अपणुं उत्तराखंडः दिनभरै खास खबर, एक नजर मा

प्रधानमंत्री नरेंद्र मोदी आगामी 22 सितंबर का दिन केदारनाथ पुनर्निर्माण कार्यों कू ड्रोन का जरिये करला वर्चुअल निरीक्षण, मुख्यमंत्री पुष्कर सिंह धामी ना दिल्ली मा आज केंद्रीय जलशक्ति मंत्री गजेंद्र सिंह शेखावत की अध्यक्षता मा आयोजित किसाऊ बांध बहुद्देशीय परियोजना थै लेकि बैठक मा करि शिरकत, बीजेपी प्रदेश अध्यक्ष महेंद्र भट्ट कू रामनगर पौंचण पर कार्यकर्ताओं ना करि जोरदार स्वागत, पैढ़ा उत्तराखंड की ईनी दिनभरै खास खबर बस एक क्लिक मा.

1. केदारनाथ पुनर्निर्माण कार्यों कू पीएम मोदी करला निरीक्षण: प्रधानमंत्री नरेंद्र मोदी आगामी 22 सितंबर का दिन केदारनाथ पुनर्निर्माण कार्यों कू ड्रोन का जरिये करला वर्चुअल निरीक्षण, वखि प्रधानमंत्री का निरीक्षण से पेलि ओएसडी भाष्कर खुल्बे और उप सचिव पीएमओ मंगेश घिल्डियाल ना करि छाई बदरीनाथ और केदारनाथ पुनर्निर्माण कार्यों कू स्थलीय निरीक्षण, निर्माण एजेंसियों थै जल्द कार्य पूरा कना का दे छाई निर्देश.

2. किसाऊ बांध बहुद्देशीय परियोजना थै लेकि अहम बैठक:मुख्यमंत्री पुष्कर सिंह धामी ना दिल्ली मा आज केंद्रीय जलशक्ति मंत्री गजेंद्र सिंह शेखावत की अध्यक्षता मा आयोजित किसाऊ बांध बहुद्देशीय परियोजना थै लेकि बैठक मा करि शिरकत, वखि बैठक मा हिमाचल का मुख्यमंत्री जयराम ठाकुर और हरियाणा का मुख्यमंत्री मनोहरलाल खट्टर ना वर्चुअली करि प्रतिभाग, ये मौका पर बैठक मा मुख्यमंत्री पुष्कर सिंह धामी परियोजना थै लेकि रखि अपणु पक्ष.

3. बीजेपी अध्यक्ष महेंद्र भट्ट कू रामनगर मा जोरदार स्वागत:बीजेपी प्रदेश अध्यक्ष महेंद्र भट्ट कू रामनगर पौंचण पर कार्यकर्ताओं ना करि जोरदार स्वागत, आगामी 28 से 30 सितंबर तक रामनगर मा होलु बीजेपी चिंतन शिविर कू आयोजन, चिंतन शिविर मा आगामी पांच सालों का रोड मैप पर किये जाली चर्चा, महेंद्र भट्ट ना बोली- कांग्रेस का कई दिग्गज नेता बीजेपी मा ह्वे सकदिन शामिल

4. 21 दिन और बढै़ ग्याई राजेश गुलाटी की शॉर्ट टर्म बेल:उत्तराखंड का चर्चित अनुपमा गुलाटी हत्याकांड मा सजायाफ्ता राजेश गुलाटी की शॉर्ट टर्म जमानत याचिका पर नैनीताल हाईकोर्ट ना करि सुनवै, जैका बाद वरिष्ठ न्यायमूर्ति संजय कुमार मिश्रा एवं न्यायमूर्ति आलोक कुमार वर्मा की खंडपीठ ना अभियुक्त राजेश गुलाटी की 21 दिन और बढ़ै द्याई शॉर्ट टर्म जमानत, कोर्ट मा स्वास्थ्य कारणों कू दिये ग्ये छाई हवाला.

5. उत्तराखंड का 26 पीसीएस अधिकारियों कू प्रमोशन:उत्तराखंड का 26 पीसीएस अधिकारियों कू शासन ना करि प्रमोशन, उत्तराखंड सिविल सेवा चयन श्रेणी का 7600 ग्रेड पे मा अधिकारियों थै पदोन्नत किये जाणा की राज्यपाल ना द्याई स्वीकृति, 6600 ग्रेड पे मा चयनित उत्तराखंड सिविल सेवा का 26 कर्मचारियों थै मिली प्रमोशन.

6. 42 यात्रियों थै सकुशल एसडीआरएफ ना करि रेस्क्यू:एसडीआरएफ ना मौसम खराब हुणा का चलदा पिथौरागढ़ का धारचूला मा फंसया 42 तीर्थ यात्रियों थै सकुशल करि रेस्क्यू, आदि कैलाश यात्रा खुण ग्या छाई सभी यात्री, वखि धारचूला से तीन किलोमीटर अगनै बूंदी मा मौसम खराब हुणा का चलदा फंसया छाई सभी यात्री, एसडीआरएफ ना सकुशल रेस्क्यू करि सबि यात्रियों थै पौंचाई धारचूला.

7. खटीमा मा पुलिस ना करि सेक्स रैकेट कू भंडाफोड़:खटीमा का झनकईया थाना क्षेत्र मा एंटी ह्यूमन ट्रैफिकिंग यूनिट ना सेक्स रैकेट कू करि भंडाफोड़, राजीव नगर स्थित एक मकान मा टीम ना करि छापेमारी, मौके से देह व्यापार मा लिप्त तीन महिलाओं और एक पुरुष से पुलिस ना करि गिरफ्तार, संबंधित धाराओं मा मुकदमा दर्ज करि पुलिस ना चरि आरोपियों थै भेजी जेल.

8. पुलिस ना करि नकली सीमेंट फैक्ट्री कू भंडाफोड़:उधमसिंह नगर का बाजपुर कोतवाली क्षेत्र मा पुलिस और एसओजी की टीम ना नकली सीमेंट बनाण वलि फैक्ट्री कू करि भंडाफोड़, पुलिस टीम थै फैक्ट्री बटि भारी मात्रा नकली सीमेंट का कट्टा ह्वेनि बरामद. वखि मौका पुलिस ना पांच आरोपियों थै करि गिरफ्तार, आरोपियों से पुलिस कनि च पूछताछ.

9. हल्द्वानी का गौलापार क्षेत्र मा हाथियों कू आतंक:हल्द्वानी का गौलापार इलाका मा हाथियों का आतंक से लोग परेशान, देर रात हाथियों का झुंड ना बागजाला जूनियर हाईस्कूल मा जमकर मचाई उत्पात, हाथियों ना तोड़ी स्कूल की सुरक्षा दीवार, वखि इलाका मा हाथियों की चहलकदमी थै खौफजदा छिन ग्रामीण, वन विभाग से ग्रामीणों ना लगाई सुरक्षा की गुहार.

10. 24 सितंबर से अखिल भारतीय ज्योतिष सम्मेलन शुरु:आगामी 24 सितंबर से रुड़की मा हुण जाणि च अखिल भारतीय ज्योतिष सम्मेलन की शुरुआत. ये ज्योतिष सम्मेलन मा देशभर से ज्योतिषाचार्या करला शिरकत, आगामी लोकसभा चुनौ और पशुओं मा लंपी बिमारी थै लेकि भी सम्मेलन मा किये जाली चर्चा, ज्योतिष द्वारा लौखु की समस्याओं कू भी किये जालु निदान.