अपणुं उत्तराखंडः दिनभरै खास खबर, एक नजर मा

सीएम पुष्कर सिंह धामी न आज चमोली मा गौचर मेले क शुभारंभ कैरी. हरिद्वार मा कांग्रेस न भारत जोड़ो यात्रा कु दूसर चरण कु शुरुआत कौरी. तीरथ सिंह रावत क कमीशनखोरी पर दियां बयान पर पूर्व सीएम हरीश रावत न भाजपा पर चुटकी लेई. ईनी बड़ी दिनभरै खास खबर, एक नजर...

CM धामी न गौचर मेला क शुभारंभ कौरीःसीएम पुष्कर सिंह धामी न आज चमोली मा गौचर मेले क शुभारंभ कैरी. गौचर पौछिंन सीएम न 70वेा राजकीय औद्योगिक पर्यटन मेले क शुभारंभ कौरी. इससे पेल सीएम धामी न रुद्रप्रयाग मा 20 करोड़ 44 लाख 16 हजार की लागत से विकासखंड अगस्त्यमुनि क कोठगी मा बनण वालु नर्सिंग कॉलेज क भूमि पूजन अर शिलान्यास कौरी.

भारत जोड़ो यात्रा कू दूसर चरण शुरूःहरिद्वार मा कांग्रेस न भारत जोड़ो यात्रा कु दूसर चरण कु शुरुआत कौरी. हरिद्वार मा कांग्रेस प्रदेश अध्यक्ष करण माहरा न हरकी पैड़ी मा गंगा पूजन कोरी यात्रा कु दूसर चरण कु शुरूआत कोरी. करण माहरा न बोली कि भाजपा का राज मा उत्तराखंड मा लगातार भ्रष्टाचार होणा छन.

तीरथ क बयान पर हरीश रावत न लैई चुटकीःपूर्व मुख्यमंत्री तीरथ सिंह रावत क कमीशनखोरी पर दियां बयान पर पूर्व सीएम हरीश रावत न भाजपा पर चुटकी लेई. हरीश रावत न बोली कि तीरथ क बयान आम आदमी कु दर्द बयां करदू च. हरीश रावत न बोली कि यख त चौकीदार ही चोर-चोर चिल्लाणा छन त फिर चोरी करन वाल चोर से कैन बचाण. बतै द्यां कि पूर्व मुख्यमंत्री तीरथ सिंह रावत कु वायरल होण वालु बयान मां ऊ न बोली च कि कखी भी बिना परसेंटेज क काम नी ह्वांद. उत्तराखंड बनन कु बाद कमीशन जीरो ह्वाण चिंयादा छै पर उत्तर प्रदेश बिटीं चलण वालु 20% कमीशन दगड़ी उत्तराखंड मा शुरुआत ह्वाई.

फिर सुर्खियों मा शक्तिमान घोड़ा मौत मामलाःदेहरादून क बहुचर्चित शक्तिमान घोड़ा की मौत मामला मा एक बार फिर कैबिनेट मंत्री गणेश जोशी की परेशानी बढ़ सकदी. देहरादून मा आर्मी रिटायर्ड कर्नल होशियार सिंह न ये मामला पन जिला एवं सत्र न्यायालय मा पुनर्विचार याचिका दायर कौरी देई. ऊंका कहणा च कि पैली सुनवाई मा कुछ साक्ष्य अर गवाह बची ग्यै छै, जै से सच्चाई समणि नी आई. 15 नवंबर कु ये मामला पन सुनवाई होली.

सितारगंज मा स्कूली बस दगड़ी हादसा, द्वी मौतःबाल दिवस क दिन उधमसिंह नगर जिला क सितारगंज मा बड़ू सड़क हादसा ह्वा ग्याई. किच्छा क सुधीराम सिंह प्राइवेट स्कूल की बच्चों से भरी बस ट्रक से जोरदार टक्कर होणु कु बाद सड़क पर पलटी ग्याई. हादसा मा एक छात्रा अर एक शिक्षक की मौत ह्वै ग्याई च. सड़क हादसा मा करीब 40 बच्चा अर स्कूल स्टाफ क कुछ लोग घायल छन, सबी घायलों तैं इलाज कुन अस्पताल मा भर्ती करै ग्यै च. बतै जाण च कि बच्चा किच्छा बिटीं नानकमत्ता गुरुद्वारा घूमण ग्यै छै. ये दौरान सितारगंज क नयागांव क पास हादसा ह्वै ग्यै.

रैंगिग लेण वाल 7 छात्र निलंबितःवीर चंद्र सिंह राजकीय मेडिकल कॉलेज श्रीनगर मा एमबीबीएस प्रथम वर्ष क छात्रों की रैगिंग कन कु लेकी सात सीनियर छात्रों तैं तीन मैणा कु कॉलेज बिटीं निलंबित कर देई ग्यै च. सातों कु हॉस्टल बिटीं भी निकाली ग्यै च. बतैं द्यां कि तीन दिन पैली ही श्रीनगर मेडिकल कॉलेज मा एमबीबीएस प्रथम वर्ष क एक छात्र न छात्रावास मा रैंगिंग होण की शिकायत राष्ट्रीय आयुर्विज्ञान आयोग के पोर्टल मा डाली छै. सूचना मिलण पन प्राचार्य प्रो. सीएम रावत न जांच करवै. कमेटी ने छात्र क आरोप सही पाइन, जैका बाद एंटी रेगिंग कमेटी न आरोपी छात्रों तैं स्थायी रूप से निष्कासित कर देई.

गढ़वाल विवि क परीक्षा नियंत्रक अरुण रावत हटैई गैईःहेमवती नंदन बहुगुणा गढ़वाल केंद्रीय विश्वविद्यालय क परीक्षा नियंत्रक अरुण रावत कु ऊंक पद बिटिक हटा देई च. अब ऊंथै ऊंक मूल तैनाती मा ज्वॉइन करणु कु बोलु च. ऊं की छुट्टी भी निरस्त कर देई ग्यै च. मामला मा अरुण रावत न बोली कि ऊंथै किले हटैई च. यैक जानकारी ऊंक पास नी च. बतैं द्यां कि बीता जुलाई मैणा मा गढ़वाल विश्वविद्यालय मा छात्रों अर परीक्षा नियंत्रक क बीच मांगों कु लेकी तनातनी ह्वै ग्यै छै. आक्रोशित छात्रों न परीक्षा नियंत्रक अरुण रावत तैं ऊं का कार्यालय मा कैद कर लेई छै. ऊं तैं आश्वासन मिलण कु बाद ही छोड़ी छै. तबी बिटीं छात्र ऊं तैं हटाण की मांग पर अड़्यां छै.

ओपन यूनिवर्सिटी मा अवैध नियुक्तियों कु मामलाःनैनीताल हाईकोर्ट न उत्तराखंड ओपन यूनिवर्सिटी हल्द्वानी मा हुई अवैध नियुक्तियों को चुनौती देण वाली जनहित याचिका तैं निरस्त कर देई. मुख्य न्यायाधीश विपिन सांघी व न्यायमूर्ति मनोज कुमार तिवारी की खंडपीठ न बोली कि ई मामला सर्विस दगड़ी जुड़ी च, ये मा जनहित याचिका नी ह्वै सकदी.

काशीपुर मा छात्र क संदिग्ध परिस्थिति मा मौतःउधमसिंह नगर जिला क काशीपुर मा बाल दिवस क मौका पन पंडित गोविंद बल्लभ पंत इंटर कॉलेज मा आठवीं क छात्र क संदिग्ध परिस्थितियों मा मौत ह्वैगी. छात्र क परिजनों न कॉलेज क शिक्षकों पन हत्या करणु कु आरोप लगैई.

जल्द शुरू ह्वै सकदी एयर एंबुलेंस सेवाःउत्तराखंड मा जल्द एयर एंबुलेंस सेवा शुरू ह्वै सकदी. नागरिक उड्डयन सचिव दिलीप जावलकर ने बताई च कि एयर एंबुलेंस क संबंध मा टेंडरिंग प्रक्रिया संपन्न होण कु इंतजार ह्वाणु च. टेंडरिंग प्रक्रिया संपन्न होण के बाद एयर एंबुलेंस को ऋषिकेश एम्स परिसर मा तैनात किया जाएगा.