपणुं उत्तराखंडः दिनभरै खास खबर, एक नजर मा

उत्तराखंड विधानसभा का शीतकालीन सत्र की शुरुआत, सदन मा 4867 करोड़ रुपया कू अनुपूरक बजट ह्वाई पेश,राज्य मा ऑटोमेटेड टेस्टिंग स्टेशन स्थापित कना का विरोध मा तमाम वाहन यूनियनों कू आज राज्यव्यापी चक्काजाम, हल्द्वानी मा सफाई कर्मचारियों की हड़ताल पांचवों दिन भी जारी, डोईवाला कोतवाली क्षेत्र मा ह्वेई डकैती मामला मा पुलिस ना फरार एक लाख का इनामी बदमाश थै करि गिरफ्तार, हर्ष फायरिंग मामला मा पार्षद का खिलाफ मुकदमा दर्ज. उत्तराखंड की ईनी दिनभरै खास खबर, एक नजर मा

उत्तराखंड विधानसभा का शीतकालीन सत्र की शुरुआत:उत्तराखंड विधानसभा कू शीतकालीन सत्र की ह्वाई शुरुआत, वखि ये मौके पर कांग्रेसियों ने विधानसभा का भैर बिगड़ती कानून व्यवस्था थै लेकि करि प्रदर्शन, कांग्रेस विधायक तिलकराज बेहड़, भुवन कापड़ी, राजेंद्र भंडारी, मदन सिंह बिष्ट ना विधानसभा की सीढ़ियों पर बैठकि द्याई धरना. बिगड़दि कानून व्यवस्था थै लेकि सरकार पर साधी निशाना.

सदन मा 4867 करोड़ रुपया कू अनुपूरक बजट ह्वाई पेश:उत्तराखंड विधानसभा सत्र का पेला दिन सदन मा वित्त मंत्री प्रेमचंद अग्रवाल ना पेश करि 4867 करोड़ रुपये कू अनुपूरक बजट, वखि प्रदेश मा महिलाओं थै 30 प्रतिशत आरक्षण दिण वला बिल भी सदन मा किये गया पेश, वित्तमंत्री प्रेमचंद अग्रवाल ना सदन मा पेश करि महिला आरक्षण बिल.

वाहन यूनियनों कू राज्यव्यापी चक्काजाम: राज्य मा ऑटोमेटेड टेस्टिंग स्टेशन स्थापित कना का विरोध मा तमाम वाहन यूनियनों कू आज राज्यव्यापी चक्काजाम, देहरादून मा आज वाहन स्वामियों ना सड़कों पर उतरिकी करि प्रदर्शन, वखि यूनियन की हड़ताल से यात्रियों थै कन पड़ुनु च परेशानियों कू सामना. टूरिस्ट प्लेस मसूरी मा दिखी चक्का जाम कू असर.

हल्द्वानी मा सफाई कर्मचारियों की हड़ताल जारी:हल्द्वानी मा पांचवा दिन भी सफाई कर्मचारियों की हड़ताल जारी, वखि सफाईकर्मचारियों की मांग थै पार्षद ना बताई जायज, बोली- मेयर अपणि हठधर्मिता का चलदा सफाई कर्मचारियों की मांग नि मनणा कू तैयार, यन मा कर्मचारियों का समर्थन मा पार्षद ना हल्द्वानी मेयर की शवयात्रा निकालकर करि पिंडदान.

डोईवाला डकैती मामला मा फरारा आरोपी गिरफ्तार: डोईवाला कोतवाली क्षेत्र मा ह्वेई डकैती मामला मा पुलिस ना फरार एक लाख का इनामी बदमाश थै करि गिरफ्तार, बीती 15 अक्टूबर का दिन कैबिनेट मंत्री प्रेमचंद अग्रवाल का भाई का घौर ना बदमाशों ना डकैती थै दे छाई अंजाम, अभी भी ये मामला मा तीन आरोपी चना छिन फरार, एसएसएसपी दलीप सिंह कुंवर ना करि ये मामला कू खुलासा.

हर्ष फायरिंग मामला मा पार्षद का खिलाफ मुकदमा दर्ज: बीजेपी पार्षद थै अपणा ही ब्यो मा हर्ष फायरिंग कन पड़ि भारी, ज्वालापुर कोतवाली पुलिस ना पार्षद का खिलाफ दर्ज करि मुकदमा, वखि पुलिस ना पार्षद की लाइसेंसी राइफल थै भी करि जब्त, बीजेपी का वरिष्ठ नेता और विधायक मदन कौशिक कू करीबी बतै जाणु च आरोपी पार्षद हारून खान.

हत्या मामला कू मुनिकि रेती थाना पुलिस ना करि खुलासा: मुनिकी रेती थाना पुलिस ना युवक की हत्या मामला कू करि खुलासा, साथी ही पुलिस ना द्वि आरोपियों थै भी करि गिरफ्तार, एसएसपी ना बताई कि आरोपी भूपेंद्र और विकेश ना ही विजय नेगी की कै छाई हत्या, पहचान छुपाणा खुणा आरोपियों ना पत्थर से कुचल दे छाई मृतक कू चेहरा.

मदरसों मा एनसीआरटी पाठ्यक्रम लागू: हरिद्वार का ज्वालापुर स्थित दारुल उलूम रशीदिया ईदगाह मदरसा मा अब बच्चों थै अब कुरान का साथ-साथ संस्कृत भाषा मा भी दिये जाणी च तालीम, एनसीआईटी का पाठयक्रम का तहत अब मदरसों मा विज्ञान, गणित, अंग्रेजी, हिंदी सहित संस्कृत की भी दिये जाणि च शिक्षा. प्रदेश मा स्थित मदरसों कू हुणु च मॉर्डनाइजेशन.

हाईवे पर हाथी का आण से मचि हड़कंप:हरिद्वार-नजीबाबाद नेशनल हाईवे पर हाथी का आड़ से मचि हड़कंप, सड़क पर हाथी का आण से वाहनों चालकों की थमिन सांसें, स्थानीय लौखु ना वन विभाग थै द्याई सूचना, वखि हाथी ना कैथे भी नि पौंचाई नुकसान, कुछ देर सड़क पर घुमाणा का बाद वापस जंगल की ओर लौट ग्ये छाई हाथी.

चार जिलों मा पवन हंस हेली सेवा फिर से शुरू:उत्तराखंड का चार जिलों मा पवन हंस हेली सेवा एक बार फिर शुरु ह्वे ग्याई, पिछला दिनों तकनीकी दिक्कतों का चलदा हेली सेवा थे किये ग्ये छाई स्थगित, यन मा अब देहरादून, हल्द्वानी, अल्मोड़ा और पिथौरागढ़ मा एक बार फिर शुरू ह्वे ग्याई हेली सेवा, वखि अभी बटि अल्मोड़ा और पिथौरागढ़ मा न्यू साल कू जश्न मनौण खुण पर्यटक करणा छिन एडंवास बुकिंग.