उत्तराखंड कैबिनेट बैठक संपन्न:उत्तराखंड सचिवालय मा आज सीएम धामी की अध्यक्षता मा कैबिनेट बैठक संपन्न, यिं कैबिनेट बैठक मा 25 विषयों पर बणी सहमति, साथ ही उत्तराखंड न्यायिक सेवा संशोधन नियामली थै मिली मंजूरी, वखि राजस्व पुलिस व्यवस्था थै समाप्त किये जाण पर किये ग्या विचार, यन मा स्टेप बाई स्टेप रेगुलर पुलिस थै सौंपे जालु राजस्व क्षेत्र.
पीएम मोदी कू उत्तराखंड दौरा:एक दा फिर उत्तराखंड का दौरा पर ऐ सकदिन पीएम मोदी, उत्तराखंड मा दीवाली मनौण खुण पौंच सकदिन केदारनाथ, 23 अक्टूबर का दिन बाबा केदार का दर्शनों खुण उत्तराखंड ऐ सकदिन पीएम मोदी. यख फौजियों दगणि छुटि दीवली मनौण कू बण सकदु पीएम मोदी कू प्रोग्राम.
अपणुं उत्तराखंडः दिनभरै खास खबर, एक नजर मा. करवाचौथ त्योहार थै लेकि बाजारों मा रौनक:उत्तराखंड मा करवा चौथ त्योहार की धूम, बाजारों मा दिखेणि च त्योहार की रौनक, महिलाओं का श्रृंगार, कपड़ों और उपहार से सजि छिन दुकनी, 13 अक्टूबर का दिन मनै जालु करवा चौथ कू त्योहार, सुहागिन महिलाओं मा त्योहार थै लेकि दिखेणु च खासु उत्साह.
2015 दारोगा भर्ती घोटाला की जांच जारी:2015 मा हुयां दारोगा भर्ती घोटाला की जांचा खुण आज रुद्रपुर पौंचि विजिलेंस की टीम, पंतनगर कृषि विश्वविद्यालय पौंचिकि विजिलेंस टीम ना टेस्ट एंड सिलेक्शन कमेटी का चेयरमैन डॉ एनएस जादौन से छह घंटा तक करि पूछताछ, सीओ शिखा अग्रवाल का नेतृत्व मा चनि च भर्ती घोटाला की जांच.
बंशीधर भगत ना अपणा बयान पर मांगी माफी:कालाढूंगी विधायक बंशीधर भगत ना अपणा बयान थै लेकि मांगी माफी, बोली- कैकि भावनाओं थै ठेस पहुंचाणा कू नि छाई मसकद, उत्तराखंड मा बोल चाल भी भाषा मा दे छाई बयान, अगर बयान से कैका आत्मसम्मान और भावनाओं थै पौंचि ठेस त मि अपणा शब्दों थै वापस लिंदु छौ. बंशीधर भगत ना देवियों थै लेकि कै छाई अमर्यादित टिप्पणी.
काशीपुर मा अतिक्रमण का खिलाफ कार्रवाई: कोर्ट का आदेश पर आज काशीपुर बाजार मा अतिक्रमण का खिलाफ किये ग्याई कार्रवाई, ये दौरान प्रशासन की टीम न अतिक्रमण थै करि चिन्हित, वखि ये मौका पर प्रशासनिक टीम ना अतिक्रमणकारियों को दे चेतावनी, नैनीताल हाईकोर्ट ना स्थानीय निवासी मनोज कौशिक की याचिका दायर पर दे छाई आदेश.
द्रोपदी डांडा मा बर्फबारी का चलदा रेस्क्यू अभियान स्थगित:उत्तरकाशी का द्रौपदी डांडा मा अभी भी चनु च रेस्क्यू, हिमस्खलन की घटना का बाद से निम का द्वि प्रशिक्षु अभी भी लापता. भारी बर्फबारी का कारण रेस्क्यू अभियान थै किये ग्या छाई स्थगित, बुधवार मौसम खुलणा का बाद दुबरा शुरू किये जालु रेस्क्यू अभियान. ये हादसा मा 27 लौखु ना गंवे छाई जान.
विकासनगर मा वाहन दुर्घटना मा 12 लोग घायल:विकासनगर का लोखंडी लोहारी मोटरमार्ग पर ओवरलोडिंग का चलदा वाहन दुर्घटनाग्रस्त, ये घटना मा वाहन मा सवार 12 लोग ह्वेनि घायल, द्वि गंभीर रूप से घायल लौखु थै किये ग्या हायर सेंटर रेफर, बाकि, सभी घायलों कू चकराता सीएचसी मा चनु च इलाज. घटना का बाद से वाहन चालक फरार.
नैनीताल का आलूखेत क्षेत्र मा भूस्खलन जारी: बारिश का चलदा नैनीताल का आलूखेत क्षेत्र मा हुणु च भूस्खलन, जैका चलदा स्थानीय लौखु ना प्रशासन से लगाई विस्थापन की गुहार, वखि, कुमाऊं कमिश्नर दीपक रावत ना करि आपदा प्रभावित क्षेत्र कू निरीक्षण, तहसील कार्यालय पौंचिकी व्यवस्थाओं कू जायजा.
केदारनाथ धाम मा बर्फबारी शुरू:केदारनाथ मा बर्फबारी कू दौर शुरू, बर्फबारी से केदारनाथ धाम का आसपास की पहाडी लकदक, वखि बर्फबारी का बाद केदारनाथ धाम मा बढ़ी ठंड, वाबजूद येका बाबा केदार का दर्शना खुण भारी संख्या पौंचण छिन यात्री, बाबा केदार का दर्शनों थी एक किलोमीटर दूर तक लगी च भक्तों की लाइन.
