1. केंद्रीय पर्यटन मंत्री से सीएम धामी ना करि मुलाकात:मुख्यमंत्री पुष्कर सिंह धामी ना दिल्ली दौरा का दौरान केंद्रीय पर्यटन मंत्री किशन रेड्डी से करि मुलाकात, ये मौका पर सीएम धामी ना मानसखंड कॉरिडोर थै लेकि केंद्रीय पर्यटन मंत्री दगणि करि विस्तृत चर्चा, प्रदेश मा पर्यटन गतिविधि बढ़ौण थे लेकि ह्वाई बातचीत.
2. कांग्रेस नेताओं ना पीड़ित परिवार से करि मुलाकात:नेता प्रतिपक्ष और कांग्रेस अध्यक्ष समेत कई नेताओं ना आज श्रीकोट गौ पौंचिकी दिवगंत अंकिता भंडारी का माता-पिता से करि मुलाकात, कांग्रेस नेताओं ना पीड़ित परिवार का प्रति अपणि शोक सवेंदनाएं करिन व्यक्त, ये मौका पर कांग्रेस नेताओं ना अंकिता हत्याकांड की सीबीआई से जांच कराणा की करि मांग.
अपणुं उत्तराखंडः दिनभरै खास खबर, एक नजर मा. 3. पटवारी वैभव प्रताप थै डीएम ना करि निलंबित:अंकिता भंडारी हत्याकांड मामला मा कोताही बर्तणा का आरोप मा अवकाश पर ग्या पटवारी वैभव प्रताप से डीएम विजय कुमार जोगदंडे ना करि निलंबित, ये मामला मा जांच रिपोर्ट समणि आणा का बाद लगातार कार्रवाई जारी च, मामला की जांच लैंसडाउन एसडीएम प्रमोद कुमार कना छिन.
4. जांच खुण वनंत्रा रिजॉर्ट पौंचि एसआईटी टीम:अंकिता भंडारी मर्डर केस की जांच पड़ताला खुण आज वनंत्रा रिजॉर्ट पौंचि एसआईटी की टीम, एसआईटी प्रभारी डीआईजी पी रेणुका देवी ना क्राइम सीन को मुआयना, हत्यारों का खिलाफ सबूत जुटाण मा लगि च एसआईटी की टीम, मौका से टीमा ना कई एविडेंस करिन कलेक्ट.
5. आरएसएस प्रचार प्रमुख ना मांगी माफी:आरएसएस विभाग प्रचार प्रमुख ना अंकिता भंडार मर्डर केस थै लेकि सोशल मीडिया मा करि आपत्तिजनक पोस्ट, प्रचार प्रमुख विपिन कर्णवाल की टिप्पणी पर सोशल मीडिया पर लौखु ना जताई आक्रोश, वखि अब ईटीवी का माध्यम से विपिन कर्णवाल ना लौखु से मांगी माफी और बोली- मेरी पोस्ट से जौ लौखु की भावना ह्वेनि आहत, वु लौखु से मंगणु छौ माफी.
6. आपदाग्रस्त क्षेत्र कू प्रीतम सिंह ना करि निरीक्षण:जौनसार बावर इलाका मा बरखा से मची भारी तबाही, आज चकराता विधायक प्रीतम सिंह ना आपदाग्रस्त क्षेत्र कू करि निरीक्षण, साहिया क्षेत्र मा बरखा से मकान और गौशालाएं क्षतिग्रस्त, प्रीतम सिंह ना प्रशासन पर लगाई आपदा पीड़ितों की उपेक्षा कू आरोप, सरकार से करि उचित मुआवजा दिणा की मांग.
7. देहरादून मा अवैध निर्माण थै एमडीडीए ना करि ध्वस्त:मुख्यमंत्री धामी की सख्ती का बाद एमडीडीए ना अवैध निर्माणों का खिलाफ करि कार्रवाई, राजपुर रोड पर अवैध रूप से संचालित कैफे और रेस्टोरंट थै प्रशासनिक टीम न करि सील, वखि अवैध निर्माणों थै बुलडोजर की मदद से किये ग्या धवस्त. अवैध निर्माण का खिलाफ एमडीडीए की कार्रवाई जारी.
8. उत्तराखंड दारोगा भर्ती मामला मा मुकदमा दर्ज:साल 2015 मा उत्तराखंड पुलिस दारोगा भर्ती मा ह्वेई अनियमिताओं की जांच मा जुटी च एसटीएफ, जांच मा दारोगा भर्ती परीक्षा की ओएमआर शीट नष्ट कना कू पंतनगर यूनिवर्सिटी पर लगी आरोप, ये मामला मा पंतनगर यूनिवर्सिटी से जुड़या लौखु का खिलाफ एसटीएफ ना दर्ज करि मुकदमा.
9. भूस्खलन प्रभावित क्षेत्र कू आपदा सचिव ना करि निरीक्षण:सरोवर नगरी नैनीताल का बनियानाला, ठंडी सड़क और नैनीझील का आसपास का क्षेत्रों मा भूस्खलन जारी, आपदा सचिव रणजीत सिंहा ना नैनीताल पौंचिकी भूस्खलन प्रभावितों क्षेत्रो कू करि निरीक्षण, वखि लगातार भूस्खलन का चलदा अब नैनीताल शहर का अस्तित्व पर मंडराणु च खतरा. आपदा सचिव ना अधिकारियों से मांगी रिपोर्ट.
10. धूमधाम से मनै ग्या विश्व पर्यटन दिवस: मसूरी का ऐतिहासिक जॉर्ज एवरेस्ट मा धूमधाम से मनै ग्याई विश्व पर्यटन दिवस, जॉर्ज एवरेस्ट पर एयर स्पोर्ट्स के तहत हॉट एयर बैलून और एयर एडवेंचर कू ह्वाई प्रदर्शन, ये मौका पर पर्यटन सचिव सी रविशंकर ना जॉर्ज एवरेस्ट से शुरू हुण वलि हेली सेवा ट्रायल कू करि निरीक्षण, देहरादून से जॉर्ज एवरेस्ट मा लैंड करये ग्या हेलीकॉप्टर.
