1. मसूरी मा धामी सरकार कू तीन दिवसीय चिंतन शिविर:मसूरी मा आज से उत्तराखंड सरकार कू तीन दिवसीय चिंतन शिविर कू ह्वाई शुभारंभ, मुख्यमंत्री पुष्कर सिंह धामी ना भी ये कार्यक्रम मा करि शिरकत, चिंतन शिविर मा सभी जिलों का जिलाधिकारी समेत सचिव स्तर का अधिकारी मौजूद, ये मौका पर प्रदेश की समस्याओं और विकास पर किये जालि चर्चा.
2. चिंतन शिविर मा मुख्य सचिव ना अधिकारियों थै दे नसीहत: लाल बहादुर शास्त्री अकादमी मसूरी मा आयोजित चिंतन शिविर मा मुख्य सचिव एसएस संधू ना अधिकारियों दे नसीहत, बोली- आईएएस अफसरों थै रास आंणि च कैभि कामा खुण ना बुना की आदत, अपणि आदत मा अधिकारियों थै कन पड़लु सुधार, आईएएस कू मतलब हुदुं च, आई हेव ए सोल्यूशन. काम खुण ना बुना की आदत मा सभि थै कन पड़लु सुधार.
अपणुं उत्तराखंड: दिनभरै खास खबर, एक नजर मा 3. कांग्रेस ना चिंतन शिविर थै बताई ड्रामेबाजी: धामी सरकार का मसूरी मा आयोजित चिंतन शिविर पर कांग्रेस ना कसी तंज, प्रदेश अध्यक्ष करण माहरा ना चिंतन शिविर थै ड्रामेबाजी द्याई करार, बोली- यांसे पेलि भी बीजेपी सरकार ना करिन कई बैठकें, लेकिन बैठकों कू आउटपुट जीरो, धरातल पर कुछ भी विकास नि आणु च नजर.
4. भारत नेपाल का बीच फोरलेन हाईवे कू निर्माण:भारत-नेपाल का बीच चार किलोमीटर फोरलेन हाईवे निर्माण की प्रक्रिया मा आई तेजी, वन विभाग और एनएचआई की टीम ना सड़क निर्माण मा कटे जाण वला पेड़ों कू करि भौतिक सत्यापन, 210 करोड़ की लगात से बण वला ये फोरलेन हाईवे कू निर्माण डेढ़ साल मा किये जालु पूरु. हाईवे बण से भारत-नेपाल का बीच बढ़ली व्यवसायिक गतिविधियां.
5. एकेश्वर ब्लॉक मा 8 करोड़ से अधिक की योजनाओं कू शिलान्यास:पर्यटन मंत्री सतपाल महाराज ना पौड़ी का एकेश्वर ब्लॉक थै 8 करोड़ से अधिक योजनाओं कू द्याई सौगात, जनता इंटर कॉलेज सुरखेत मा मंत्री सतपाल महाराज ना 8 करोड़ से ज्यादा की विभिन्न योजनाओं कू करि लोकार्पण और शिलान्यास, वखि ये मौका पर सतपाल महाराज ना लौखु से होमस्टे योजना कू अधिक से अधिक लाभ उठाणा कू करि आह्वान.
6. हरिद्वार से भारत जोड़ो यात्रा कू आगाज:हरिद्वार की मंगलौर विधानसभा क्षेत्र से कांग्रेस की भारत जोड़ो यात्रा कू ह्वाई आगाज, भारत जोडो यात्रा मा पूर्व मुख्यमंत्री हरीश रावत, कांग्रेस प्रदेश अध्यक्ष करण माहरा और नेता प्रतिपक्ष यशपाल आर्य रेनि मौजूद, ये मौका पर कांग्रेस नेताओं ना प्रदेश की बिगड़ती कानून व्यवस्था, भ्रष्टाचार और बेरोजगारी थै लेकि धामी सरकार पर बोली हमला.
7. हल्द्वानी नगर निगम की बैठक मा 125 करोड़ का प्रस्ताव पास:हल्द्वानी का अंबेडकर पार्क सभागार मा नगर निगम की पेलि बोर्ड बैठक किये ग्या आयोजित, वखि यिं बोर्ड बैठक मा 125 करोड का बजट से 12 प्रस्तावों पर लगी मुहर, मेयर जोगेंद्र रौतेला ना बोली- बैठक मा नगर निगम कर्मचारियों थै आयुष्मान योजना कू लाभ, सिटी फॉरेस्ट पार्क निर्माण समेत शीशमहल मा जन मिलन केंद्र खुना का प्रस्तावों थै किये ग्या पास.
8. न्याय की मांग थै लेकि धरना पर बैठिन अंकिता का परिजन: अंकिता भंडारी हत्याकांड मा न्याय मिना मा हुणी देरी से नाराज परिजन धरना पर बैठिन, पुलिस और राज्य सरकार पर केस मा हीलाहवाली कू लगाई आरोप, अंकिता की मां शकुंतला देवी ना आरोपियों कू नार्को टेस्ट और केस की जांच सीबीआई थै सौंपणा की करि मांग, प्रशासन की कार्यप्रणाली से नाराज छिन अंकिता का परिजन.
9. धारचूला मा आग लगण से 13 दुकनी ह्वेनी खाक:सीमांत जनपद पिथौरागढ़ का धारचूला मा भीषण अग्निकांड की घटना ऐ समणि, ये अग्निकांड मा 13 दुकान जलकर ह्वे राख, देररात शॉर्ट सर्किट का कारण दुकान मा लगी छाई आग, फायर ब्रिगेड की टीम ना 5 घंटा की कड़ी मशक्कत का बाद आग पर पाई काबू, आग लगण से ह्वाई लाखों कू नुकसान.
10. अंतर महाविद्यालय खेल प्रतियोगिता कू शुभारंभ:हेमवती नंदन बहुगुणा गढ़वाल केंद्रीय विश्वविद्यालय मा द्वि साल बाद अंतर महाविद्यालय खेल प्रतियोगिताओं कू ह्वाई आयोजन, द्वि साल कोविड महामारी का कारण स्थगित छाई आयोजन, अंतर महाविद्यालय प्रतियोगिता मा राज्य का सात महाविद्यालयों की टीम कनि च प्रतिभाग, द्वि दिन तक चललि या प्रतियोगिता.
